Anque hai una versión pa GNU/Linux en prebes d’esti albuertu de reproductor musical, namás que val pa versiones de pago… pero si quies usar una cuenta gratuita puedes facelo con wine…

Lo primero ye dir a “Aplicaciones/Centru de software d’Ubuntu” y nel caxellu de busca ponemos “Wine”… y calcamos n’instalar na primer opción que nos apaez

Agora vamos a “Aplicaciones/Wine/Configure wine”, la primer vez tardará un puquiñín, en cuantes abra vamos a “Audio” y calcamos en “Test Sound”, si sentís el soníu ye que yá ta configuráu calcáis “Apply” y llisto, si da un mensaxe d’error configuramos:

1. Marcamos la caxella “ALSA Driver” (esti “ALSA” nun tien que ver colos Cosmen)
2. Dientru de “DirectSound” marcamos “Hardware Acceleration” como “Emulation”
3. Dientru de “DirectSound” marcamos “Default Sample Rate” col valor “44.100”
4. Dientru de “DirectSound” marcamos “Default Bits Per Sample” col valor “16”

Quedaría finalmente como na imaxe que vien darréu (“Apply” depués de facer cambeos):

(más…)

Una de les potencies del software llibre ye que podemos camudar too, pero a vegaes podemos meter la pata.

Si xugaste col editor de la configuración de GNOME y tracamundiaste dalgo, usa estos comandos pa volver too a por defeutu 🙂

Dende la terminal (Menú Aplicaciones/Accesorios/Terminal):
gconftool-2 --recursive-unset /

Si sólo quies recuperar los paneles:
gconftool-2 --recursive-unset /apps/panel

Si solo quies reaniciar la configuracion de compiz executa:
gconftool-2 –-recursive-unset /apps/compiz

Vía: Ubuntu Life

Yá son unes cuantes les veces que nos pregunten ¿como faigo pa tener un “accesu direutu” a la mio carpeta d’usuariu nel escritoriu?… y anque ye bien fácil, fice un screencast pa que seya más fácil comprendelu…

Güei tuve caciplando con temes pa gdm, metacity y GTK, y al final salió un set completu pa tener un estilu Softastur nel ordenador, esplico el procesu y pongo imaxenes pa que veais como queda.

Primero vamos “tunear” la pantalla de conexón (gdm) que quedará así:

baxamos el tema dende Sourceforge y vamos a “Sistema>Alministración>Login Window” pediranos la clave d’usuariu y vamos a la pestalla “Llocal” veremos un llistáu colos temes instalaos y a mandrecha un botón que diz “Amestar”, calcamos y escoyemos el tema que tamos acabantes de baxar. Cuando te instalao marcamos el tema escoyíu y, opcionalmente, cambiamos el “color de fondu” por un naranxa asemeyáu al que veis na imaxen anterior. Calcamos “Zarrar” y cuando coneutemos otra vuelta yá saldra el nuevu tema.

Agora vamos col tema pa Gnome, quedará así:

Pa esto tenemos que baxar el tema pa les ventanes y iconos, y el fondu de pantalla. (resoluciones superiores a 1024×768)

Agora vamos a “Sistema>Preferencies>Aspeutu” y calcamos el botón instalar pa escoyer el ficheru pal tema que tamos acabantes de baxar, cuando acabe de copialu marcamos de tolos temes que tenemos instalaos el que pon “Softastur”, y llistu. Ensin zarrar les “Preferencies d’aspeutu” calcamos na pestaña “Fondu de Pantalla”, amestamos el fondu que baxamos de Flickr y escoyemos un color sólidu asemeyáu al del fondu.

Y yá tendremos Gnome con montera… espero que vos preste.

Anque esti blogue ye d’Ubuntu voi falar de Debian (toi pensando seriamente abandonar Ubuntu como escritoriu) y ye que toi acabante d’instalar Debian nun Ibook g4, y compruebo que Iceweasel funciona n’asturianu…

Lo que teneis que facer ye reconfigurar les locales pa soportar l’asturianu, abris la terminal de root y poneis

dpkg-reconfigure locales

Marcais l’asturianu (UTF-8) aceutais y lo escoyeis como idioma preferíu, cuando acabe namás que tenemos que instalar les traducciones, nel casu d’IceWeasel instalamos los plugins pa Firefox y Xulrunner como yá espliquemos y yá lo tendremos n’asturianu.

