Archivu 29 d'Abril de 2008

Configurar scanner Agfa SanpScan 1212u n’Ubuntu

29 d'Abril de 2008

 snapscan1212u.jpg

Tengo un scanner mui vieyu, tanto que ye d’una casa que lleva años ensin vender scanners. Conseguilu va unos 9 o 10 años al travies de KDJER. La verdá ye que toi contentu, fae el so trabayu y, pa les mis necesidaes, bastante bien.

Esti tipu de equipos, anque detectalos Ubuntu perfeutamente, necesiten un firmware pa funcionar, y pa eso vamos usar los drivers de windows 98. Necesitamos entos el cd orxinal colos drivers, o podemos baxalos dende la web d’Agfa.

 snapscan_cd.jpg

Pa poder sacar el firmware necesitamos instalar wine usando Synaptic o escribiendo na terminal:

$ sudo aptitude install wine

Cuando tengamos instalao wine vamos a Aplicaciones>>Wine>>Configure Wine y na opción “Windows version” marcamos “Windows 98” aceptamos y instalamos los drivers en wine, a min valiome con calcar “Aceptar” en tolos pasos.

 snapscan_wineconfig.png

Agora vamos a Aplicaciones>>Wine>>Browse C:\ Drive y nel direutoriu Program Files/Agfa/ScanWise 2_00 copiamos el firmware, que n’esti casu ye SnapScan 1212U_2.bin, y lo pegamos nun direutoriu accesible por Ubuntu. Nel mio casu metilu nel mio direutoriu personal y renombrelu a .SnapScan_1212U_2.bin (al poner un puntín delantre el ficheru será ocultu).

Agora vamos quitar mierda del discu,  Aplicaciones>>Wine>>Uninstall Wine Software marcamos Agfa ScanWise 2.00 y calcamos Unistall.

 

 snapscan_unisntal_drivers.png

Agora ye cuando tenemos que dicir a Sane onde ta’l firmware del nuesu scanner. Sane ye’l software col que vamos scannear n’Ubuntu, y vien instalao por defeutu, si non ye asina:

$ sudo aptitude install xsane

Abrimos una terminal y editamos el ficheru /etc/sane.d/snapscan.conf

$ sudo gedit /etc/sane.d/snapscan.conf

y na quinta llinea, editamos

firmware /home/usuariu/.SnapScan_1212U_2.bin

Guardamos y a scannear…

 snapscan_xsane.png

¿Emerald nun te furrula bien n’Hardy Heron?

29 d'Abril de 2008

Recién actualizao Ubuntu de la versión 7.10 a la cabera 8.04, atopo’l problema de que nun furrula’l decorador de ventanes Emerald col Compiz.
Tras surfear un poquitín na web, la solución ye sencilla y rápida 😉

Na Configuración avanzada de los efectos d’escritoriu, nel plugin Window Decoration camudamos l’apartau Command por esta llínea:
/usr/bin/emerald --replace

Pesllamos y reiniciamos.
Ya tenemos Emerald a plenu rendimientu 😀

En prósimos posts, impresiones acerca del furrulamientu de Hardy Heron 😉

Montar carpetes de redes samba nel arranque

28 d'Abril de 2008

Como soi mui vagu, nun me presta tener que coneutame manualmente a les carpetes compartíes de mio rede llocal, lo que faigo ye montales como si fuera una unidá de discu más.

Na mio rede tengo 3 ordenadores:

  1. Un pc d’escritoriu con Ubuntu
  2. Un servidor con Debian
  3. Un portatil con MacOS X

El problema que tenía ye que con MacOS X fui incapaz de compartir con NFS polo que utilizo Samba (anque será temporal), y lo que voi facer ye montar una carpeta del servidor compartida con Samba. Si lo que quies facer ye montar una carpeta compartida de un pc que te corriendo Window$ el procesu ye’l mismu.

Lo primero que vamos facer ye instalar el soporte pa poder montar carpetes compartíes en redes Window$:

$ sudo aptitude install smbfs

Con esto yá podemos montar les carpetes, pero yo quiero que lo faiga’l sistema nel arranque (que soi mui vagu), entos primero vamos crear un direutoriu onde montaremos el recursu compartíu:

sudo mkdir /media/nome_del_direutoriu

y pa poder escribir tendremos que decir a que usuariu pertenez

sudo chown nome_d_usuariu  /media/nome_del_direutoriu

Agora decimos al sistema que queremos montar y onde, pa eso tenemos qu’editar el ficheru /etc/fstab

sudo gedit /etc/fstab

y añadimos esta linea al final del ficheru:
//ip_de_la_maquina_que_comparte/nome_del_recursu_compartiu /media/nome_del_direutoriu      smbfs   username=nome_d_usuariu,password=clave 0 0
Agora si reiniciamos podremos ver el recursu compartíu como una unidá de discu más… si sois tan vagos como yo…

usar esti comandu pa nun tener que reiniciar:

sudo mount -a

WUBI: Istalar Ubuntu 8.04 dende Windows

27 d'Abril de 2008

Novedá n’Ubuntu 8.04 Hardy Heron ye poder istalar dende Windows al INSERTAR el CD d’istalación o baxando sólo l’archivu d’istalación (aunque llueu baxará la imaxen dende Internet).
Probelu y el resultau fue ablucante 😀 Istáleslu y desistáleslu como una aplicación más de Windows ensín nengúna dificultá o problema.

