Ye pa mí un preste comunicar que’l famosu Editor d’imáxenes The GIMP yá ta disponible n’asturianu!!

Gracies, cómo non, a tol equipu de Softastur. GIMP (GNU Image Manipulation Program) ye un programa de edición d’imaxes, tantu dibuxos como semeyes. Ye un programa llibre y de baldre, englobáu nel proyeutu GNU y disponible baxo la llicencia GNU. Un pocu d’hestoria: “La primer versión de GIMP desendolcóse pa sistemes Unix y foi camentada n’especial pa GNU/Linux. Esisten versiones totalmente funcionales pa Windows, pa Mac OS X, pa Distribuciones Linux (como Ubuntu) y pa otros sistemes operativos, faciéndolu el programa de remanamientu de gráficos disponible en más sistemes operativos. Pue consideráse-y como l’alternativa más firme pa Photoshop, darréu que tien un interface enforma desemeyáu. La biblioteca de controles gráficos GTK, desendolcada pa GIMP, dio orixe al entornu d’escritoriu de GNOME.” Una ferramienta, que ensin dubia pasa a ocupar un llugar de privilexu nesi gran grupu de programes que ven la lluz na nuesa llingua gracies al software llibre. Pue dicise que  ye la ferramienta más importante xunto con OpenOffice y Firefox, formando un tríu de lluxu. Norabona a toos. Nota: Sólo pa Ubuntu. A qué tas esperando?

Avisu esti artículu puede ser demasiáu geek… avisaos quedais…

Toi mui tentáu a montame un repetidor caseru de Radio Sele. Suelo sentir esta emisora cuando voi en coche pero en casa recíbola mui mal y namás que soi a sentila por internet pero, anque nun lo creais, nun toi pegáu al ordenador tol día.

Entós la idea ye esplotar (un pocu más) un PentiumII que tengo de sirvidor pa compartir ficheros impresores etc… esti sirvidor tien tarxeta de soníu polo que namás que tengo de coneutar la tarxeta a un d’esos emisores FM que venden pa sentir el reproductor mp3 na radio del coche y enchufalu con un adapatador de 12V.

El sirvidor nun tien entornu gráficu entos necesitaremos instalar mplayer

sudo aptitude install mplayer

Y pa entamar a sentir la música namás que escribimos el comando mplayer y la url de la radio que queramos sentir, nesti casu la de radio sele.

mplayer http://bach.serveisweb.com/RA163

Pa paralu, por exemplu si queremos cambiar d’emisora o simplemente porque nun vamos sentila n’esi momentu

Control + C

Yá namás que mos queda sintonizar el nuesu “repetidor” nel transistor mientres tamos na ducha o preparando la cena.

Si bien nun hai virus y el sistema ye’l mas seguru, tamién hai que tener un poco de xacíu y llevar a cabu dellos pasos pa tener un sistema y una proteición de datos a prueba de bombes 😉

Activa’l tornafuegos: Pa ello en consola
sudo ufw enable
sudo ufw default deny
Tamién si prefieres una interface gráfica, instala Gufw
sudo apt-get install gufw
Importancia: 10/10

Configura bien el to router
Activa WPA o WPA2 pal to router. Les contraseñes WEP son perfáciles de hackear.
Tamién activa una máscara MAC colo que sólo los tos ordenadores señalaos puedan entrar.
Importancia: 10/10

Usa contraseñes segures
Sí, por favor, camuda esi “1234” por otra cosa, por exemplu “4321” 😉
Importancia: 10/10

Encripta los tos datos
Dende la versión 8.10 encriptar los datos ye perfácil nuna carpeta pa tal xera.
Nes prósimes versiones, ta previsto que la encriptación seya a tol home del usuariu 🙂
Importancia: 10/10

Manten el to sistema actualizáu
Por muncha seguridá que se tenga, ye perimportante tener un sistema actualizáu colo que evitar vulnerabilidaes conocíes.
Importancia: 8/10

Usa grupos y permisos
Cada usuariu puede ser miembru d’ún o varios grupos, y los tos archivos debieren tener claro los permisos pa ti, el to grupu y pal restu.
Importancia: 7/10

Nun uses root pa too
Nun debes considerar una molestia que’l sistema pida la clave d’alministrador pa procesos críticos. Ye perimportante dixebrar los “poderes” de cada usuariu, polo tanto, nun uses sesiones root pal trabayu cotidianu, les probabilidaes de frayar el sistema son grandes si nun sabes perfeutamente lo que faes.
Importancia: 7/10

Fae backups
Ḥode bastante perder tolos datos. Discos duros espurríos, hackers, cayíes del portátil… pueden ḥodete tola información.
Importancia: 6/10

Comprueba cuentes non usaes
Munches vegaes criamos usuarios que nun volvemos a usar. Desanicialos dafechu cuando nun vayan usase ye lo meyor.
Importancia: 4/10

Fonte: Techradar.com

Anque nun ye una noticia mui Ubuntera cuido que ye importante…

MediaWiki, el software col que trabaya Uiquipedia y el Wiki de Softastur, asoleyará esti fin de selmana la versión 1.14 segun cuenten na llista de corréu del equipu de localización.

