Puedes baxar dende los foros n’asturianu de Nastur.com un paquete de voces n’asturianu pal Tomtom.

Con sólo descomprimir el ficheru .chk nel direutoriu Voices del Tomtom ya podremos esfrutar los nuestros viaxes col GPS falándonos n’asturianu (voz de muyer) 😀

Val pa cualisquier módelu de Tomtom qu’use los ficheros .chk.

Edición 14 Setiembre 2010: Firefox ya ta n’asturianu oficialmente pa tolos sistemes operativos 😉 + info.

Tan acabantes d’anovar los repositorios d’Ubuntu con Firefox 3.0.7, la traducción de Xulrunner funcionará igual, pero la de Firefox hai d’anovala, dexovos el ficheru pa esti últimu.

Firefox 3.0.7 n’asturianu

Les instrucciones pa instalalu, y el paquete pa xulrunner (en casu de que vos faiga falta) teneisles nel artículu de Firefox 3.0.5

Ye mui raru que tanto n’Ubuntu y sobre manera en Debian que tengas que compilar software pola gran cantidá de binarios disponibles. Sicasí si t’apetez caciplar esti ye un métodu rápidu pa facelo.

Lo primero ye instalar el software necesariu (si nun lo tienes yá)

$ sudo aptitude install dh-make devscripts fakeroot build-essential g++ libglib2.0-dev libglade2-dev libgnomeprintui2.2-dev libgsf-1-dev libenchant-dev libfribidi-dev libwv-dev libpopt-dev

Depués pa ser ordenaos vamos facer un direutoriu nuevu onde guardamos el ficheru comprimíu del nuesu códigu fonte, y los descomprimimos. Agora tendremos algo asi

/carpeta/programa-x.x

/carpeta/programa-x.x.orig.tar.gz

Agora entramos dende una terminal na “carpeta” y executamos

$ dh-make -e el_to@correu.ye -s (pa más opciones ver manual)

Agora entraríemos en /carpeta/programa-x.x/debian/ y editamos el ficheru “control” pa poner una descripción el nome de l’aplicación o la estaya.

Depués modificais el changelog a manu o automáticamente col comandu

$ dhc -i

Namás que queda compilar y tener suerte

$ fakeroot debian/rules binary

El pexe grande arrebexa escontra’l pequeñu…. ¿Fame? ¿Miéu?

Microsoft presentó una demanda escontra TomTom, fabricante de ñavegadores GPS p’automóviles, argumentando que la empresa viola 8 patentes propiedá de Microsoft. Los preseos TomTom executen una versión del sistema operativu Linux. Microsoft asegura que Linux viola polo menos 3 d’estes patentes.

“Microsoft namái tien presentao trés demandes por patentes na so hestoria, y ésta ye la primer na que participa Linux”, dixo Horacio Gutiérrez, Vicepresidente y Conseyeru a cargu de la estaya de Propiedá inteleutual de Microsoft. Suxirió que’l códigu Open Source “nun ye’l busilis d’esta aición”.

Pela escontra, la demanda sobro patentes de Microsoft diz que TomTom ta usando software propietariu. TomTom, según Gutiérrez, desendolca productos basaos na combinación de códigu propietariu y Open Source. La Linux Foundation, pela so parte, amosó na so total disposición sobro cualesquier reclamación n’escontra de Linux. “La Linux Foundation ta trabayando n’estrecha andecha colos nuesos socios de la Open Invention Network y los nuesos miembros, y ta tresnándose pa cualesquier reclamación escontra Linux”, dixo’l direutor executivu de la fundación, Jim Zemlin nún comunicáu. “Tenemos un gran enfotu sobro les bases nes que nos sofitamos. Desafortunadamente estes reivindicaciones son un so-productu del nuesu sistema empresarial y llegal actual. Per agora tamos adicando bien de cerca la situación y tamos dispuestos a montar una defensa pa Linux, en casu de ser necesaria”.

vía http://www.historiasdequeso.es/

Como soi mui vagu y nun me apetez tar dos hores compilando AbiWord en cada equipu empaquetelu nun deb.

Ye pa equipos i386 y namás que lo probé en Ubuntu Intrepid (Debian téngolo en ppc) pero debería funcionar igual Debian.

Esta versión corrixe un bug que facía que nun se vieran los iconos al usar el asturianu como idioma, al nun tar anovaos los repositorios d’Ubuntu teniamos de compilar pero agora ye más fácil.

• Descargues
• Calques dos veces nel paquete pa instalalu y a correr

Los usuarios de Windows pueden baxalu dende abisource.com

De veres, la diferencia ente Linux y Windows ye que Linux ye como una mocina guapina, hay que conquistala, entendela y seducila, mientres que Windows ye como una prostituta, tienes que paga-y y sobre too, protexete bien.

Vía: Lineup

¿Quies saber cuala ye la distribución más adecuada pa ti?

