Entrugábame l’otru día Astur sobre telefonía IP.

Güei puseme a indagar, y atopé una sorpresa bien prestosa 😀 Llamar con Ekiga a traves de VoipBuster, pudiendo llamar 300 minutos a la selmana de baldre a estos países:

Pa ello usaremos el programa open source Ekiga, incluyíu n’Ubuntu (Menú Aplicaciones/Internet)  😉  col protocolu de VoipIP VoidBuster.

Abrimos Ekiga y configuramoslu según la nuestra conesión.

Dempués creamos una cuenta en VoipBuster. Unvíarannos un email pa que confirmemos l’alta.

Agora que somos usuriarios de VoipBuster, n’Ekiga vamos al menu Edit/Accounts y creamos una cuenta asina:

Nome de la cuenta: VoipBuster
Rexistru: sip1.voipbuster.com
Nome d’usuariu: el vuestru nome d’usuariu al davos d’alta en VoipBuster.
Contraseña: La vuestra contraseña d’usuariu al davos d’alta en VoipBuster.

¡Ya ta! Asina de cenciello 😀

Agora pa llamar a un fixu d’esos países ponemos como númberu:
sip:0034XXXXXXXXX@sip1.voipbuster.com

Onde 0034 ye’l prefixu internacional y XXXXXXXXX sustitu-ylu pel teléfonu 😉

Calques nel boton de la drecha (ye como un enchufe), y nunos 10 segundos llamará 😀

Asegurate de poner el volume del altavoz y del micru amediaos na pestaña “Audiu” 😉 Sinon, nun oirás na. Asegurate que la to configuración d’audiu/micro ye correuta tamién 😉

Remembra que con Ekiga, creando una cuenta d’Ekiga, puedes falar indefinidamente ente usuarios online, pero esta configuración será un post aparte 🙂

¡A disfrutalo!

Dende la FSF, tan faciendo campaña pol formatu d’archivu OGG 😀

Esti ye un formatu llibre p’audiu y videu que cada vegada ta usandose más y más, pola so gran calidá 😀

De xuro que  l’usu d’Ubuntu ta influyendo na so estensión, ya que si grabes un videu o audiu, el formatu por defectu ye ogg 😉

Recordavos que’l MP3 ye un formatu zarráu ya propietariu 🙁  Nel qu’esisten casos como’l que Microsoft tuvo que pagar 1.100 millones de dólares a Alcatel pol usu de MP3 en Windows ensín permisu…

¡Yo quiero ser llibre! ¿Y tú? 😉

Esta ye una crítica a dalgunos “profesionales” que tan vendiendo ordenadores.

Ayer la mio prima llamomé, ya que diba mercar un portátil pequeñu. Recomende-y un netbook (l’Asus eee PC 4G, por 220€) ya que tien sobremesa y portátil normal, y pareció-y bona idega, tantu pol preciu como poles característiques.

Al ratu,  llamame alarmada dende la tienda porque’l vendedor d’una pequeña franquicia d’Uviéu nun-ylu recomendaba pa na. Testualmente: “Si pones el emule y messenger, con lo básico que es, no te dejará ni abrir una ventana del navegador…. es para comerciantes que necesitan mostrar catálogos….“.

Tranquilizola, y digo-y que les característiques son iguales al anterior ordenador que tuve yo de sobremesa. Quiero aclarar que yo tengo andao con 1/2 GB de RAM nun procesador a 800Mhz, y tiraba absolutamente too y muncho meyor que con Windows XP, a pesar de lo axustao del harware.

Güei va a una gran superficie de pelis, música y teunoloxía de Parque Principáu a mercalu. Onde “l’espertu” vendedor-y diz que nun lleva la OpenOffice, y acaba empaquetando-y l’Asus eee PC con Windows XP por 50€ más.

Apesadumbrame lo complicao que ye lliberar al mundiu del software privativu, si yendo dalguién a mercar esplicitamente un ordenador con GNU/Linux, los ineptos vendedores faen que recule pa que gaste más perres, dende la so esperta ignorancia.
Muncho más, cuando va a mercase un netbook de calidá contrastada ente verdaderos profesionales.

Esta ye una batalla complicada de ganar, mientres los grandes fabricantes y los vendedores tengan tantu poder, seguiremos nes mesmes 🙁

Obviamente, tamién conocí vendedores profesionales pa quitase’l sombreru, pero hai cada un perehí que… -voy callame meyor- :@

Camudando les fontes del reló, puedes algamar dalgo como esto:

Pa ello:

• Calca Alt+F2.
• Escribe gconf-editor y calca Enter.
• Nel Editor de configuración, na manzorga vete a apps > panel > applets > clock_screen > prefs.
• Nel campu custom_format escribe: <span size="smaller" color="#c8c8c8">%a %d %b</span>  <b>%H:%M</b> Nel campu color, escribimos en formatu hexadecimal el color que quies dar a la fecha.
• Nel campu format escribimos custom
• Zarramos l’Editor de configuración y veremos los cambios 😉

¿Reistalaste Windows? ¿Entrote un virus na partición de Windows? ¿Cancelaste un formateu? En definitiva ¿Frayaste’l arranque de Grub?

