Yá ta disponible la versión 3.3.0 d’OpenOffice. Pel momentu namás ye la RC (release candidate), pero ye’l pasu previu a la versión oficial, que va llanzase nunos díes.

Esta versión trai nueves meyores nes aplicaciones, meyores traducciones, y bugs correxíos. Recordái que ta disponible en llingua Asturiana dende la versión 3.2.0

Pa los curiosos, tenéis qu’instalar primero el ficheru de la suite (n’inglés) y dempués instalar el de traducciones n’asturianu. Abrís Openoffice, vais a Tools, Opciones, Configuración de llingua, Llingües, y ehí escoyéis “Asturian”. Zarráis el programa y al abrilu yá tendréis too n’asturianu.

• Windows: suite ,  traducciones
• Ubuntu (32 bits): suite , traducciones
• Ubuntu (64 bits):  suite , traducciones
• Mac : suite , traducciones

Les instrucciones pa los .deb nel casu d’Ubuntu, tenéisles equí, recordái que ye la versión RC. La oficial saldrá nunos díes. 😉

Como siempre, si quies collaborar nel proyeutu, pues ponete en contautu cola xente que desendolca Openoffice, dende equí

Como yá sabréis, Edubuntu ye una distribución derivada d’Ubuntu empobinada a la educación. Probala ye tan fácil como instalar dende’l Centru de Software el paquete edubuntu-desktop (o ubuntu-edu-preschool, ubuntu-edu-primary, ubuntu-edu-secondary o ubuntu-edu-tertiary si se quier namái unu de los niveles).

Si nun se ta usando Ubuntu, pue descargase la imaxe iso d’un DVD que funciona en mou LiveDVD (puede arrancase dende’l DVD y nun camuda nin instala nada nel ordenador).

Pero espera, entá hai más. ¿Nun quies descargate un DVD sólo pa probar? ¡Ensin problema! L’Equipu d’Edubuntu presenta…

¡Edubuntu nuna sesión virtual en llinia! Esti enllaz va permitite probar de baldre Edubuntu durante dos hores, cola única condición de tener Java instalao nel to ordenador; da igual el sistema operativu qu’uses. L’únicu problema ye que namái pueden dar 10 conexones al mesmu tiempu… ten paciencia si nun consigues coneutate a la primera.

Más información nesti artículu de OMG! Ubuntu! o na web d’Edubuntu.

Anque hai una versión pa GNU/Linux en prebes d’esti albuertu de reproductor musical, namás que val pa versiones de pago… pero si quies usar una cuenta gratuita puedes facelo con wine…

Lo primero ye dir a “Aplicaciones/Centru de software d’Ubuntu” y nel caxellu de busca ponemos “Wine”… y calcamos n’instalar na primer opción que nos apaez

Agora vamos a “Aplicaciones/Wine/Configure wine”, la primer vez tardará un puquiñín, en cuantes abra vamos a “Audio” y calcamos en “Test Sound”, si sentís el soníu ye que yá ta configuráu calcáis “Apply” y llisto, si da un mensaxe d’error configuramos:

1. Marcamos la caxella “ALSA Driver” (esti “ALSA” nun tien que ver colos Cosmen)
2. Dientru de “DirectSound” marcamos “Hardware Acceleration” como “Emulation”
3. Dientru de “DirectSound” marcamos “Default Sample Rate” col valor “44.100”
4. Dientru de “DirectSound” marcamos “Default Bits Per Sample” col valor “16”

Quedaría finalmente como na imaxe que vien darréu (“Apply” depués de facer cambeos):

Lleer más »

Tivion ye ún d’esos programes que presta tener. Con Tivion, podemos ver más de 200 canales de TV y escuchar más de 440 estaciones de radio vía streaming. Too esto, gracies a Angel Guzmán Maeso (Shakaran), que fai posible que lu esfrutemos.

¿Cómo s’instala?

(Lucid Lynx) La versión curtia, ye que descargues el ficheru .deb correspondiente, que ye ésti (pa i386) o ésti (pa amd 64)

Una vegada descargáu, faes doble click y a instalar! El llanzador alcontraráslu en Aplicaciones–>Internet–>Tivion

Notes:

Si tienes otres versiones, hardy, jaunty, karmic, intrepid o nun te descarga’l ficheru .deb que punximos arriba porque yá esiste una nueva versión, entós vete a la seición de descargues de Tivion , y escueyi ente les versiones disponibles la que correspuenda a la tuya d’Ubuntu. (exemplu con karmic)

namás tienes que desplegar na to versión, y escoyer el ficheru .deb correspondiente (según si tienes amd ó i386), descargalu, y facer doble click.

