😀 Mui pronto… ¡un suañu! 😉

La Tarrancha ufrénos musica asturiano y n’asturianu embaxo llicencia Creative Commons el so discu ö 3 3, que puedes baxar dende Jamendo.

Ye un preste pa nós que los grupos asturianos (Tarrancha y Xera) lliberen el so arte embaxo una llicencia llibre que sólo-yos puede reportar beneficios (sí músicu 😉 cuanta más xente escuche la to música más conciertos tendrás, ¿o acaso vives de los CDs vendíos?).

Y remembra 😉 si te presten, nun duldes en sofitalos con un donativu dende Jamendo.

Windows – Comida Rápida

• Quites l’ansiedá de zampar, pero esta comida ye mui cuestionable pa la salú.
• Nun puedes pidir la comida al to gustu: con quesu, ensin quesu, con pepinillos o ensin pepinillos, y para de cuntar.
• Les condiciones de fabricación (seguridá) son duldoses. Tendrás que vacunate pa xintala, por si se coló dalguna bacteria o virus.
• Pagarás polos extras: Bebida más grande, más pataques…
• Si’l menú sientate mal o taba mal preparáu, nun van esplicate qué pasó. Por supuesto, nel nuevu menú ya nun esiste tal problema *-)
• Siempre critiquen la comida d’otros restaurantes y van dicir que la suya ye meyor, pero ellos faen les mesmes hamburgueses de siempre.
• Dicen que la carne de l’hamburguesa ye de xata, pero nun tienes manera de comprobalo.
• Los dueños de los restaurantes de comida rápida dicen ser filántropos, pero enxamás van regalar el so productu nun siendo que tengan un beneficiu comercial.

Apple – Comida Gourmet

• Ye percara y quedarás con fame. Tendrás que xintala en llugares esclusivos. Podríes algamar la mesma calidá muncho más barato n’otru lláu.
• La presentación ye más importante que’l productu en sí.
• Nun puedes escoyer llibremente la comida. Tienes que comela como te la sirven y si cuestiones el tastu, xeneralmente van tachate de mal gustu.
• Munchos cómenla non porque crean que ye más sabrosa, sinón porque al facelo aparenten ser espertos culinarios.
• Asegúrente que ta ellaborada colo meyor de lo meyor, pero nun te dexen entrar a la cocina a ver cómo lo faen.
• Si dalgún platu te sienta mal o taba mal preparáu, nun te van esplicar qué pasó, anque te regalarán un descuentu pa la to próxima visita.
• Pa ellos, la comida que se fai n’otros llaos ye de mala calidá, anque nun la probaren nunca o dalguna vegada usen les sos recetes nos sos propios platos.
• El Gourmet aparenta ser una persona cenciella, cercana y bonal, pero simplemente ta interpretando un papel, failo por que ye bono pa la imaxe del so negociu.

Ubuntu – Comida Casero

• Siempre tuvo contigo, nun s’inventó por negociu, sinón por necesidá y por placer.
• Pa tolos bolsillos, puede ser barata, cara o incluso de baldre. Pa tola xente, pa toles ocasiones. Hai recetes cencielles y ellaboraes, platos pa matar la fame y otros pa fartucate asgaya.
• Cúriase la presentación, pero lo importante ye la comida.
• Esiste una variedá inmensa de recetes, y puedes usales y camudar al to antoxu. Y por supuesto, puedes compartiles colos tos amigos. Los demás cocineros son xente como tu, puedes falar con ellos, cenciellamente por que-yos gusta lo que faen, encánta-yos la cocina. Nun hai secretos. Col tiempu les recetes meyoren gracies a ser meyoraes n’andecha.
• Puedes faela tú, un amigu, o puedes recurrir a restaurantes de comida casera, hasta te la pueden llevar a casa o facetela por encargu.
• Dalguna vez saldráte mal, pero a la próxima yá sabes cómo evitalo y va salite cada vegada meyor. Y puedes combinala como te pete.
• Si la compartes con daquién que la necesita o quier, nun va venir el dueñu del restaurante a dicite que nun tienes drechu a facelo.
• Nun hai que falsificar imáxenes o da-y bombu pa que se vea apetitosa. Lo que ves ye lo que ye.
• Anque pola cai y na televisión ves muncha xente diendo a restaurantes de comida rápida y de comida gourmet, hai muncha más xente de la qu’imaxines que come casero.
• Los ingredientes que vas precisar pa preparala tán disponibles en cualquier tienda y colos precios más baxos.

Una vegada que la tienes sirvida nel to platu, llista pa comela, daráste cuenta que na de lo que puedas comer puede comparase cola comida casero, preparada al to gustu 😀 ¡Esfrutala! 😉

¿Tienes casos personales que te pasaren? 😉 Cúntalos nos comentarios xD

Fonte: La vida Linux.

¡¡¡¡Esto ya nun hai quien lo pare!!!! 😀 ¡Subete a la onda que más presta!

PD: Videu d’introducción al UDS de Bruseles fae 3 selmanes.

Ays… Cuando-y da por beber a Yoda nun diz más que sandeces xD

…prestosu hasta pa facelu 🙂

Y esto ye sólo l’entamu 😉 La revolución va entamar… 😉

Voi contavos la hestoria entera 😉

• Poniendonos al día:

La web adoptará en breve HTML5, pudiendo por fin prescindir del privativu Flash, reproduciendo los videos de mou nativu nel propiu restolador web 😀 Una perbona noticia, pero esa bona noticia convirtiose en dalgo peor, yera la condena, al dir tirando dellos importantes restoladores web por reproducir el videu col privativu y caru (5 millones $ a pagar de royalties por incluyilu nun restolador) codec H.264. La batalla ta sirvía, y ye una batalla perimportante, por una futura web llibre y abierta.

• Fasta ayer:

Restoladores que sólo sofiten Theora: Firefox, Opera, Epiphany, Konqueror…

Restoladores que sólo sofiten H.264: IE, Safari.

Restoladores que sofiten Theora y H.264: Chrome.

Como vemos, el 75% de los restoladores usen H.264. Youtube decantase por H.264 y Wikimedia por Theora. La llucha entama, capitalismu (empreses a base de talonariu: Apple, Google, Microsoft apoyando H.264), escontra un codec llibre (Sofitáu sobre too por Mozilla y la FSF). N’esto Google merca la empresa desarrolladora del codec privativu VP8 y la Free Software Fundation pidi a Google que llibere esi códigu, lo que marcaría’l futuru na web.

• Dende güei:

Google llibera’l codec VP8, llibre de royalties 😀 Amás pasará Youtube a esi codec. Mozilla, Opera y Chrome anuncien l’usu d’esi codec xunto a Theora.

Señores, quitome’l sombreru ante Google ¡chapó! La batalla ta sirvía, agora parez que too se decanta por VP8 😀 Ya que en temes de videu n’Internet Google tien la cabera pallabra col so poderosu Youtube 😀 Güei ye un día que marcará los futuros años de la www.

Y agora tocáte mover ficha a ti 😉 ¡Nun uses restoladores que nun reproduzcan VP8 o Theora! Nun uses Safari ni IE ¡Llucha por una web abierta y llibre! 😀