¡Pero non sólo Win & Office, ho!

23 de Payares de 2010

Si nun sabes de qué va esto, mira equí.

El Bloque salió Güindoseru

23 de Payares de 2010

Imprescindible lleer esti perbon artículu de González y González 😉

Idega dende Javipas.

Les coses bien feches, bien paecen.

4 d'Agostu de 2010

Alcontré esti dibuxu n’internet. Ye claru, concisu, y pa que vamos engañanos, define perfeutamente la realidá d’estos dos sistemes operativos:

Pero claro, daquién vió que ehí faltaba daqué, y nun tardaron n’iguar la semeya. AGORA TA COMPLETA 😀

Cita: L’estáu y Micro$oft

14 d'Avientu de 2009

¿Si McDonald’s ufriera los sos menús a 0.50€ tamién deberíemos da-y la xestión de los comedores escolares?

Paul Llop, en referencia a los portátiles con Windows nes escueles.

Vía: PillateUnLinux.

Les “falses” razones de Patxi López pa mercar 20.000 ordenadores con Window$ y Office

20 d'Agostu de 2009

Escepcional análisis del incumplimientu de les promeses electorales que nos suelten los políticos, y demostración de les sos mentires.

Nesti casu, el Lehendakari Patxi López prometía’l sofitu y usu del software llibre, y paradoxicamente mercará l’alministración vasca 20.000 llicencies de Window$ y Micro$oft Office.

¿Qué meyor qu’oyir les sos pallabres y la demostración de la so falsedá? Ehí van, nun tienen desperdicíu:

Primer mentira: “los ordenadores van tener un arranque dual, Ubuntu con OpenOffice o Windows con Microsoft Office

Ver el vídeu en Youtube

Segunda mentira: “Escueyese’l software de Micro$oft porque ye l’únicu que taba n’Euskera

Ver el vídeu en Youtube

PD: Les mios felicitaciones al autor d’estos videos.

Vía: MedinaPatasArriba.

Un xuez prohíbe a Microsoft la venta de.. ¡ WORD !

15 d'Agostu de 2009

Yá nun ye la primer vegada que los xueces sancionen a Microsoft. (Dende Tapaponga nun dexamos d’entruganos porqué….)

Si Microsoft, fai xuegu llimpiu, el so márketing ye totalmente bonal, y nun roba códigu. ¿Entós porqué esto? Pues habrá qu’entruga-ylo al xuez que paez que lo tien bien claro, porque al paecer, Microsoft patenta coses que nun-y pertenecen. (Yá se demostró n’otres ocasiones qu’inclusu facía suyu códigu llibre) Y ye por eso, que au les dan, les tomen.

Déxovos un enllaz equí pa que vos enteréis bien de la noticia

Yo voi tomar una de sidre. ¿Pa festexalo? Vamos dexalo ehí…. 😉

¡Estamos que lo regalamos oiga!

20 de Mayu de 2009

Cuando merques un ordenador vien con Windows Vista. Nel preciu tas pagando la llicencia d’esi Windows (unos 50€ – 80€). Asina que si quiero mercar un portátil ensin sistema operativu pa instala-y Ubuntu, tengo que regala-y 50€ a Micro$oft (Esto pasome col mio HP).

Fae tiempu llegaron los miniportátiles, adaptándose a ellos como un guante GNU/Linux, polo bladre (si val 200€ pagar 50€: fastidia), la estabilidá, los pocos recursos que consume… Todo indicaba’l triunfu de GNU/Linux. Micro$oft sólo pudo facer frente d’un mou ¿Cuál? ¡Regalar Windows XP!
Windows Vista ye demasiáu pesáu pa esos ordenadores, y Windows XP (un sistema operativu caducáu y vieyu), arrasó a GNU/Linux nos miniportátiles, porque gracies al MONOPOLIU Micro$oft algamó convenios colos grandes fabricantes nos que-yos dexó tirada (llease de baldre)  la llicencia de Windows XP.

Nun te pierdas esti artículu d’un vendedor de tienda pequeña.

¡¡Pero nun te confundas, teniendo un Windows XP a preciu de risa nun tienes les llibertaes del software llibre!!

La mayor diferencia ente Linux y Windows

2 de Marzu de 2009

De veres, la diferencia ente Linux y Windows ye que Linux ye como una mocina guapina, hay que conquistala, entendela y seducila, mientres que Windows ye como una prostituta, tienes que paga-y y sobre too, protexete bien.

Vía: Lineup

Ubuntu, el sistema operativu de moda

9 de Xineru de 2009

Una manera de poder medir popularidá ye mediante Google Trends.

N’esta web, Google danos estadístiques de les guetes, y ye perinteresante esta:

Ubuntu (la llinia azúl) supera a Windows Vista y el futuru “Vista versión 2” (osease Windows 7).

Tamién se nota cuando saca Ubuntu versión nueva cada 6 meses colos picotazos que lleguen a ser númberu 1.

Indicativu extrañu ye que la xente sigue usando un sistema operativu como’l XP que ya ta más qu’anticuáu, con 8 años nel mercáu, y parez que nun se farten de virus ya inestabilidá… *-)

Alemaña espiará a los ciudadanos (non alemañes tamién)

19 d'Avientu de 2008

Alemaña ta acabante aprobar un plan pa espiar los ordenador privaos de los usuarios.

La Cámara Alta del Parlamentu Alemán aprobó poder espiar ordenadores sospechosos de terrorismu, pudiendo instalar spyware nos ordenadores, y atención, ¡dende Internet! ensín intervención in situ del ordenador, y fuera de les sos fronteres ¡!
El BKA podrá facer esa acción ensín pasar pol xuez.

Nun puede discutise la violación de los nuestros drechos básicos d’intimidá baxo la llucha escontra’l terrorismu.

Esto xúnese a la estrecha rellación ente la NSA y Microsoft… que güel fatal


Almitense apuestes sobre en qué sistema operativu “podrán” facer tal cosa 😉

Una razón más pa usar GNU/Linux 😀