¡Llibertá!

3 d'Ochobre de 2008

Con unes botellines enrriba, animome a cuntavos una pequeña hestoria personal ya curiosa, sobre la llibertá del software llibre 😛 que m’incumbió y de la que sali beneficiáu 😀

Fae meses finosé la torna de Firefox 3 en Launchpad… Yo collaboré tornando offline les 1000 frases que quedaben del ñavegador, y cuando dispongome a xubir el .po a Launchpad, resulta qu’Astur adelantose tornándolu a la vez online. Una pena que colos pocos que somos, frayaremos esfuerzos no mesmo 😉

Fae 1 mes, Astur pidíome qu’estudiare como convertir los .po de Launchpad a .xpi de Firefox. Tras unes hores guetando per Internet, atopé la manera, algamando gracies a Softastur que n’Ubuntu, Firefox te n’asturianu 😀 y espublizando la manera nesti blog.

La paradoxa llega agora, cuando enterome fae unos díes, de que Dangerous Piper, garra les tornes d’Astur y el métodu de mio, y adaptales a Windows y Mac. Ufiertándome usar Firefox n’asturianu n’ámbitos como un USB portable pa los cybers o nel trabayu con Windows.

El poder de l’adaptación del software llibre ablucame cada vegada más 😀 Esti ye un gran exemplu d’un trabayu en cadena de xente, nel que un esfuerzu impresionante y altruista, echa un gabitu perimportante a la nuestra llingua 😀 ya la nuestra llibertá d’escoyer 😉

¡Ogg medrando!

27 de Setiembre de 2008

Dende la FSF, tan faciendo campaña pol formatu d’archivu OGG 😀

Esti ye un formatu llibre p’audiu y videu que cada vegada ta usandose más y más, pola so gran calidá 😀

De xuro que  l’usu d’Ubuntu ta influyendo na so estensión, ya que si grabes un videu o audiu, el formatu por defectu ye ogg 😉

Recordavos que’l MP3 ye un formatu zarráu ya propietariu 🙁  Nel qu’esisten casos como’l que Microsoft tuvo que pagar 1.100 millones de dólares a Alcatel pol usu de MP3 en Windows ensín permisu…

¡Yo quiero ser llibre! ¿Y tú? 😉

GNU/Linux: Game over…

26 de Setiembre de 2008

Esta ye una crítica a dalgunos “profesionales” que tan vendiendo ordenadores.

Ayer la mio prima llamomé, ya que diba mercar un portátil pequeñu. Recomende-y un netbook (l’Asus eee PC 4G, por 220€) ya que tien sobremesa y portátil normal, y pareció-y bona idega, tantu pol preciu como poles característiques.

Al ratu,  llamame alarmada dende la tienda porque’l vendedor d’una pequeña franquicia d’Uviéu nun-ylu recomendaba pa na. Testualmente: “Si pones el emule y messenger, con lo básico que es, no te dejará ni abrir una ventana del navegador…. es para comerciantes que necesitan mostrar catálogos….“.

Tranquilizola, y digo-y que les característiques son iguales al anterior ordenador que tuve yo de sobremesa. Quiero aclarar que yo tengo andao con 1/2 GB de RAM nun procesador a 800Mhz, y tiraba absolutamente too y muncho meyor que con Windows XP, a pesar de lo axustao del harware.

Güei va a una gran superficie de pelis, música y teunoloxía de Parque Principáu a mercalu. Onde “l’espertu” vendedor-y diz que nun lleva la OpenOffice, y acaba empaquetando-y l’Asus eee PC con Windows XP por 50€ más.

Apesadumbrame lo complicao que ye lliberar al mundiu del software privativu, si yendo dalguién a mercar esplicitamente un ordenador con GNU/Linux, los ineptos vendedores faen que recule pa que gaste más perres, dende la so esperta ignorancia.
Muncho más, cuando va a mercase un netbook de calidá contrastada ente verdaderos profesionales.

Esta ye una batalla complicada de ganar, mientres los grandes fabricantes y los vendedores tengan tantu poder, seguiremos nes mesmes 🙁

Obviamente, tamién conocí vendedores profesionales pa quitase’l sombreru, pero hai cada un perehí que… -voy callame meyor- :@

¡MP3? Non! ¡Meyor Ogg! ;)

9 de Xunetu de 2008

Dende la FSF entamen una iniciativa pa fomentar más l’usu d’un formatu llibre Ogg, escontra’l privativu MP3.

¡Apoyamoslos dende equí! 😀

Gufw 0.0.5 asoleyáu :)

26 de Xunu de 2008

Tengo un poco abandonao Ta pa Ponga, pero la escusa ye perbona: la nueva versión de Gufw 0.0.5.

Gufw 0.0.5

Software fechu n’Asturies y n’asturianu 😀 Tamién toi preparando Launchpad pa poder tornarlu a cualisquier llingua y disponer de repositoriu pa Ubuntu 😉

Les meyores nesta versión son abondes, muncho más cenciello nel manexu, más coherente con ufw,  meyorao’l códigu, meyorada la interface, programes y servicios preconfiguraos, más visual con collores nes regles aplicables, páxina web oficial… 😉

¡¡¡Record algamáu!!!

19 de Xunu de 2008

8 Millones de descargues en 24 hores permitieron superar el record estableciu de 5 millones 😀

firefox3_promo

¡Gracies a toos pol gabitu! 😉

¡Güei Firefox 3!!!!

17 de Xunu de 2008

Güei estrenu esperau 😀 ¡FIREFOX 3!

A partir de les 19:00 hores n’España entamará l’intentu d’algamar record de descargues en 24 hores 😉

¡Mañana 17 xunu a algamar el record pa Firefox!

16 de Xunu de 2008

Mañana ye’l día na que se intentará algamar el record de descargues d’un programa n’un sólo día.

L’escoyíu ye la estrella del software llibre: Firefox 3.

Asina, que si te peta 😉 echa un gabitu descargandolu 😀

¡Echa un gabitu pal record de descargues de Firefox 3!

9 de Xunu de 2008

Dientro poco saldrá la lluz la cabera versión de Firefox 😀

Sedrá la versión 3, con más de 14.000 meyores, más rápidu, seguru, elegante e intelixente qu’anantes 😉

Y ta preparándose pa que seya’l programa más descargáu en 24 hores,  puedes apoyar esi record cola to descarga 😉

Puedes apuntate pa que te avisen per email, o tar tú al tanto 😀

¡Apoya’l software llibre! 😉 Yo ya me apunté… ¿y tú a qu’esperes? 😉

Linux na empresa

9 de Xunu de 2008

¿Cómo de rentable ye usar Linux na empresa?

tux1

¿Díficil? ¿Caro?

La rempuesta ye l’exemplu de Rentalia 😀