Evitar que s’apague el monitor al zarralu (portatil) en Debian

7 de Marzu de 2013

Paez absurdo, pero si uses un portatil vieyu como reproductor de videu conectáu a una tele pola salida vga, igual t’interesa tener el portatil zarráu y que’l monitor siga activu.

Esto ye pa Debian Stable que sigui usando Gnome 2, nel alministrador d’enerxia nun tienes opción de facelu porque da les opciones más “normales” pa un portatil (apagar, suspender, ivernar o apagar pantalla). Entos pa facer esto vamos a “Aplicaciones>Ferramientes del Sistema>Editor de configuración” desplegamos la carpeta “apps” y dientru d’esta “gnome-power-manager” y finalmente esbillamos la carperta “buttons” veremos una entrada que diz “lid_ac” esta ye la que nos interesa, ya que namás que mantendremos la pantalla encesa si el portatil ta enchufáu a la toma de corriente,  calcacamos entos encima de “lid_ac” col botón derechu y nel menú que nos sal esbillamos “Editar clave” y cambiamos el valor (yo lo tenía en “blank”) a “nothing” aceutamos y guardamos y yá podemos zarrar la pantalla si que apague la tele.

Nel casu de que queramos que mantenga la pantalla encesa anque te tirando de la batería. facemos lo mesmu pa “lid_battery”.

Ubuntu n’asturianu y castellanu a un tiempu

11 de Xineru de 2009

Edición 19 Febreru 2010: ¡Ya ta disponible OpenOffice n’asturianu pa baxar! Pa ello, vete equí.


Güei tuve configurando’l regalu de reis de mio pá, un Dell Inspiron 1525 con Ubuntu. Al entruga-y si lo quería n’asturianu o en castellanu retruco de secute (cuasi ofendíu) “¡N’ASTURIANU, pudiendo escoyer quedo colo de casa!”.

Al ratu caí en que dalgunos programes que me prestaría enseña-y a manexar (el namás que trabayó con UNIX nunos Bull) nun taben n’asturianu entá y el mio pá nun entiende’l inglés… colo que teniemos un problema que solucioné a lo gochu.

Lo primero ye tener instaláu amás del asturianu (que será l’idioma escoyíu nel seleutor de llingües) el idioma que queramos usar xunto col asturianu (n’esti casu el castellanu).

Vamos poner OpenOffice.org en castellanu, cosa fácil porque tien un menú pa ello:

Vamos a “Tools>Options” y desplegamos el menú “Language Settings” y marcamos “Language”. En “User interface” marcamos “Spanish”. Yo amás configuré otres opciones, podeis ver la captura que sigue darréu pa facevos una idea…

Al reaniciar OpenOffice.org saldrá en castellanu, manteniendo’l sistema n’asturianu… agora toca “la gochada” abrimos una terminal y escribimos calcamos Alt+F2 y escribimos:

sudo nautilus

gksu nautilus

Abrirá una ventana del navegador d’archivos, pero equí ta lo importante, tendremos privilexos d’alministrador del sistema.

Diremos a

/usr/share/locale-langpack/es/LC_MESSAGES

y calcamos en “Editar>Esbillalo too” y copiamos, agora vamos a

/usr/share/locale-langpack/ast/LC_MESSAGES

pegamos y marcamos “Saltar too” así pegaremos toles traducciones al castellanu sacante les que yá tan n’asturianu.

Ye una gochada, pero pa’l mio pá sirvió…

Aceleración 3D n’intrepid pa una GeForce2

3 de Payares de 2008

Los que tenemos tarxetes grafiques vieyes, nel mi casu una GeForce2 con 32 mb que compré fai 8 años, encontramonos con que la nueva versión de xorg (servidor gráficu) que trae Ubuntu Intrepid ye incompatible col driver de nvidia pa esti tipu de tarxetes. Por suerte nvidia sacó una beta de los drivers pa esta serie de tarxetes que si funcionen cola nueva versión de xorg y Alberto Milone unvio un parche cola nueva beta, nun futuru tará disponible nos repositorios, pero los que nun podeis esperar (como yo) podeis aplicalo vosotros mesmos. Esto funcionome a mi, pero puede que a ti non, si nun tas mui seguru meyor espera a que anoven de los repositorios…

(más…)

VoIP con Ekiga

10 d'Ochobre de 2008

Pa poder llamar a fixos de 1/2 mundiu a traves del protócolu zarráu de VoipBuster con Ubuntu, viennos preistalao Ekiga.
Pero tenemos un másimu de tiempu pa llamar a teléfonos fixos, y la calidá a vegaes nun ye tolo bona qu’esperamos.

