Lleí a Stallman dicir que la computación na nube (mails pela web, offices pela web, semeyes na web… ¿sigo?) yera una trampa onde tú nun yes dueñu de los tos propios datos ya información, y qué meyor que velo con un exemplu…

Gufw 10.04 tien un güevu pintu onde si pones bulls como regla simple salte un mensax antitaurín y enllaz a un videu de Youtube onde torturen fasta la muerte a un toru. ¿Qué meyor mensax internacional qu’esi videu onde se ve a esos asesinos tratar asina a un animal?

Calca na imaxe pa ver el güevu pintu

Cola noticia de Catalunya prohibiendo les corríes de toros ye’l meyor momentu pa espublizar esti güevu pintu, pero… ¡Youtube esborró‘l videu del enllaz amosáu nel güevu pintu! :@ por una “infraición de los drechos d’usu”… ¡¡¡WTF!!!

A parte d’esgonciar el güevu pintu dafechu, ¿Por qué diantres Youtube esborró esi videu? ¿Acasu la nuestra sociedá ye tan idílica que nun puede ser perturbada pola realidá? Guetando pela web, atopé xente pidiendo xubir esti videu más vegaes pa evitar los desaniciaos de Youtube.

Resumiendo:

• Un perbon casu onde ver que nun tenemos control sobre los nuestros datos.
• Un güevu pintu esgonciáu que tovía puedes siguir viendo en BlipTV, y baxar en avi con esti comandu dende la terminal. ¡Xubelu a tolos sitios que puedas!
A video used to be embedded here but the service that it was hosted on has shut down.
• Y lo más importante: Onde esti añu siguirán torturando toros  ¡CORRÍES DE TOROS NON! ¡Vémonos n’Agostu na manifestación antitaurina en Xixón y na Xunta pola votación del desaniciu de les corríes!

Edición: 31 Xunetu: Atopé esti esceicional videu pa tolos públicos:

Xugando un poco puede conseguise con mui poques perres coses como esta:

Ubuntu: Imprenta esti ficheru dende Inkscape en papel adhesivu blancu, recorta y pega nel portátil 🙂

N’ast: Pegadiella de la Xunta pola Defensa de la Llingua.

Güei voi facer publicidá d’un centru comercial. ¿Porqué? Bono, primero por que me da la gana: esto ye Tapaponga y equí somos llibres 😉 , segundo, porque hai que facer publicidá de les coses cuando se faen bien, y tercero, porque si nun digo dónde ye, vais dar más vueltes que la MIR.

El casu ye que güei mesmo, alcontré nel centru Comercial d’Alcampo*esta oferta:

ASUS EEEPC 1001H-A (Blancu), Procesador Atom, 160 Gb de discu duru; 1 Gb RAM, pantalla de 10’1 pulgaes, llector de tarxetes y 4 hores de duración de batería. El preciu yá lu veis: 199 euros con Linux. Perfeutu pa llevalu a tolos llaos, ver pelis cómodamente, y unviar y recibir correos.

El preciu que veis de 249 euros, ye si lu pilláis con Windows (XP), (que aparte de perder 50 euros, ocasionarávos que vaya más lentu, más virus que nuna alcantariella y que perdáis collacios en Tapaponga 😀 )

Aprovechái la ocasión, qu’estos vuelen!!

*Nota: Centru comercial d’Alcampo de L’Entregu. Pero supongo que si vais al centru d’Alcampo de Xixón, tamién tengan la mesma oferta o vos lu encarguen 😀

Dell desmarcóse de la industria ufriendo unos cuantos ordenadores y portátiles con Ubuntu preinstaláu fai unos 2 años. Dende fai 1 añu o asina vendíalos n’España tamién. Pero ensin más desplicaciones (tampoco tien que dales) dexó d’ufrir esos ordenadores.

Fasta equí too normal, nun tengo quexa. El problema ye que me quedó ensin poder mercar un ordenador con Ubuntu preinstaláu. Tampoco sería problema si ufrieren Dell y demás fabricantes (¿ensambladores?) ordenadores con otru sistema operativu llibre o ensin sistema operativu, pero tampoco ye’l casu…

Bono… tampoco ensin quexa fasta equí, son llibres de vender lo que quieran… Pero el problema ye qu’esi ordenador llevará (y van cobrame) un Windows preinstaláu, y al prendelu debería poder refugar esa llicencia de Windows, darréu que nun voi usar (nin quiero) esi sistema operativu.

