Archivu 30 de Setiembre de 2009

Ministeriu d’Educación y Microsoft donen mil portátil a neños de Perú

30 de Setiembre de 2009

Non sólo ZP tien elucubraciones. En Perú tamién faen lo mesmo

Déxovos una cita d’una entrevista al xeniu Stallman de fae 3 años:

Entruga – ¿Cómo se rellaciona eso cola educación, ya que falamos de sofitu de los gobiernos?

Retruque de Stallman: – Les escueles deberíen enseñar únicamente’l software llibre, porque enseñar l’usu del programa privativu ye como enseñar la dependencia a una droga, y nun ye por casualidá que toles empreses de software privativu suelen regalar copies de baldre a les escueles: ye pa frayales, pa que difundan la dependencia al so software. Eso equival a regalar cigarrillos a la escuela pa enseñar a los alumnos a fumar, nun ye saludable nin pa ellos nin pa la sociedá, y nun debe facese. Los organismos públicos tamién deberíen usar únicamente’l software llibre porque tienen una responsabilidá civil de caltener el control públicu sobro los datos que remanen. Son los datos del país y de los ciudadanos y enxamás deben dexar caer el control de la so computación en manos de privaos.

Nomatu y roadmap d’Ubuntu 9.10

30 de Setiembre de 2009

A falta d’un mes pa salir la nueva versión 9.04 d’Ubuntu, ya se sabe’l nomatu y roadmap (mapa de llanzamientos) de la futura Ubuntu 9.10, que saldrá p’abril del 2010.

El nomate escoyíu esta vegada pa Ubuntu 9.10 ye Lucid Lynx, que podríemos tornar tal vez como Lince Espabiláu ? 🙂

Y el roadmap sedrá esti:

  • 3 Avientu 2009. Alpha 1
  • 7 Xineru 2010. Alpha 2
  • 4 Febreru 2010. Alpha 3
  • 4 Marzu 2010. Beta 1
  • 1 Abril 2010. Beta 2
  • 15 Abril 2010. Versión candidata
  • 29 Abril 2010. Versión final

Fonte: LucidReleaseSchedule.

Windows 7 según Público.es

28 de Setiembre de 2009

Calca nes imáxenes pa veles grandes.

PD: A quien diga que Window$ innova, qu’eche un vistazu a KDE4 😉

Idega/Fonte: Pillateunlinux.


Escueye install party: Windows 7 o Ubuntín 9.10

28 de Setiembre de 2009

Microsoft y Canonical tan arrancando motores pal asoleyamientu de Windows 7 y Ubuntu 9.10 respeutivamente pa ochobre. Softastur y el LoCo Team Asturianu ya tienen camentao facer una d’Ubuntu… pero eso ye secreto… 😉

Agora, Micro$oft apúntase al carru de les “House Party“, emulando a nivel caseru una Install Party de GNU/Linux. Obviamente choquen delles coses:

  • Sería delitu que vayas a eses House Party col to ordenador pa instalar Windows 7.
  • Sólo dirás a mirar como’l to anfitrión remana Windows 7.
  • Eso sí, hai dalgo bono, igual tas convidáu a unes palomites…
  • Y lo más importante: A una House Party falta-y lo imprescindible: El tastu a comunidá 😉

Asina que tócate escoyer a qué próxima install vas dir:

  • A la chunga:
  • o la güai:

PD: La semeya chunga, parez ser propaganda real de Windows 7 :S Calca-y nel enllaz siguiente d’onde vien la fonte.

Fonte: Genbeta.

Semeyes de les xornaes de Turón

26 de Setiembre de 2009

El xueves 24 ficimos una pequeña charra d’anización a Ubuntu y el mundu del Software Llibre, aclarando conceptos básicos.

Marcando territoriu…

Gracies a Xandru, dirixendo dende abaxu, conocimos la diferencia ente derechu y torcíu…

Cuando quedo claru’l conceutu de derecho… entamamos a trabayar…

Nós RTPA – Nueves teunoloxíes y l’asturianu

23 de Setiembre de 2009

Prestosu programa de Nós nel que Próspero Morán amósanos l’asturianu nes nueves teunoloxíes 🙂

Ver el vídeu en Youtube

Install party en Turón (Mieres)

21 de Setiembre de 2009

Install Party Turón Mieres

Pásate yá a Ubuntu. Ubuntu fala la to llingua.

¿Necesites más razones?  Entós visita: http://faiteconlinux.softastur.org/

Si vienes, nun escaezas visitar la páxina http://wiki.softastur.org/install 😉

La llingua y la teunoloxía – ¿Muerte y vida?