Lo meyor ye llamar ente ordenadores, a traves del protócolu abiertu SIP, usando Ekiga, onde nun vamos tener llímite de tiempu y la calidá ye perbona.

Pa los que teis avezaos a Windows, Ekiga xunto al protócolu SIP,  nun tienen na qu’envidiar a Skype 😉

Pa configuralo, en llugar de crear una cuenta pa VoipBuster, creamosla nel protócolu abiertu SIP.
Pa ello, damonos d’alta n’Ekiga.

Nun tiempu llegará al nuestru email la confirmación d’alta 😉

Ya cola cuenta creada, executamos Ekiga, configurandola col usuariu y clave que pusimos anantes 🙂

Pa que nos llamen, tien que ser al nuestru usuariu, poniendo enrriba: sip:usuariu@ekiga.net

Asina de fácil 😀

Los directorios en GNU/Linux

6 d'Ochobre de 2008

Saber pa qué s’usa cada directoriu de GNU/Linux ye importante, cobrando sentíu l’entramáu de les carpetes 😉

Usar VNC nel Terminal Server Client

6 d'Ochobre de 2008

Pa poder ver/controlar otru ordenador, la manera más cenciella ye dende’l Terminal Server Client, pero’l protocolu VNC nun aparez.

Pa habilitalu istales esti paquete 😉

sudo apt-get install xvnc4viewer

Papelera nel escritoriu

2 d'Ochobre de 2008

¿Eches de menos la papelera nel escritoriu?

Pa vela ehí y poder arrastrar archivos sobre ella, fae lo siguiente:

Executa na terminal:
gconf-editor

Ñavega a:
apps > nautilus > desktop

Marca:
trash_icon_visible

Llama a tlfnos fixos de 1/2 mundu de baldre

27 de Setiembre de 2008

Entrugábame l’otru día Astur sobre telefonía IP.

Güei puseme a indagar, y atopé una sorpresa bien prestosa 😀 Llamar con Ekiga a traves de VoipBuster, pudiendo llamar 300 minutos a la selmana de baldre a estos países:

Andorra
Australia
Austria
Bélgica
Canadá
Checa, Rep.
Chile
Chipre
Dinamarka
España
Estonia
Estados Unidos
(+mobile)
Finlandia
Francia
Guam
Hong-Kong
(+mobile)
Hungria
Irlanda
Islandia
Israel
Italia
Japón
Luxemburgo
Malasia
Mónaco
Noruega
Nueva Zelanda
Países Bajos
Panamá
Portugal
Puerto Rico
(+mobile)
Singapur
Sudcorea
Suiza
Taiwan

Pa ello usaremos el programa open source Ekiga, incluyíu n’Ubuntu (Menú Aplicaciones/Internet)  😉  col protocolu de VoipIP VoidBuster.

Abrimos Ekiga y configuramoslu según la nuestra conesión.

Dempués creamos una cuenta en VoipBuster. Unvíarannos un email pa que confirmemos l’alta.

Agora que somos usuriarios de VoipBuster, n’Ekiga vamos al menu Edit/Accounts y creamos una cuenta asina:

Nome de la cuenta: VoipBuster
Rexistru: sip1.voipbuster.com
Nome d’usuariu: el vuestru nome d’usuariu al davos d’alta en VoipBuster.
Contraseña: La vuestra contraseña d’usuariu al davos d’alta en VoipBuster.