Equí podrás sabelo 😀

Ye pa mí un preste comunicar que’l famosu Editor d’imáxenes The GIMP yá ta disponible n’asturianu!!

Gracies, cómo non, a tol equipu de Softastur. GIMP (GNU Image Manipulation Program) ye un programa de edición d’imaxes, tantu dibuxos como semeyes. Ye un programa llibre y de baldre, englobáu nel proyeutu GNU y disponible baxo la llicencia GNU. Un pocu d’hestoria: “La primer versión de GIMP desendolcóse pa sistemes Unix y foi camentada n’especial pa GNU/Linux. Esisten versiones totalmente funcionales pa Windows, pa Mac OS X, pa Distribuciones Linux (como Ubuntu) y pa otros sistemes operativos, faciéndolu el programa de remanamientu de gráficos disponible en más sistemes operativos. Pue consideráse-y como l’alternativa más firme pa Photoshop, darréu que tien un interface enforma desemeyáu. La biblioteca de controles gráficos GTK, desendolcada pa GIMP, dio orixe al entornu d’escritoriu de GNOME.” Una ferramienta, que ensin dubia pasa a ocupar un llugar de privilexu nesi gran grupu de programes que ven la lluz na nuesa llingua gracies al software llibre. Pue dicise que  ye la ferramienta más importante xunto con OpenOffice y Firefox, formando un tríu de lluxu. Norabona a toos. Nota: Sólo pa Ubuntu. A qué tas esperando?

Avisu esti artículu puede ser demasiáu geek… avisaos quedais…

Toi mui tentáu a montame un repetidor caseru de Radio Sele. Suelo sentir esta emisora cuando voi en coche pero en casa recíbola mui mal y namás que soi a sentila por internet pero, anque nun lo creais, nun toi pegáu al ordenador tol día.

Entós la idea ye esplotar (un pocu más) un PentiumII que tengo de sirvidor pa compartir ficheros impresores etc… esti sirvidor tien tarxeta de soníu polo que namás que tengo de coneutar la tarxeta a un d’esos emisores FM que venden pa sentir el reproductor mp3 na radio del coche y enchufalu con un adapatador de 12V.

El sirvidor nun tien entornu gráficu entos necesitaremos instalar mplayer

sudo aptitude install mplayer

Y pa entamar a sentir la música namás que escribimos el comando mplayer y la url de la radio que queramos sentir, nesti casu la de radio sele.

mplayer http://bach.serveisweb.com/RA163

Pa paralu, por exemplu si queremos cambiar d’emisora o simplemente porque nun vamos sentila n’esi momentu

Control + C

Yá namás que mos queda sintonizar el nuesu “repetidor” nel transistor mientres tamos na ducha o preparando la cena.

Si bien nun hai virus y el sistema ye’l mas seguru, tamién hai que tener un poco de xacíu y llevar a cabu dellos pasos pa tener un sistema y una proteición de datos a prueba de bombes 😉

Activa’l tornafuegos: Pa ello en consola
sudo ufw enable
sudo ufw default deny
Tamién si prefieres una interface gráfica, instala Gufw
sudo apt-get install gufw
Importancia: 10/10

Configura bien el to router
Activa WPA o WPA2 pal to router. Les contraseñes WEP son perfáciles de hackear.
Tamién activa una máscara MAC colo que sólo los tos ordenadores señalaos puedan entrar.
Importancia: 10/10

Usa contraseñes segures
Sí, por favor, camuda esi “1234” por otra cosa, por exemplu “4321” 😉
Importancia: 10/10

Encripta los tos datos
Dende la versión 8.10 encriptar los datos ye perfácil nuna carpeta pa tal xera.
Nes prósimes versiones, ta previsto que la encriptación seya a tol home del usuariu 🙂
Importancia: 10/10

Manten el to sistema actualizáu
Por muncha seguridá que se tenga, ye perimportante tener un sistema actualizáu colo que evitar vulnerabilidaes conocíes.
Importancia: 8/10

Usa grupos y permisos
Cada usuariu puede ser miembru d’ún o varios grupos, y los tos archivos debieren tener claro los permisos pa ti, el to grupu y pal restu.
Importancia: 7/10

Nun uses root pa too
Nun debes considerar una molestia que’l sistema pida la clave d’alministrador pa procesos críticos. Ye perimportante dixebrar los “poderes” de cada usuariu, polo tanto, nun uses sesiones root pal trabayu cotidianu, les probabilidaes de frayar el sistema son grandes si nun sabes perfeutamente lo que faes.
Importancia: 7/10

Fae backups
Ḥode bastante perder tolos datos. Discos duros espurríos, hackers, cayíes del portátil… pueden ḥodete tola información.
Importancia: 6/10

Comprueba cuentes non usaes
Munches vegaes criamos usuarios que nun volvemos a usar. Desanicialos dafechu cuando nun vayan usase ye lo meyor.
Importancia: 4/10

Fonte: Techradar.com