La manera más cenciella de recuperar esi arranque ensín conocimientos avanzaos ye usar un discu con Super Grub Disk 😉

¡Al arrancate aparezte un menú nel que restablecer l’arranque del discu ye perfácil! 😀

A: alea , AluminiuM, Astur, bertuku, dangerous_piper, Dani, Dinamiteru, Esbardu, folgazan, gayol, Jesusito, nelo, riel.lu, xa, Xandru, Xuacu, Yagüe y Maite 😀

Dende Softastur llevase años xestionando les tornes en Launchpad, algamando dalgo que ye un suañu: Un sistema operativu n’asturianu y llibre, adaptáu a la nuestra llingua ya cultura.

Lo meyor d’esta noticia, ye que esti llogru tien persones detrás, puxando pola cultura, llingua ya sistema llibres 😀 así, que collacios/es, esti post ta dedicáu a toos vosotros/es 😉

• ¡Echa un gabitu, por favor!

Facer incapié que si lo básico ya ta casi too tornao, queden abondos paquetes por tornar, y el trabayu ye abondo. Necesitame abonda ayuda de toa triba, dende tornar, a testear, a tarees rutinaries medio alministratives.
Por ello, encamientote a tí 😉 remembrandote que puedes tornar una frase n’un minutu, o cientos en hores. El ritmu ponestelu tú 🙂

Ante toos ustedes, placeme presentavos gracies a tolos collaboradores de Softastur, col güevu pintu de los Robots (mira la direción about:robots): ¡¡Firefox n’asturianu! 😀

¡Afayaivos humanos!

¡Milenta gracies a tola xente que puso’l so graní­n d’arena pa qu’esto seya una realidá¡! 😀

Calca na semaya pa vela en grande.

Fonte: https://wiki.ubuntu.com/MozillaTeam/Testing_your_translation

Hubo un problema cola torna de Firefox dende Launchpad, dao que Mozilla usa’l formatu xpi, y convertir un .po (que ye lo que baxes de Launchpad) a .xpi nun ye tan cenciello.
Asina que pa que’l conocimientu seya pa toos, voi poner los pasos pa facelo.

• ISTALAR EL PO2XPI (Necesariu pa convertir el .po de Launchpad a formatu Mozilla Firefox):

Istalamos bazaar:
sudo apt-get install bzr

Rexistramos la nuestra clave pública en Launchpad:

Baxamos el programa po2xpi de Bazaar con:
bzr branch lp:~mozillateam/rosetta/po2xpi
Al entruganos la clave, ponemos la mesma que cuando creamos la clave pública.

Vamos al directoriu qu’acaba creanos:
cd po2xpi

Instalamos los paquetes necesarios pa compilar:
sudo apt-get install g++ libglib2.0-dev libglade2-dev libgnomeprintui2.2-dev libgsf-1-dev libenchant-dev libfribidi-dev libwv-dev libpopt-dev

Istalamos po2xpi nel sistema dende los fontes:
Configuramos el paquete:
./configure
Compilamos el paquete:
make
Istalamos el paquete:
sudo make install

Vamos al direutoriu src dientro del direutoriu po2xpi.

• CONVERTIR UNA TORNA DE LAUNCHPAD DE FIREFOX (.PO) A FORMATU XPI:

Vamos a les tornes d’asturianu de Launchpad, y descargamos en formatu .po les tornes feches pa Firefox (que la versión seya la correuta 😉 En breve llegaranos al email un enllaz pa poder descargalo.

Colos ficheros .po de Launchpad nel direutoriu po2xpi/src dende terminal executamos el comandu:
po2xpi firefox Nome_del_ficheru_cola_torna.po
po2xpi xulrunner Nome_del_ficheru_cola_torna.po (pa xulrunner)

Eso creanos un archivu nel mesmu directoriu en formatu: jar:en-US.jar!

Baxamos les tornes d’Ubuntu dende https://translations.launchpad.net/ubuntu/intrepid/+language-packs y guetamos los ficheros en-US.xpi, que tarán en rosseta-distro/xpi/firefox/en-US.xpi & rosseta-distro/xpi/xulrunner/en-US.xp

Copiamos los .xpi al direutoriu src (camundado-yos el nome ya que se llamen igual), y executamos:
./runpo2xpi firefox en-US.xpi firefox.po
./runpo2xpi xulrunner en-US.xpi xulrunner.po

Esto creanos un direutoriu firefox y xulrunner, nel que dientro de cada ún tan los ficheros xpi guetaos. Los arrastramos sobre firefox. 🙂

Y ya tenemos Firefox n’asturianu 😀 ¡A disfrutalu!

¡Recalcar que too esto nun sería posible ensín l’esfuerzu de abonda xente que ta puxando pola nuestra llingua ya sistema operativu dende Softastur! ¡GRACIES FONDERES!!!! 😀 ¿Y tú, a qu’esperes a echar un gabitu? 😉

PD: Too esto digolo de memoria, si dalgo va mal, avisa-yme 😉

¿Quies más motivos pa usar software llibre? 😉

A falta de más d’un mes pa salir Ubuntu Intrepid Ibex, ya puede disfrutase cola Alpha de coses como esta: ¡Configurar el tecláu cola ḥ y ḷḷ de manera perfácil! 😀

Dexovos el vídeu (equí n’alta calidá) de cómo configuralo.

Enllace de descarga

¡Too esto ye posible gracies a Mikel! 😉

Hola prósima versión d’Ubuntu (na que l’asturianu ye casi too), tendrá una grata novedá, pa istalar l’asturianu, nun fae falta desistalar tol restu de les demás llingües que ten istalaes.

Igüose esi fallu, y agora con escoyelo ¡ta! 😀

Tamién vien incluyíu’l tecláu n’asturianu 😉