¡Ya ta! Asina de cenciello 😀

Agora pa llamar a un fixu d’esos países ponemos como númberu:
sip:0034XXXXXXXXX@sip1.voipbuster.com

Onde 0034 ye’l prefixu internacional y XXXXXXXXX sustitu-ylu pel teléfonu 😉

Calques nel boton de la drecha (ye como un enchufe), y nunos 10 segundos llamará 😀

Asegurate de poner el volume del altavoz y del micru amediaos na pestaña “Audiu” 😉 Sinon, nun oirás na. Asegurate que la to configuración d’audiu/micro ye correuta tamién 😉

Remembra que con Ekiga, creando una cuenta d’Ekiga, puedes falar indefinidamente ente usuarios online, pero esta configuración será un post aparte 🙂

¡A disfrutalo!

Configura’l tecláu n’asturianu n’Intrepid Ibex

18 de Setiembre de 2008

¿Quies más motivos pa usar software llibre? 😉

A falta de más d’un mes pa salir Ubuntu Intrepid Ibex, ya puede disfrutase cola Alpha de coses como esta: ¡Configurar el tecláu cola ḥ y ḷḷ de manera perfácil! 😀

Dexovos el vídeu (equí n’alta calidá) de cómo configuralo.

Enllace de descarga

¡Too esto ye posible gracies a Mikel! 😉

Ubuntu cola apariencia de Windows XP

9 de Setiembre de 2008

Hai vegaes que la xente prefiere Windows XP pol meru fechu de tener los collores, ventanes de tala manera.
Entos ye necesario engañar al usuariu del ordenador pa que s’afaye con el. Exemplos: Una persona mayor que sólo usó Windows XP, persones que renieguen de Windows Vista y prefieren el XP, un Cyber…
Pero claro, XP ye caru, inestable, zarráu y delles coses más 😉
¿Solución? ¡La potencia de Linux cola interface de Windows XP!
Dexote un videu de la istalación ya configuración 😉 Pa que te faigas una idega de como queda.

Perdióse'l enllaz

Pa configuralo, hai que buscar pela rede en bastantes sitios, tando casi too en Gnome Look, asina que pa facilitatelo, reunilo too n’esti archivu.

Download

Los pasos son:

  • Tema NotXP: tema_gnome.tar.gz – Descomprime’l ficheru nel to directoriu d’usuariu .themes.
  • Añade un panel Main Menu al panel d’abaxo y colocalo a la manzorga.
  • Botón Menu Entamu (U otru que quieras): Ta incluyíu na carpeta del tema NotXP anterior. Na terminal executa: gconf-editor Navega a /app/panel/objects Y busca un object tipu “menu-object”. Entos pon el custom icon = a la imaxen del menú entamu que quies. Nesti casu /home/tapaponga/.themes/NotXP/start.png y calca a activu use_custom_icon
  • Iconos GnomeXP: iconos.tar.gz – Descomprime’l ficheru nel directoriu d’usuariu .icons
  • Cursor mur: cursor_mur.tar.gz – Descomprime’l ficheru nel directoriu d’usuariu .icons
  • Pantalla d’entrada XP Login GDM: tema d_entrada.tar.gz – Abre’l menu /Sistema/Configuración/Pantalla de login. Situate na prestaña “local” y arrastra el archivu comprimíu tal cual sobre ella. Confirma la istalación y seleciona esa ventana d’entrada.
  • Ventana splash: splash.png – Ye la ventana que se ve cuando entama Ubuntu. Vete de nuevo al configurador de Gnome (gconf-editor na terminal), navega a /apps/gnome-session/options y establez splash_image a la ruta d’esa semeya y activa que se vea’l splash.
  • Fondu d’escritoriu: fondu_escritoriu.jpg – Establez como fondu d’escritoriu la semeya.
  • Mueve los paneles pa dexalos como Windows XP (Botón drechu sobre ellos y añadir).

¡Y ta! A provocar a conocíos de que Linux nun te convenció y vuelves al Window$, o la interface ideal pa dalgunes persones 😀

Si quies ver una captura de pantalla de como quedará, ehí va (calca n’ella pa vela grande): Ubuntu as Windows XP