Pa istalalu inserta’l CD d’Ubuntu tando en Windows, y automaticamente saldrá la ventana d’istalación. Si nun te sal vete a la unidá del CD y executa’l ficheru wubi.exe

Dexovos un vídeu cola istalación y desistalación completa dende Windows, con tolos pasos, pa si quies ver el resultau equí 😉

Un avance perimportante pa que la xente s’avere a esti sistema 😀
¡Animate a istalalu!

Ventaxes:
– Istalación / Desistalación facilísima dende Windows, perfecta pa usuarios con miedu a xugar coles particiones o Linux
– Nun toca la partición
– Nun fae falta que quemes un CD, aunque tendrás que descargar 700 megas de’Internet, nesi casu. Si tienes el CD d’Ubuntu ya te lu lleva 😉
– Ye Ubuntu tal cual, ensín derivaos.

Desventaxes:
– La istalación ye sobre FAT32, siendo preferible’l sistema d’archivos de Linux. Pero esti ye un mal menor.
– Nun llegues a independizar Linux nuna partición, colo que si en Windows un virus te fraya’l discu duru, perderás tamién Ubuntu al ser una carpeta dientro de Windows.

PD: Más tecnicamente falando, furrula de la siguiente manera:
Crea una carpeta nel raíz de Windows nomada Ubuntu.
Ehí guarda una imaxen d’el mesmu.
Modifica l’arranque (pero non modifica la partición) pa poder cargase él o Windows, con un menú grub, que carga la imaxen d’el mesmu.

Si lo desistales, el mesmu desanicia la carpeta que creó automaticamente c:\ubuntu y redireciona l’arranque a Windows, dexádote l’ordenador como taba 😀

Sobre pal CD d’Ubuntu 8.04

26 d'Abril de 2008

Si quies un sobre perguapu pal CD d’Ubuntu 8.04 pa la to coleción d’Ubuntus, o pa regalar a collacios/es, calca na semeya, imprimela, doblala y pegala. Ya sólo te queda meter el CD 😉

sobre baxa

¡Asoleyau Ubuntu 8.04! ¡Hardy Heron!

24 d'Abril de 2008

¡3! Afina-y los xestores de descarga…
¡2! Preparaos…
¡1! Apunta-y…
¡0 dí­es! ¡A por el!

¡Ya ta disponible la descarga de baldre del NUEVU UBUNTU 8.04, nomau HARDY HERON! 😀

0 dies

  • ¿Cómo descargalu?

1.- Dende’l servidor oficial y mirrors.
2.- Ye perrecomendable nestos primeros dí­es usar la rede Torrent (debí­o al gran númberu de descargues puede ir llento baxar directamente del servidor o que té cayí­u). En too caso, Ubuntu tienenlu muncha xente compartiendo, y baxa xenial per Torrent (Tieneslu nos archivos .torrent al final de la web enllazada).
3.- Nueva posibilidá oficial con Wubi, istalando dende Windows.

  • ¿Qué novedaes lleva?

Ente les principales novedaes tan les siguientes:
Firefox 3 por defectu.
PulseAudio: Nuevu servidor de soní­u.
– PolicyKit: Meyor control de los provilexí­os d’usuarios.
– Linux Kernel 2.6.24-8.14: Meyores sustanciales nos sistemes de 64 bits.
Transmission: Cliente de torrents.
Vinagre: Escritoriu remotu VNC.
Brasero: Grabador CD/DVD.
– Applet de reló mundial.
– Nueva interface de Recursos del Monitor del Sistema.
Wubi: Istala Ubuntu en Windows como si fuera una aplicación o istalar dende Windows.

  • ¿Cómo istalalu?

Sigue la guí­a: Ubuntu n’asturianu.

¡A disfrutalu! 😉

Nueva versión d’Ubuntu disponible

24 d'Abril de 2008

Tan acabantes d’anunciar na llista de corréu l’espublización d’Ubuntu 8.04 LTS. Podeis descargalo equí.
Voi aprobechar esta versión pa formatear el mio discu duru per primer vegada en tres años, en unos díes diremos sacando artículos sobre instalaciones y configuraciones.

Toca-y trabayar al torrent…

Los frikis de la 2 tamién usen Ubuntu

24 d'Abril de 2008

Anque personalmente nun me presta nada’l “graciocismu” de muchachada nui, equí vos dexo un videu que fala d’Ubuntu y una de les sos ventaxes…
Enllace de descarga

Si ellos lo dicen… xD

22 d'Abril de 2008

Meyor

¿SAMBA? Non gracies, yo uso NFS

20 d'Abril de 2008

Samba algamó un reconocimientu merecíu pa xestionar la conesión d’una rede llocal.
Pero esti programa tien sentíu sólo nun casu: L’intercambiu d’información ente Windows y Linux.

