Acabo ver na rede un tweet que me llamó muncho l’atención. Dicía:

“¿Twitter n’asturianu? píde-yoslo nesti formulariu http://acurti.es/72n #ast ISO-639-2-AST“. (Realmente, el tweet dicía ISO-639-3… pero equí corríxolo pa nun siguir cola confusión)

Prestóme muncho’l tuit, de verdá. Munchísimo. Pero agora vais entrugame:

– ¿Tu a favor de Twitter n’asturianu?. Pero si ye privativu!!

– Pues si, coño. ¿Qué tendrá que ver que me preste’l software llibre pa que lo quiera too en llingua asturiana, tanto lo llibre como lo privativo?. Yo quiero n’asturianu tanto los ingredientes del choped, como les instrucciones del microondes, como’l bandu’l pueblu. Lo que pasa ye que hai que tener los pies nel suelu, y si too tuviere na nuesa llingua, como pasa en Catalunya o Euskadi, yá diba dicivos yo cómo escoyer lo meyor: y lo meyor siempre ye’l software llibre.

Pues como dicía… esi tuit fai un llamamientu a tolos asturfalantes pa que la presencia del asturianu na rede seya cada vegada mayor. Sinceramente, dubio que los de Twitter vayan ceder y/o considerar poner Twitter n’asturianu, pero dalgo ye dalgo, y a ver si la iniciativa da frutos. Mientres tantu, l’asturianu na rede va faciéndose un sitiu pasu ente pasu, y eso ye siempre bona noticia.

Agora mesmo, nun tenemos Twitter n’asturianu, pero sí una rede social con integración nel twitter: Ximielga.me . Ye un bon entamu, ye software llibre, y dempués d’un añu, yá cuenta con 2.000 soscripciones. Si nun tuviésemos nada, taríemos quexándonos…

Pero non too acaba equí, tamién tenemos otres opciones en cuantu a Redes Sociales: Gwibber. Un cliente pa Twitter percenciellu. Ye’l que yo uso, y sí: ye llibre, y n’asturianu. Toma esa!! 😀

Non sólo val pa Twitter, sinón tamién sirve pa Identi.ca, Facebook, Flickr, Digg, Qaiku, Buzz y Friendfeed. Y too, na to llingua.

¿Ye necesario too esto? Sí. Y entá ye poco. Queremos muncho más. Querémoslo too. La Sociedá Civil n’Asturies fai muncho más pola llingua que la clase política que nos gobierna, con MubAreces a la cabeza. Ye por eso qu’esta mena de llamamientos son deseables, y necesarios, y el puxu de toos a la llarga, dará’l resultáu merecíu…… pero mientres tantu, facéivos ver y que vos vean usando ferramientes na vuesa llingua: usái Gwibber

….. da-yos un ZAS! en tola boca.

Nun ye que en Tapaponga nun queramos que los asturianos tengan Windows na so llingua. Cenciellamente, lo que pensamos ye que ye un mal sistema operativu, y amás, les práctiques de les empreses nun son étiques pa col usuariu.

Ta claro, ¿non?

Paez que la empresa que fai pasteles, non sólo nun te la da, sinón que l’etiquetáu niégase a ponelu na to llingua.

Les compañíes importantes, tienen por vezu inorar a los sos oponentes cuando estos son pequeños. Una especie de: “Pa qué vamos falar d’ellos cuando nun pueden facenos un res: eso ye da-yos importancia y notoriedá cuando nun la tienen” .

Pero cuando l’oponente yá nun ye pequeñu y significa una amenaza, empiecen los ataques y arrebexos. Les mentires (o medies verdaes), son claves nesti procesu, denomáu FUD (n’inglés Fear, Uncertainty and Doubt, n’asturianu medrana, incertidume y dubia )

El Software llibre, nun tien mentires nin medies verdaes. Cenciellamente, ye tresparente y por eso nun s’engaña a naide. Cuando una compañía o UN GOBIERNU ataca al Software llibre, ye porque tien-y llercia, y entós ye cuando se saquen a los perros a lladrar, p’axorizar al personal.

Na cuenta de YouTube de Microsoft Office, acaben de xubir esti videu atacando a OpenOffice. Onde otros ven una ofiensa, yo veo MUI bones noticies. Esto namás se desplica porque Microsoft y los sos productos, faen más agües que’l Titanic, y claro, l’agua ta frío y mete mieu pa la cabeza 😀

Del sitiu web de Alistair Cockburn:

I promise not to exclude from consideration any idea based on its source, but to consider ideas across schools and heritages in order to find the ones that best suit the current situation.