Pongo equí la mio charra con un axente de ventes de Dell España güei mesmo:

____________________________________________

marquinos: Pregunta inicial/Comentarios: Quiero comprar portátil con Ubuntu
Usted está ahora conectado con un agente. Gracias por usar Dell Chat. Conectado con operador_dell
Operador_Dell: Buenos días! Bienvenido al departamento de ventas para particulares.
Operador_Dell: Lo siento pero no tenemos ordenadores con UBUNTU
marquinos: Buenos días. Pero en su web tienen la publicidad: www.dell.es/ubuntu
marquinos: que me dirige a unos cuantos ordenadores
marquinos: pero no puedo seleccionar el sistema operativo en la compra, sólo Windows
Operador_Dell: Correcto porque en estos momentos no esta disponible
marquinos: ¿Es permanente? ¿O puedo reservar uno ya?
Operador_Dell: No le puedo asegurar nada pero por el momento no esta disponible
marquinos: De acuerdo, ¿Qué alternativas tengo a comprar un ordenador sin sistema operativo? (U otro sistema operativo que no sea Ubuntu/Windows).
Operador_Dell: Tampoco es posible el sistema operativo viene incluído en nuestros ordenadores
marquinos: Vaya, eso es un poco monopolio ¿no?
marquinos: Está bien también, pero si les compro un ordenador al encenderlo tengo que aceptar la licencia de Windows, cosa que no deseo hacer porque no quiero tener Windows, y por lo tanto no quiero pagar su licencia para no usarla.
marquinos: Digame el proceso para rechazar esa licencia, por favor.
Operador_Dell: No es posible rechazar la licencia
Operador_Dell: es una licencia OEM
marquinos: Eso no lo entiendo. No pueden obligarme a aceptar una licencia que no quiero
Operador_Dell: y no es una licencia en paquete
marquinos: ¿Es legal eso?
Operador_Dell: Lo siento pero es así
Operador_Dell: sí,es legal
marquinos: Vale, muchas gracias por su información
Operador_Dell: gracias a usted

____________________________________________

¿Flipante eh? Vaya monopoliu

Ye ablucante que la Xunión Europea se preocupe de poder escoyer el restolador web en Windows (perbona cosa), pero nun se preocupe un res de que seyamos llibres d’escoyer el nuestro sistema operativu.

Tamién ye ablucante qu’abondes persones quieran daqué y una empresa-yos refugue’l vendelo. Más en tiempos de crisis ¿non? WTF!

¿Qué podemos facer? ¡Entrar a l’aición! Idegues nos comentarios Ehí van unes que tengo:

• Pedir a Dell (y otros fabricantes) por email ordenadores con Ubuntu. ¿Sabeis los emails? Dell nun los espubliza.
• Pedir a Dell por chat que tengan ordenadores con Ubuntu. Calca equí pa chatear con un comercial de ventes.
• Mercar ordenadores (a Dell y otros fabricantes) y devolvelos porque nun podemos refugar la llicencia.

Be free my friend

Edición 14 Setiembre 2010: Firefox ya ta n’asturianu oficialmente pa tolos sistemes operativos 😉 + info.

Dende payares del 2008 que tamos trabayando pa tener esta aplicación n’asturianu. Ya queda mui poco, y cuando digo poco, ye poco 😉

¡Firefox! ¡Llibertá na nuestra llingua! 😀

Qu’Ubuntu entra pelos güeyos, ye un fechu cada vegada más palpable versión tres versión. Parte de la culpa, tienla la Comunidá. Munchos de los mock-up que véis perehí, son namás qu’eso: mock-up , “prototipos” o propuestes, en munchos de los casos non reales, que namás son frutu de la imaxinación de diseñadores, qu’amuesen una nueva versión o un nuevu puntu de vista de cómo tendría de ser ésto o aquello, y que busquen ver la reaición de la xente.

