¡100 Entraes! Namás y na menos 😀

¡Milenta gracies por lleenos! 😉 Qué a vegaes parez que tamos más sólos que la una, pero ehí dexes un comentariu que demuestra qu’hai dalguién al otru llau 😀

Ensín ser adictos a ’causes perdíes’ (Tamos convencíos de que l’asturianu tien de ser oficial, y GNU/Linux tien milenta ventaxes pa nos), demostramos que l’asturianu nun ta reñíu coles nueves tecnoloxíes, echando un gabitín a mantenelu vivu y actualizáu nestes nueves dómines 😀

Nesti tiempu seguimos sorprendiendonos de la estabilidá y seguridá d’Ubuntu 🙂 Cayendosenos la baba al velu n’asturianu, y cola configuración del tecláu pal nuestro idioma.
Un sentimientu d’almiración y allegría, ver como la comunidá collabora nel sistema ya programes, tornándolos, implementándolos, meyorándolos,… trabayando dende la llingüa por un oxetivu universal y llocal a la vez. Esto ensín dulda ye impresionante 😉

Y esti Ubuntín de nos, que cuanto más se afonda n’el, más máxicu y atrayente parez. Too ye estudiable, camudable, meyorable… Too tien un por qué y una esplicación 😀

Pa finar, un aplauso a tí, que nos llees. ¡¡¡Gracies pol to puxu!!! 😉

Firmau: Equipu de Tapaponga

Na prósima versión d’Ubuntu (Intrepid Ibex), que saldrá n’un mes, trae un nuevu tema: New Human.

Esti tema ye oscuru, y si bien cuesta acostumbrase un poco a el, ye igual que’l Human por defectu, llegues a querelu 😉

Si quies tenelu en Hardy fae lo siguiente:
Alt+F2: gksudo gedit /etc/apt/sources.list

Añade al final estes 2 llínees:
deb http://ppa.launchpad.net/kwwii/ubuntu hardy main
deb-src http://ppa.launchpad.net/kwwii/ubuntu hardy main

Dende una terminal: sudo apt-get update

El guapu fondu d’escritoriu ye esti:

Reinicia 😉 ¡Qué lu disfruteis!

Dende El replicante, otru videu que nun tien desperdiciu de MadDog, una de les figures más carismátiques del mundiu Linux.

Sorprendeme istalando la versión beta 4 d’Intrepid Ibex, qu’al escoyer tecláu, una de les variantes pal modelu español, ye l’asturiana 😀

Ya nun vamos poder sólo tener Ubuntu en llingua asturiana, tamién tener l’alfabetu l.l y h.

Picóme la curiosidá y busqué más documentales sobre GNU/Linux.

Hai otres ayalgues na rede, como esta: Revolution-os

Perdióse'l enllaz

Si la quereis en ficheru, podeis baxaros el torrent dende equí, y los subtítulos dende equí 😉

Con esto podemos saber un poquitín más de los orixenes del nuestru sistema operativu favoritu 😀

Gracies a El replicante, remembro un videu emitíu en TV nel añu 2002, y que merez la pena volver a velu 😀

Perdióse'l enllaz

Si lu quereis en ficheru .avi, equí lu teneis 😉

Nun tien desperdiciu comentarios en Barrapunto, como esti.

7zip Ye un formatu de compresión que merez al menos una oportunidá

La so compresión  respecto a otros formatos ye tal qu’esta 😀

• Istalación: Dende consola

sudo aptitude install p7zip

• Usu:
  • Métodu gráfico: Igual que comprimes pa otros formatos, l’aplicación “Archive Manager” podrá manexar esti formatu tras la istalación 😀
  • Métodu comandu:
    • Comprimir: p7zip <ficheros_a_comprimir>
    • Descomprimir: p7zip -d <ficheru_comprimíu>

Pa más información, di-y equí.

Equí teneis más ataxos pa la consola. Potencia y optimización al másimu 😉

La terminal, esa ventanina prieta que tantu-y miéu-y da a dalgunos, ye una fonte d’un potencial illimitáu.
Puedes prescindir d’ella, pero como la uses, l’amarás, y recurrirás cada vegada más a ella.

Tamién tien los sos trucos 😉

• Ctrl+R Entames a escribir un comandu y va poniendote nel hestorial que tengas, los que coincidan cola cadena que pongas 😀 Calcando Ctrl+R va poniendote anteriores sobre la marcha 😉

• Tabulador Pa completar nomes de ficheros o carpetes, si entames a escribilu y pulses tabulador, y sólo puede haber esi nome, se completa sólu 😉 Exemplu: cd /home/tapapo <tabulador>   ->  Completará a cd /home/tapaponga 😉
• Cursor abaxo/arriba Navegarás pel hestorial que tengas 😉
• ! Si pones ! seguíu d’una cadena, executará’l caberu comandu qu’executaste que entame con esa cadena 😉 Si pones !<Númberu><Cadena> Executará el comandu de esa posición nel to hestorial que entame con esa cadena.
• cd – Colocate nel directoriu previu visitáu. Equivalente al back del Nautilus 😉

¿Potente non? 😀 Son sólo dalgunos, más d’ellos col comandu man bash

¡Sí, sí! ¡Cómo lo lees! 😉
Caleyando de viaxe atopé esta tienda, con esti bote de cola xD

Calca nes semeyes pa veles en grande.

¿Tal vez lu fae especial la falta de virus, la estabilidá, rápidez…? xD

¡Y por sólo 0.79 pounds!!! ¡Más baratu que Windows Vista!!! juasjuasjuas