Pero cuando se quier intercambiar información sólo ente sistemes Linux, la meyor opción (por simplicidá y velocidá) ye usar NFS, que ye’l protocolu standard pa compartir carpetes de rede n’UNIX / Linux.

Esto permite nel mio caso intercambiar archivos ente’l mio ordenador de sobremesa y el portátil, a traves del router 😀 Como tamién xugar a xuegos qu’almitan rede llocal (LAN), o facer copies de seguridá ente ambos, ver películes nel cliente que tan almacenaes nel servidor, etc, a la mayor velocidá posible (SAMBA nun algama tanta velocidá).

nfs

NFS requier 2 coses:
1.- Un ordenador servidor (Suministra información al ordenador cliente).
2.- Un ordenador cliente (Garra información del ordenador servidor).

Exemplu: Si quiero pasar datos del sobremesa al portátil, el sobremesa será’l servidor, y el portátil el cliente.

  • ISTALACIÓN:

Seguimos estos pasos NEL SERVIDOR:
1.- Istalamos dende terminal los programes necesarios:
sudo aptitude -P install nfs-kernel-server nfs-common portmap

2.- Configuramos el portmap:
sudo dpkg-reconfigure portmap
Dicimos-y que NON al loopback cuando nos entrugue.

3.- Abrimos l’archivu /etc/exports:
gksudo gedit /etc/exports

4.- Especificamos-y nesi archivu les carpetes a les que permitirá aceder el servidor, faciendo una llínea por cada carpeta:
/home/usuariu/tapaponga 192.168.1.2(rw,no_root_squash,async)

Onde /home/usuariu/tapaponga ye’l directoriu al que se permitirá aceder al cliente.
Onde 192.168.1.2 será la IP del cliente al que se va a permitir aceder al directoriu anterior (Puede ponese un rangu na manera 192.168.1.1/127). D’esti modu sólo podrá aceder el ordenador que nosotros queramos 😉
Onde rw ye permisu de llectura/escritura pal cliente (Puede ponese ro pa que’l permisu seya sólo de llectura).
Onde no_root_squash permite que’l usuariu root del cliente tenga acesos root nel servidor.
Onde async ye una sincronización asincrona (Puede ponese sync que ye sincrona, más segura, pero más llenta).

5.- Debemos reiniciar el servidor NFS:
sudo /etc/init.d/nfs-kernel-server restart

6.- Facer les modificaciones del archivu /etc/exports efectives con:
sudo exportfs -a

7.- NEL ORDENADOR CLIENTE crear el directoriu onde montaremos el servidor:
sudo mkdir /media/server

  • USU:

Lo único que debemos facer cada vegada que queramos aceder dende’l cliente a la información del servidor, ye montar nel cliente un directoriu dende la IP del servidor.

sudo mount 192.168.1.1:/home/usuariu/tapaponga /media/server

Onde 192.168.1.1 ye la direción IP del servidor.
Onde /home/usuariu/tapaponga ye’l directoriu a compartir dende’l servidor
Onde /media/server ye’l directoriu onde se montará’l directoriu del servidor.

Con facer esto aparecerá nel escritoriu, nel menú places, la unidá montada, pudiendo aceder a ella pel Nautilus, terminal…

  • EXEMPLU:

El mio sobremesa será el servidor (IP = 192.168.1.1), y el portátil el cliente (IP = 192.168.1.2), y quiero ver dende’l portatil les películes del sobremesa (servidor) almacenaes en /home/tapaponga/Videos. Ambos conectaos pel router.Nel sobremesa:
sudo aptitude -P install nfs-kernel-server nfs-common portmap
sudo dpkg-reconfigure portmap -> Dicimos-y que NON al loopback.
gksudo gedit /etc/exports
Nel archivu ponemos esta llínea:
/home/tapaponga/Videos 192.168.1.2(ro,no_root_squash,async)
sudo /etc/init.d/nfs-kernel-server restart
sudo exportfs -a

Nel portátil:
sudo mkdir /media/Videos

Finalizada la istalación, cada vegada que queramos ver les pelis almacenaes nel sobremesa, escribiremos na terminal del portátil esti comandu:
sudo mount 192.168.1.1:/home/tapaponga/Videos /media/Videos
Y ya podemos navegar col Nautilus pa abrir les pelis 😀

Remembra estes consideraciones:

Si quies que siempre se monte nel cliente un directoriu col servidor, añade’l comandu de montaxe al archivu /etc/fstab

192.168.1.1:/home/tapaponga/Videos /media/server nfs rw 0 0

Los espacios son tabuladores.

Los 0 son ceros.

Tienes la ventaxa tamién de montar 2 ordenadores como servidor y cliente, faciendo un intercambiu n’ambes direciones. Pa ello repite la operación d’istalación nel otru, y fae les operaciones d’usu nos dos.

Ye posible referenciar a una grabadora de DVDs, cola ventaxa que nun fae falta que merquemos 2 grabadores pa cada ordenador, pudiendo compartir una ente los dos 😀

Perimportante que toles lletres mayúscules y minúscules (sobre too de directorios) se respeten.