Fasta agora tuvimos 2 versiones d’Ubuntu pa baxar: La Desktop (pa ordenadores de sobremesa y portátiles) y la Server (pa sirvidores).

Ubuntu 9.04 ufiertanos la versión Netbook Remix, adaptada a los minilaptops.

Tendrá un nuevu entornu d’escritoriu adaptáu a les pantalles pequeñes, y enfocáu al hardware más común d’estos pequeños portátiles 😀

Puedes baxar esta versión oficial dende equí.

Ubuntu anunciabanos na so cabera versión 9.04 el conceutu “na nube“, pero nun ví na furrulando con Ubuntu rellacionao con ello.

Acabo enterame del nuevu serviciu oficial d’Ubuntu: Ubuntu One. Novedá n’esta nueva versión 😉

Un serviciu p’almacenar, syncronizar y compartir, trabayando remotamente vía web los nuestros ficheros ente varios Ubuntu.

El serviciu ta tovía en fase Beta, y hai que pidir una invitación na propia web, yo ya pedí la mia, ya vos cuntaré meyor que tal va cuando me llegue. Regalente 2 GB, y si quies 10 GB de tráficu mensual, cuesta 10$ mensuales.

El cliente UbuntuOne ye GPL3 y parez furrular al estilu de DropBox.

Tendremos como novedaes más importantes la OpenOffice 3, Firefox actualizáu automáticamente al asturianu, Computer Janitor pa llimpiar l’ordenador de ficheros inservibles y Gnome 2.26 😀

Disponemos de 3 nuevos temes tirando a prieto 🙂

¡El nuevu sistema de notificaciones ye ablucante! Avisa al usuariu d’eventos, ensín interferir.

El nuevu sistema de ficheros ext4 reduz muncho’l tiempu d’accesu al discu duru, algamando coses como esta: Ubuntu totalmente operativu en 22 segundos

Eso sí, estos tiempos nun bon ordenador con discu SDD.

Pa Ubuntu 9.04 remocicarónse les 3 pantalles más importantes del sistema: la d’arranque, la d’identificación y el fondu d’escritoriu:

• Arranque

• Login:

Fondu d’escritoriu:

Güei, xueves 23 de marzu, asoléyase puntualmente Ubuntu 9.04 nomada Jaunty Jackalope 😀

Descárgala de baldre equí

Nueva versión que lleva un bon garrapiellu de novedaes como estes:

• Nuevu sistema de notificaciones.
• Sistema de ficheros ext4: Que meyora munchísimo la velocidá del sistema.
• Nueves aplicaciones como Computer Janitor (pa llimpiar la caché).
• Nuevos temes por defeutu.
• Nuevo Boot Spash y ventana d’entrada.
• Kernel 2.6.28: Meyorada la xestión de memoria y tiempos d’arranque, xunto al mencionáu sistema de ficheros ext4.
• Gnome 2.26: Sofitu del protocolu MAPI de Microsoft pa Evolution, nueva utilidá de configuración de pantalla con soporte multimonitor, asignar comandos a grupos de tecles que’l usuariu quiera.
• Munches más aplicaciones tornaes al asturianu 😀

Afinando xestor de baxada… 😀