Nel momentu de facese esti artículu, entá nun esistía’l .deb correspondiente pa Ubuntu Maverick 10.10

Fechu con Blender, Synfig, Openshot y ubuntu 10.10 maverick meerkat

Les compañíes importantes, tienen por vezu inorar a los sos oponentes cuando estos son pequeños. Una especie de: “Pa qué vamos falar d’ellos cuando nun pueden facenos un res: eso ye da-yos importancia y notoriedá cuando nun la tienen” .

Pero cuando l’oponente yá nun ye pequeñu y significa una amenaza, empiecen los ataques y arrebexos. Les mentires (o medies verdaes), son claves nesti procesu, denomáu FUD (n’inglés Fear, Uncertainty and Doubt, n’asturianu medrana, incertidume y dubia )

El Software llibre, nun tien mentires nin medies verdaes. Cenciellamente, ye tresparente y por eso nun s’engaña a naide. Cuando una compañía o UN GOBIERNU ataca al Software llibre, ye porque tien-y llercia, y entós ye cuando se saquen a los perros a lladrar, p’axorizar al personal.

Na cuenta de YouTube de Microsoft Office, acaben de xubir esti videu atacando a OpenOffice. Onde otros ven una ofiensa, yo veo MUI bones noticies. Esto namás se desplica porque Microsoft y los sos productos, faen más agües que’l Titanic, y claro, l’agua ta frío y mete mieu pa la cabeza 😀

Con 10 años d’esistencia, los nuesos vecinos galegos integrantes de Proxecto Trasno, persaben toles dificultaes qu’esisten nesta xera que nos ocupa: la traducción de Software a la nuesa llingua. Enfrentase a nuevos términos,… adautalos (si cabe) a la llingua,.. llocalizaciones, bugs (millones de bugs), anovamientos, revisiones, test-cases, más revisiones, QA’s, forks, llistes de corréu, discusiones-alderiques, coordinación, feches llímite a cumplir nos upstreams. Una braera llocura. Lo mesmo que Softcatalà (en Catalunya) y Proxecto Trasno (en Galicia), Softastur percuerre les mesmes siendes, y too pa construyir dalgo que creemos importante pal futuru de la nuesa llingua y de los nuesos fíos. Cola ayuda de toos y toes, tamos consiguiéndolo.

Gracies.

Curiosa la noticia que se ve nel videu nel segundu 23…

Tornes d'Ubuntu 10.10

¡Faltó poco pal 10 perfeutu!

Fueron los collacios eslovenos los qu’algamaron quedar nel décimu llugar del mundu pol númberu de tornes de los programes básicos d’Ubuntu 10.10 (fai 6 meses taben nel puestu 24)

Pola nuesa parte, namái llegamos al 12ᵁ llugar del mundu (tábemos xusto detrás de los eslovenos, nel puestu 25); a ver si pa la siguiente llegamos al 11ᵁ 😉

Les estadístiques tan equí.

Non, nun ye 28 d’avientu, la noticia va en serio. Microsoft llanzó la mayor reparación de seguridá de la so hestoria, incluyíos los axustes al so sistema operativu Windows y al restolador web. La compañía, tamién aclaró que va iguar otres debilidaes de seguridá menos series en Windows, xunto con problemas nel so software Office…., bla, bla, bla…., pa facer más seguru’l sistema, …bla, bla, bla.

30 años colo mesmo, y entá nun espabilaron… 😀 Nun sé vosotros, pero yo la única manera que conozo de que nun t’ataquen los virus, ye nun usar Windows.

La única solución, ye esta:

[vía: LVA]

Güei, 13 d’ochobre cúmplese’l décimu aniversariu del llanzamientu d’OpenOffice, la suite ofimática llibre. Anguaño, soplen nuevos vientos de llibertá, de la mano de Document Foundation y el so proyeutu LibreOffice, del que yá falaremos. De toes formes, gracies OpenOffice, por tolo fecho y gracies Sun pol compromisu col software llibre.