Tengo un poco abandonao Ta pa Ponga, pero la escusa ye perbona: la nueva versión de Gufw 0.0.5.
Software fechu n’Asturies y n’asturianu 😀 Tamién toi preparando Launchpad pa poder tornarlu a cualisquier llingua y disponer de repositoriu pa Ubuntu 😉
Les meyores nesta versión son abondes, muncho más cenciello nel manexu, más coherente con ufw, meyorao’l códigu, meyorada la interface, programes y servicios preconfiguraos, más visual con collores nes regles aplicables, páxina web oficial… 😉
Pa munchos la falta d’un cliente atrativu de messenger pa la rede MSN en Linux ye un tema perimportante.
Yo cada vegada reniego más del messenger, pero de xemes en cuando presta tar “online” 😛
N’Ubuntu siempre usé Pigdin, más bien por falta d’alternatives perguapes qu’otra cosa.
aMSN nunca me convenció.
Pero agora descubrí “emesene“. Un cliente perguapu, simple, funcional 😉
Los pros son abondos: guapura, lliviano, perconfigurable mediante plugins, nos repositorios…
L’único pero que-y pongo ye que sólo contempla la rede MSN, cuando ye una rede privativa y zarrada.
Va tiempu que nun escribo nada en Ta pa Ponga, y güei pongo una forma de configurar rápidamente el manexo d’un equipu con Mac OS X dende Ubuntu usando’l serviciu d’escritoriu remotu.
Un escritoriu remotu nun ye más que un equipu con un servidor que permite manexarse dende otru distintu al travies d’una rede, esto ye útil pa manexar el to equipu cuando nun tas en casa o, el que pa mi ye más interesante, tratar d’iguar problemes de familiares y collacios (serviciu téunicu de baldre dicho d’otra forma) pero esin tener que separtar el culu de la silla, que cansa…
Lo primero que vamos facer ye configurar Mac OS X pa que mos dexe entrar dende’l nuesu equipu, calcamos na mazana del menú y calcamos “Preferencias del Sistema” y equí vamos a “Compartir”, onde inciamos el serviciu “Apple Remote Desktop”.
Pa poder configurar los permisos d’accesu (un poquitín de seguridá) calcamos en “Privilegios de acceso…”
Equí marcamos que usuariu queremos que pueda coneutar y que coses puede controlar, marcamos tamién el permisu pa “controlar la pantalla” y ponemos una clave d’accesu pa visores VNC.
Aceptamos too y nos vamos a Ubuntu.
Cola instalación por defeutu nun vamos poder coneutar, pero valnos con instalar el paquete vncviewr, abrimos una terminal y escribimos:
sudo aptitude install vncviewer
Cuando acabe la instalación vamos a Aplicaciones>>Internet>>Terminal Server Client
En “Computer” ponemos la IP del Mac OS X, en “Protocol” escoyemos “VNC” en”User Name” el nome del usuariu que activamos nel Macos y calcamos “Connect”, saldranos una ventanina onde pondremos la clave y damos-y a la tecla “enter”. Abrirá entos una ventana col escritoriu del Mac.
Tenéi en cuenta que si quereis acceder dende fuera de la vuesa rede llocal teneis d’abrir el puertu 3283 (UDP) nel router.
Déxovos un video d’exemplu de funcionamientu del escritoriu remotu.
Calca equí p’amosar conteníu dende YouTube. Consulta la política de privacidá de YouTube.