Pa les traducciones de Gnome tenémoslo fácil tamién gracies a Astur, namás que tenemos que baxar l’ultimu paquete coles traducciones que fizo Astur descomprimilu y copiar tolos ficheros .mo en

/usr/shar/locale/ast/LC_MESSAGES

Reaniciamos el sirvidor gráficu calcando Ctrl+alt+Borrar y tara fecho.

Lo siguiente será una distribución asturiana pal tecláu del ibook ;P

Si quies probar más temes fechos pola comunidá pa la versión d’Intrepid puedes istalalos dende la terminal:
sudo aptitude install community-themes

Añadirate temes como esti:

Camudando les fontes del reló, puedes algamar dalgo como esto:

Pa ello:

• Calca Alt+F2.
• Escribe gconf-editor y calca Enter.
• Nel Editor de configuración, na manzorga vete a apps > panel > applets > clock_screen > prefs.
• Nel campu custom_format escribe: <span size="smaller" color="#c8c8c8">%a %d %b</span>  <b>%H:%M</b> Nel campu color, escribimos en formatu hexadecimal el color que quies dar a la fecha.
• Nel campu format escribimos custom
• Zarramos l’Editor de configuración y veremos los cambios 😉

Na prósima versión d’Ubuntu (Intrepid Ibex), que saldrá n’un mes, trae un nuevu tema: New Human.

Esti tema ye oscuru, y si bien cuesta acostumbrase un poco a el, ye igual que’l Human por defectu, llegues a querelu 😉

Si quies tenelu en Hardy fae lo siguiente:
Alt+F2: gksudo gedit /etc/apt/sources.list

Añade al final estes 2 llínees:
deb http://ppa.launchpad.net/kwwii/ubuntu hardy main
deb-src http://ppa.launchpad.net/kwwii/ubuntu hardy main

Dende una terminal: sudo apt-get update

El guapu fondu d’escritoriu ye esti:

Reinicia 😉 ¡Qué lu disfruteis!

¡Abluco col trabayu d’esbozu de lo que podría ser un futuru tema pa Ubuntu fechu por Will Williams! ¡Quieroluuuuu! 😀 Si quies que seya’l tema por defectu d’Ubuntu, vota en Brainstorm.

La manera más rápida de manexar l’ordenador suel ser el tecláu, pa ello usamos estes abreviaciones 😉

Gnome: Tecles d’escritoriu:

• Alt-F2 : Executar aplicaciones
• Alt-F1 : Abrir menú d’aplicaciones
• Alt-F9 : Minimizar ventana activa
• Alt-Tab : Rotar ventanes actives
• Ctrl+Alt+D : Mostrar l’escritoriu
• Ctrl+Alt+flecha manzorga : Mover al escritoriu virtual de la manzorga
• Ctrl+Alt+flecha drecha : Mover al escritoriu virtual de la drecha
• Ctrl+Alt+Shift+flecha manzorga: Mover aplicación a la manzorga
• Ctrl+Alt+Shift+flecha drecha: Mover aplicación a la drecha
• Ctrl+Alt+L : Bloquear pantalla
• Ctrl+Alt+Del : Salir
• Ctrl+Alt+Backspace (Retroceder) : Reiniciar GNOME

Nautilus: Alministración d’archivos

• Shift+Ctrl+N : Crear nueva carpeta
• Ctrl+T : Desaniciar (a Papelera)
• Alt+ENTER : Propiedades de ficheru/carpeta
• Ctrl+1 : Ver como iconos
• Ctrl+2 : Ver como llista
• Shift+flecha drecha : Abrir carpeta (en llista)
• Shift+flecha manzorga : Zarrar carpeta (en llista)
• Ctrl+S : Selecionar patron [introducir patrón]
• F2 : Renombrar ficheru/carpeta
• Ctrl+A : Escoyer too

Nautilus: Tecles de navegación

• Ctrl+W : Zarrar ventana
• Ctrl+Shift+W : Zarrar toles ventanes de Nautilus
• Ctrl+R : Refrescar ventanes de Nautilus
• Alt+Up Arrow : Xubir de nivel (de navegación)
• Alt+flecha manzorga : P’atrás
• Alt+flecha drecha :P’alantre
• Alt+Iniciu : Carpeta d’usuariu
• Ctrl+L : Barra de direción
• F9 : Ocultar barra llateral
• Ctrl+H : Ver ficheros ocultos
• Ctrl++ : Más zoom
• Ctrl+- : Menos zoom
• Ctrl+0 : Tamañu normal