Esta versión cuntará cola traducción completa n’asturianu.

MediaWiki ye una aplicación web mui eficaz pal trabayu n’andecha de dellos usuarios. La so fiabilidá ta más que contrastada gracies al usu intensivu que faen d’esti software los miles de voluntarios que trabayen na Uiquipedia.

El desendolcu ta cordináu y sofitáu pola propia fundación WikiMedia.

El nomatu pa la futura versión 9.10 d’Ubuntu será Karmic Koala 😛

Integrará’l nuevu xestor d’arranque Plymouth, una mayor integración con Netbooks arrancando en 25 segundos, más otres meyores que dirán asoleyandose sobre la marcha 😀

Anunciáu por Mark Shuttleworth.

GNU/Linux ye too terrenu 😀 Domina los servidores, revolucionó col LiveCD, la instalación n’USB, planta-y cara al monopoliu de Microsoft, avanza en móviles…
Otru exemplu de versatilidá ye la d’hackear.

ophcrack Ye una distribución orientada únicamente a recuperar contraseñes de Windows XP y Vista.

Tamién almite la instalación en Windows, Mac y GNU/Linux, pa dende elles recuperar les claves de la partición Windows.

Simplemente grabes la imaxe nun CD, reinicies l’ordenador, arrancando ophcrack.
Automáticamente pondráse a desencriptar les contraseñes de los usuarios de Windows, permitiendo guardar tol procesu nun archivu de testu planu.
Siendo per útil cuando perdemos la clave de Windows > : P

Via: PillateUnLinux

Edición 14 Setiembre 2010: Firefox ya ta n’asturianu oficialmente pa tolos sistemes operativos 😉 + info.

Tan acabantes d’anovar los repositorios d’Ubuntu con Firefox 3.0.6, la traducción de Xulrunner funcionará igual, pero la de Firefox hai d’anovala, dexovos el ficheru pa esti últimu.

Firefox 3.0.6 n’asturianu

Les instrucciones pa instalalu, y el paquete pa xulrunner (en casu de que vos faiga falta) teneislo nel artículu de Firefox 3.0.5

El reló de los sistemes Unix y los GNU/Linux, cuenten el númberu de segundos que pasaron dende la medianueche del 1 de xineru de 1970. Esta forma de cuntar ye mui práutica pa’l desendolcu d’aplicaciones y el tramientu de feches por parte d’estes… así n’esti blogue cuando veis “12 de Febreru de 2009” ye una conversión que fai el software de 1234425600 que son los segundos que pasaron dende’l primer día de los 70…

Pos bien la noticia geek ye que’l sábadu 14 a les 00:31:30 (hora asturiana) serán les 1234567890… podeis siguir esti contador del eventu… (cuido que será UTC). Por lo visto Debian Lenny va pasar a estable n’esi segundu en concretu.

¡Féliz segundu 1234567890!

Visto en Barrapunto

Matrix ye un sistema, Neo. Esi sistema ye’l nuesu enemigu. Pero cuando entres ¿qué ves al to alrodiu? Homes de negocios, profesores, abogaos, carpinteros… Son les mientes de los mesmos qu’intentamos salvar. Pero hasta que nun lo faigamos, siguen ensamando parte nesi sistema y eso fai que seyan los nuesos enemigos.

Famosu párrafu de famosa película, au podemos reconocenos con eses pequeñes o grandes coses que tenemos nes nueses tiestes, coses que tarrecemos, y de les que quixéremos salvar a los demás. Pero ¿hasta qué puntu yes tú un esclavu? ¿Vas salvar a los demás, o hai que salvate a ti primero?

De xuru t’identifiques + ó – colo siguiente:

1. Hai que facer puxu acudiendo a les manifestaciones pola oficialidá.
2. Tendría d’haber más noticies d’ambitu asturianista, o rellacionaes cola llingua.
3. Camientes que la clás política que remana esti país ta n’ayén, sirviendo a otra mena d’intereses, y habría de camudar eso.
4. La xente tien pocu apegu a lo de so, hai de facer que conozan más la so cultura
5. Prestaríate ver más programes de TV na to llingua, más radios, más grupos de música…
6. Naguaríes por una prensa diario escrito na to llingua,
7. …la Toponimia,
8. …los nomes de les cais, los escritos na facultá, l’alministración
9. …el sindicatu del trabayu na to llingua, los indicadores de señales, los bandos del ayuntamientu,
10. …los rótulos de les tiendes, los mensaxes informativos, los programes d’ordenador…

ALTO EHÍ!

.. y reflexona….

(más…)