18 de Setiembre de 2009

Güei, mientes conducía escuchando Radiu Sele, el mio maxín entamó a ferver camientos amestaos del asturianu y la teunoloxía. Fizóme camentar na hestoria milenaria de la nuestra llingua, y como la amoldaron nel recorríu de los sieglos a la innovación na sociedá.

Nun creo equivocame si digo qu’una de les causes cimeres (¿Seique la primera?) de la situación precaria actual del asturianu ye la innovación na sociedá. Na hestoria, importantes medios aparecieron, dexando de llau a les llingües minorizaes.

Los periódicos rexonales d’Asturies (ye lo que son y a quien atienden), aculturizaron a la nuestra sociedá fasta niveles inalmisibles. Tovía remembro a mio ma retrucar que ye Argüeru‘l nome tradicional del pueblu maliayu, pero escribíase Argüero porque asina pónenlo nos períodicos. Nun la culpo, foi engañada, tracamundiando-y la realidá. El poder del tríu de periódicos por toos conocíu foi, ye y será ablucante.

La televisión, esi otru gran inventu, sirvió p’afitar lo que los periódicos entamaron. Mintiéronnos a varies xeneraciones (güelos, padres, fiyos) queriéndonos facer ver la España una y grande dende la so emisión estatal. Agora la emisión rexonal (reitero que ye lo que son), sigue los mesmos pasos, roblando la vergoña de siempre: que la llingua sólo val pa risión (encima de nós mesmos).

Ente toos estos, criaron la sociedá d’anguañu, diglósica, el pueblu del “qué más da” como diz un collaciu miu, que ta dispuesta a ver morrer la so mayor ayalga cultural heredada durante milenios porque nun son a camentar por ellos mesmos, abandonar a medios manipuladores, aculturizantes que son capaces de poner nel tronu políticu a quien quieren.

Lluchando nesti tarren, asoleyóse Radiu Sele y Les Noticies, que ficieron un papel mui importante na normalización na cai.

Lluéu popularizarónse dellos preseos electrónicos, como móviles, reloxes, GPS… que siguen confirmando too: Les llingües son inglés y les demás cuatro llingües (en númberu de falantes).

El pasáu reciente (¿1 sieglu?) ye permalu pal asturianu, arrequexáu na hestoria/sociedá de la teunoloxía. La innovación teunolóxica ye ablucante y presta pola vida, pero l’asturianu nun tien güecu ehí. Y el futuru nun parecía sinon afitar la muerte cercana. Tovía remembro la primer vegada que manexé Windows 98 y camenté que bono sería que tuviere n’asturianu… yo y los mios suaños imposibles… Too parecía apuntar a que la muerte inminente del asturianu llegaba perrápido, a falta d’adaptación a una sociedá teunoloxíca.

Nesta situación permala aparez Internet, la rede de redes, el meyor inventu de la hestoria na mio humilde opinión. La posibilidá inmensa de que cada persona espublice los sos camientos y que cualisquier persona del mundiu pueda lleela. Un periódicu por ciudadanu, como lleí una vegada.
La blogosfera n’asturianu entama tímidamente, pero espoxiga rápido, con xente qu’algama fasta güei una calidá inusitada, periódicos online, blogues, comunidaes… escriben, camienten y espublicen n’asturianu, de mena orixinal y perbién. Dan-y por primer vegada una voz al asturianu na teunoloxía.

Pero seguía habiendo un problema, teníemos un tesoru, los blogues n’asturianu, pero l’entornu yera en castellanu/inglés. Tou un problema d’integración real, debería ser una sociedá onde la teunoloxía seya dafechu n’asturianu.

¡Pero hai manín! La sociedá sigue evolucionando asgaya, nos entamos de los sistemes operativos xente perintelixente como Stallman afitó unes regles que cada vegada espoxiguen más, la llibertá y drechos del individuu sobre la so teunoloxía, esto nómose software llibre.

Un movimientu inusitáu ñació, la xente collaboró y collabora altruistamente en dalgo de baldre, desendolcadores, betatesters, tornadores, usuarios, empreses…  dando vida a lo que conocemos como GNU/Linux, alloñáu de crisis, con rexeneración automática de persones, qu’espoxiga a pasos de xigante, y apartáu de controles capitalistes/políticos. Implantando una sociedá con conocimientu y cultura llibre.

