Archivu 30 d'Agostu de 2010

Con Ubuntu ye suficiente

30 d'Agostu de 2010

Llevamos diciéndolo munchu tiempu: Ubuntu ye un sistema operativu col que podrás facer toles xeres que necesites. Bono, toes non…  Un todoterreno nun val pa facer batimetría 😀

Asina s’espeya nel resultáu d’una encuesta (provisional) que tán faciendo en ubuntu-es. Hai de solliñar lo siguiente:

  • El 34% de los que participen na encuesta, dicen que con GNU/Linux cubren el 100% de les sos necesidaes.
  • Llueu hai un grupu de xente, un 48%, que diz usar mayoritariamente GNU/Linux , magar que necesita l’usu de Windows pa xeres mui específiques. (Lóxicamente, habría que desplicar cuáles son esta triba de xeres ESPECÍFIQUES, porque toos sabemos qu’hai páxines gubernamentales, por exemplu, que namái tienen sofitu pal restolador Explorer, y nun queda más remediu qu’usar esi restolador web.)
  • Por último, namás hai un 1% de la xente, que necesita tirar de OSX pa facer dalguna xera.

El restu del gráficu ye fácilmente interpretable. Tenéis la encuesta equí y podéis participar, porque entá sigui abierta.

Asina somos nós..

28 d'Agostu de 2010

Ver el vídeu en Youtube

Linux, el siguiente pasu lóxicu

28 d'Agostu de 2010

Ye irremediable…. cuanto enantes evoluciones, meyor pa tí.

Ver el vídeu en Youtube

Spot fechu con Blender

26 d'Agostu de 2010

Nun ye la primer vegada que falamos nesti blogue de Blender. Pues bien, vais quedar apitelaos cuando veáis esti vídeu:

Ver el vídeu en Vimeo

… y equí podéis ver el “Cómo se fizo”:

Ver el vídeu en Vimeo

Visto en: Bitácora de jEsuSdA

Equi vos pongo más vídeos fechos con Blender

¡Multiplícase por 7 l’usu d’Ubuntu n’asturianu nun añu!

24 d'Agostu de 2010

¡Esto nun para! 😀 Ye un preste pergrande pa nós ver como espoxiga y espoxiga l’usu d’Ubuntu n’asturianu 😀

Les estadístiques d’usuarios nos da unes 302 persones qu’usen Ubuntu CADA DÍA n’asturianu 😀 Esta cifra españó multiplicando por 7 la cifra de fai sólo 1 añu!!

Ye mui importante facer incapié en qu’eses persones son les qu’usen Ubuntu cada día, ye dicir, non quienes lo tienen sólo instalao y nun lu usen. Son quienes cada día usen l’ordenador con Ubuntu n’asturianu 😀

Dende equí, a toa esa xente sólo podemos dici-yos  una cosa: ¡¡¡GRACIES!!!

PD: El númberu que ves na imaxe ye de la estadística. El cálculu faise como esplicamos nel artículu de fae 1 añu.

Faite con toes

22 d'Agostu de 2010

Contauta con nós.

Ubuntu YE MUI FÁCIL

Ubuntu-artwork

21 d'Agostu de 2010

Ayeri, 20 d’agostu, zarróse’l plazu pol que podíes unviar la to semeya a Ubuntu-artwork y presentala como candidata a fondu d’escritoriu. La iniciativa ye perbona; si la to semeya resulta escoyida, veríenla en millones d’ordenadores 😀

Al concursu presentáronse 5.344 semeyes. Y hai de too, paisaxes tiroleses,.. paisaxes urbanos,.. animales,… la guardia británica (quien coño quier eso de fondu de pantalla??), dalgún que se pegó la hostia cola bici, y piensa que ye arte…, otru que ve dragones o qué se yo nel cielu, (¿vosotros qué veis ehi???? hai que dexar la bebida 😀 )… de too, menos muyeres macizorres, que ye lo que más prestaría, (bono, sí… hai dalguna, pero les demás meyor buscáisles vosotros que yo nun quiero meteme en llíos cola mio parienta 😀 😀 )

Puedes ver toles candidates equí. Qué pena que nun hai denguna d’Asturies…Si m’entero primero pa la prósima convocatoria, avísovos con tiempu 😀

Razones pa namorase d’Ubuntu

21 d'Agostu de 2010

Esto ta sacao de la páxina de Martin Owens, podéis descargalo en Spread Ubuntu en .png y .svg

¡Ya sabemos fecha! FF 3.6.9

20 d'Agostu de 2010

El próximu día d’Asturies va ser especial 😀

Llamaes de voz y videuconferencia en Gmail con Linux

20 d'Agostu de 2010

Bones Noticies!! 😀

Gmail acaba d’implementar la funcionalidá de videoconferencia pa los sistemes Linux 😀 D’esta miente, los usuarios podrán facer videoconferencies y llamaes de voz, que yá esfrutaben usuarios de Windows y Mac va un tiempu.

La páxina de videochat de Google Gmail yá ta preparada pa que los usuarios de Linux puedan descargar un paquete DEB col que poder usar esta funcionalidá dende les sos distribuciones de Linux, tales como Debian, Ubuntu y derivaes.

[fonte: Muylinux ]