Pero esos mockups, son l’orixe de nueves tendencies. Ubuntu ye revolucionariu nesto. Ye dinámicu dafechu. Almite toa triba de propuestes de la Comunidá. Sométense a votación, y munches d’elles, pasen de propuestes a realidá.

Invítovos a que vos déis un voltiu pel Ubuntu Artwork. Ehí podréis ver coses como por exemplu cómo se refinó’l tema Ambiance

La “propuesta” pal Nuevu Ubuntu Software Center de Maverick..

…o nuevos temes GTK, ver equí.

Como vos dixi, pasáivos pel Ubuntu Artwork, pero nun vos creáis tolo que veáis 😉

Fai casi un añu, falábamos nesti blogue del primer llector de noticies y conteníos, akregator. Ayeri mesmo, enteréme por un collaciu de la esistencia de Liferea (Linux feed reader), un amestador y llector de noticies y conteníos.

Liferea, ye compatible cola mayoría de formatos de feeds, incluyendo RSS, RDF y Atom. Ye rápidu, cenciellu d’usar y fácil d’instalar pa GTK+, poro, tien integración total con GNOME. Pa soscribise a una canal de noticies, cenciellamente, calques nel botón de “Nueva soscripción” ya indiques la direición del sitiu que quies amestar. D’esta miente puedes saber cuándo sal un artículu nuevu, por exemplu, en Tapaponga. 😀 El programa avisaráte cuando s’anoven los tos blogues preferíos, ufran nuevos conteníos, o s’espublicen noticies nueves nes canales 😉

..y too, como siempres, na to llingua. ¿Entá sigues usando programes de Mac y Windows en castellán?

Dell te lo diz 😉

Recién anda sirvida la polémica tocante a les antenes de los teléfonos móviles, y la so perda de cobertura cuando l’usuariu garra’l teléfonu. La primera en recibir crítiques foi Apple, col so iPhone. Los usuarios quexáronse y munchos d’ellos devolvieron el so terminal, por considerar que nun valía les perres que pagaron por él. Rápidamente Steve Jobs, salió al pasu diciendo, que ye un problema de “cómo garra’l móvil l’usuariu”, y qu’esi tamién yera un problema que teníen otres compañíes.

Como les crítiques nun aselaben, Apple, espublizó un vídeu na rede, dirixíu a la so rival direuta, Nokia, nun exerciciu de missdirection (desvíu de l’atención). Nesti casu, Apple amosaba la perda que tien el N97. Equí el vídeu (fixáivos bien nos deos y la perda de cobertura):

http://www.youtube.com/watch?v=-b-aoZNv-q0

Coño! Asina claro qu’hai perda! Esto ye lo que Nokia denoma Deathgrip (agarre de la muerte 😀 ) Nokia dedicó miles d’hores durante toos estos años a estudiar el mou nel que se comporten les antenes. Como podéis ver, al facer el pressing catch 😀 colos deos, afuegues al móvil y pierde daqué de cobertura. Eso ye obvio, y toos lo sabíemos…. Pero polo menos nun muerre la señal.

Vamos ver agora lo que-y pasa al iPhone:

Ḥuas!!!! Nun-y queda un res de cobertura, a tomar pol culu la bicicleta, hasta’l puntu que’l mesmu teléfonu diz “is no longer available“. Vamos, que yá tas llamando otra vegada, y pagando l’establecimientu de llamada, etc, etc. Aparte que namái fai falta tocalu cola uña’l deu 😀 . Como tengas les guedeyes llargues, yá tas rapándote o nun funciona más hasta l’añu que vien 😀 😀

…Coyonudo pa un teléfonu tan caru.

Un informe de la compañía de seguridá Secunia, alluga a Apple como la que más vulnerabilidaes tien nel so software.

Sin dir más llonxe, ayeri mesmo fízose públicu un exploit de Safari que permite que sitios maliciosos obtengan datos de la to llibreta de direiciones, cuando l’usuariu tien habilitao la opción d’autocompletar na información de la llibreta. D’esti mou, l’usuariu puede tar dando datos como’l nome, emplegu, direición, e-mail, etc ensin decatase d’ello. Tenéis l’artículu enteru equí