Archivu 29 d'Abril de 2011

Asoleyáu Ubuntu 11.04

29 d'Abril de 2011

¡Yá disponible Ubuntu 11.04! Col nuevu entornu Unity, preséntasenos la nueva versión coles novedaes siguientes como más importantes:

  • Un instalador más simple tovía. ¿Yera posible? Parez que sí 😛
  • Unity: Una nueva manera d’entender l’escritoriu. Nun uses aplicaciones pa facer la to xera, simplemente xestiona la to xera. Unity destaca por algamar un escritoriu usable ensin permitir interrupciones.
  • Centru de Software d’Ubuntu: Faise social, con puntuaciones, recomendaciones y redes sociales.
  • Firefox 4, ¿qué dicir que nun sepas? 🙂
  • Banshee ye’l nuevu reproductor de música, con nueves tiendes de música.
  • LibreOffice.
  • Nuevu xestor de preferencies y del sistema, accesible dende un sólo menú.
  • ¡100% N’asturianu!

Puedes descargalu direutamente dende equí, equí por torrent,  entender qué ye Unity equí y los sos atayos equí.
Y remembrate que si nun te atreves a instalar, anovar o simplemente tienes duldes, taremos p’ayudate tol sábadu día 30 d’abril en FNAC (Parque Principáu).

El 30 d’abril na FNAC…

17 d'Abril de 2011

L’Asturianu, ente les 6 primeres llingües del mundu

15 d'Abril de 2011

La llingua asturiana acaba d’allugase ente les 6 llingües del mundu que tienen completada al 100% la traducción d’Ubuntu, per delantre de llingües y equipos tan importantes como’l Francés, Italianu, o Alemán.

A toos, gracies.

Enllaz a la fonte: equí

 

Presentación y Taller d’instalación d’Ubuntu 11.04 – 30 Abril en FNAC

9 d'Abril de 2011

A finales d’abril del 2011 apaecerá la nueva versión d’Ubuntu, 11.04, Natty Narwhal

El sábadu 30 d’abril, AsturLiNUX, MouseTrap (Alumnos EII), Ubuntu-ast y Softastur van facer una presentación na FNAC sobre Ubuntu.

Dende les 11:00 de la mañana, y a cada hora, van amosase les novedaes más importantes de la distribución y solventarán les tos duldes. Simultáneamente van facer un taller d’instalación d’Ubuntu 11.04, que consiste n’instalar Ubuntu nel to ordenador y enseñate a remanalu, too ello de baldre. Si yá tienes Ubuntu pues anovalu nel momentu.

Taller d'instalación Ubuntu 11.04

El programa previstu ye esti:

  • Presentación: Cada hora enseñaráse qué ye Ubuntu y les novedaes más importantes de la nueva versión 11.04.
  • Instalación (De 11:00 a 14:00 y 16:00 a 20:30): Instalación d’Ubuntu nel to ordenador y deprendimientu básicu, too ello totalmente de baldre. Si quies llevar el to ordenador pa instalar Ubuntu ye mui importante que sigas estos pasos.
  • Party (De 14:00 a 16:00): Si ta un día soleyeru diremos a dalgún parque cercanu a xintar. Nós ponemos la bebida y tú traes dalgo pa picar y compartimos la comida ente toos.

Si quies saber los motivos de por qué usar Ubuntu, calca equí.

Trucos Firefox 4 (2) – Menú compactu

2 d'Abril de 2011

Si quies algamar un restolador más compactu y qu’ocupe menos, puedes activar el prestosu menú compactu, pa ello calca col botón drechu nun sitiu vacíu de la barra de Firefox, y desactiva la opción de Barra de menús.


Agora yá verás daqué como esto 🙂