Un de los efeutos collaterales foi precisamente la posibilidá de personalización del software, pa esto ye necesario que seya llibre, ensin trabes incomprensibles de los criadores. Esto derivó a posibilitar la torna del software, que nun ye ni más ni menos que l’alma del hardware, quien diz al aparatu como furrular. N’Asturies, fae 5 años ñació Softastur, los primeros pasos tímidos dieron pasu a una pequeña comunidá con un perinmensu trabayu altruista de fondu, tornando software llibre, y enfocándose en qu’al remanar un ordenador seya posible facelo n’asturianu. Eso dió lluz a la distribución más usada nel mundiu: Ubuntu, n’asturianu. Un sistema operativu dafechu n’asturianu, de baldre y llibre.

Esto anima abondo, pero entrúgome cómo nun s’anima más xente a tornar (sólo sómos unos 20 en Softastur), a normalizar l’asturianu nes nueves teunoloxíes. ¡Necesitámoste! Ye perfácil. Anímate a poner el to granín, da-y una cyberbofetada en tola cara a los medios, a los etnocides que ríense de la nuestra cultura, que dicen que sólo val pal pueblu y ye una llingua de poco valir.

Camentando n’Ubuntu, con tol trabayu fechu detrás (y nel que queda por facer), veo lluz al final del tunel, veo al asturianu saltar un sieglu na so vida 😀 veo a la nuestra querida llingua reñacer de les cenices como un ave Fénix, y afitase como una solución válida pal sieglu XXI.

Güei, y dende fae 5 años, sé que l’asturianu vivirá, ¡porque nun vamos dexar que muerra! 😀

Mercar ordenador con Ubuntu

16 de Setiembre de 2009

Pa quien quiera mercar un ordenador nuevu, y a ser posible con Ubuntu, la eleición ye cenciella. En Carrefour Online ufiertanos dende 300€ unes máquines impresionantes.

Podemos mercar (sólo online) estos sobremeses (ensín monitor):

PD: N’Alcampo tovía hai de saldu un AMD con certificación oficial d’Ubuntu por 149€, pero ya va siendo díficil conseguilu.

Los anovamientos de Linux versus Windows. (O de cómo me les dexáis de puta madre en bandexa…)

8 de Setiembre de 2009

Bien, nel post que vien más abaxo (escritu hai unos díes) Marquinos notificábanos sobro les directrices que-yos dan a los vendedores de Windows. Métenlos nún aula, dan-yos clases de “como vender Windows por un tubu” y alleiciónenlos sobro les coses que tienen que retrucar a un “posible” comprador cuando tien dubies pa escoyer ente “Windows” y “Linux”.

Ente les perles que-yos dicen, pa engañifar al usuariu y que nun se decante por Linux,  sal ésto (podéis vela más abaxo. Concretamente ye la 3er semeya):

It can be unclear to [ Linux ] users wether or not software updates need to be applied inmediatly or are optional“. Traducción: “Nun queda nidio pa los usuarios [de Linux ] si los anovamientos tienen o non d’aplicase inmediatamente o son opcionales”

Y esto ye coyonudo: Porque n’Ubuntu, cuando tienes paquetes p’anovar divídenlos en

  • Actualizaciones importantes de seguridá
  • Actualizaciones encamentaes,   (que s’encamienten; non que s’obliguen), y:
  • Otres actualizaciones.

Paezme que queda bien claro. ¿non? (O eso, o tán llamando-y tontu al usuariu de GNU)

Pero lo braeramente bono, ye qu’entá tienen la caradura de ponelo en dubia; cuando lo que braeramente habría d’entrugase ye:

¿Daveres les actualizaciones de Windows, son actualizaciones?

Paez qu’esto nun ye asina… Ye más vieyo que la oriella’l ríu.

Vamos ver por exemplu, qué ye pa Windows una  “actualización altamente prioritaria”, y que yá vos adelanto que-yos costó una demanda. Calecío, calecío, recién salío del fornu, lléganos esto de [  ITespresso.es ], tocante a una “actualización” denomada WGA.

“Microsoft está acusada de haber descrito el programa como una “actualización altamente prioritaria”, sin ofrecer a los usuarios una explicación de lo que es el programa o lo que puede hacer en sus ordenadores. WGA tiene dos componentes, un programa de Notificaciones que identifica si la copia del sistema operativo es legal o no, y un componente de validación que recoge información de los ordenadores de los usuarios y los envía a Microsoft, diariamente.”

Podéis ver la noticia entera de esta “actualización” equí:

http://www.itespresso.es/es/news/2009/09/07/windows-genuine-advantage-a-juicio

…qué queréis que vos diga. Paez cosa de la GESTAPO  😉  Lo de dexar abierta la puerte de mio casa, pa qu’entren y m’abran la nevera, o que sepan aú guardo los gayumbos nun va conmigu. Allá vosotros y l’enfotu que ponéis en Winbug$.