私は、現在の状況に一番適したアイディアを探すために、どんなアイディアもその発信元によって排除することなく、流派や派閥(schools and heritages)を超えて議論することを約束する。

Eu prometo não desconsiderar nenhuma ideia baseada na sua origem, mas considerar ideias vindas de todas as escolas e tradições, com o objetivo de encontrar aquelas que melhor se encaixem em cada situação.

אני מבטיח לא לדחות אף רעיון על פי מקורו, אלא לבחון רעיונות לרוחב סקלות ומורשות שונות על מנת למצוא את אלו המתאימים ביותר למצב הנוכחי

اتعهد بعدم استبعاد أي فكرة من النظر على أساس مصدرها ، و النظر في الأفكار من المدارس الأخرى و الخبرات السابقة من أجل العثور على تلك التي تناسب الوضع الراهن.

Je promet de n’exclure aucune idée sur la base de sa source mais de donner toute la considération nécessaire aux idées de toutes les écoles ou lignes de pensées afin de trouver celle qui est la mieux adaptée à une situation donnée.

Eid der Nicht-Treuepflicht: Ich verspreche, eine Idee nie nur aufgrund Ihrer Herkunft zu verwerfen, sondern Ideen aus jeder Denkschule und Kultur in Erwägung zu ziehen, um die beste Lösung für die aktuelle Situation zu finden.

Prometo no excluir de consideración ninguna idea en base a su origen, sino considerarlas todas sin importar la escuela o la línea de pensamiento de donde provengan, para encontrar aquellas que mejor se ajusten una situación específica.

«Prometo nun dexar de considerar idea denguna basandome nel so orixe, sinón considerar idees de toles escueles y tradiciones, col envís d’alcontrar les que meyor s’axusten a cada situación».

Acabo de lleelo via Planet y prestóme.

Edición 14 Setiembre 2010: Firefox ya ta n’asturianu oficialmente pa tolos sistemes operativos 😉 + info.

dalguna vegada t’entrugaste:

“… y eso de la Comunidá del Software llibre, ¿Cómo ye? ¿Cómo funciona? ¿Quién son esa xente?”

Esa xente, son xente como TÚ , hai desendolcadores, traductores, xente que documenta, probadores… y agora tienes oportunidá de ser un probador (betatester). Agora puedes facer daqué POLA TO LLINGUA, porque:

Necesítase tanta xente como se pueda. Vamos demostra-yos que la nuesa llingua tien abonda xente interesao nella. Tanto si uses Windows, como si uses Linux o Mac, NECESITÁMOSTE. Simplemente, PRUÉBALU, INSTÁLANDOLU nel to sistema operativu.

Equí tienes cómo facelo:

• WINDOWS: Descarga esti ficheru, ya instálalu
• UBUNTU: Descarga esti ficheru, descomprímelu, y executa’l ficheru de la carpeta denomáu “firefox“.
• MAC: Descarga esti ficheru, ya instálalu

Nos trés sistemes, dempués d’instalalu o executalu, verás que’l nome nun ye Firefox, sinón Namoroka. Nun t’esmolezas: esi ye’l nome en códigu que s’usa nes versiones avanzaes 3.6.x de Firefox. Esfruta de la esperiencia, y si atopes daqué raro (tornes males, diálogos nos que nun caben los botones o testos…) ponte en contautu con nos equí, pa igüalo de secute. Esa ye la to xera, probalu y atopar posibles fallos, la nuesa xera ye que tengas aína Firefox n’asturianu 😀

..y enxamás s’equivoca

Ésti ye l’artículu nᵁ 555 de Tapaponga. Yá son unos cuantos, eh? Gracies por visitar esti blogue, fechu pa xente llibre.

P.D. Si nun uses Software llibre, yá sabes la rima: cinco, cinco, cinco… 😀 😀 😀

Artículu orixinal en González y González

Cuando falamos de Software Llibre frente al privativu tendemos a facer comparances téuniques, si Winbug$ ye una ponzoña, que si Mac O$ X ye mui “cool”, que si GNU ye o non dificil de remanar… pero solemos dexar de lláu (paezme que cada vez más) el sentíu éticu/ideolóxicu del movimientu.

Y ye precisamente esti aspeutu, al mio entender, l’interesante del Software Llibre, “ye qu’en Windows puedo xugar al Sims” ¿pero a qué preciu?, cuido que  ye importantísimu pal desenrrollu d’una sociedá crear una cultura del conocimientu y esto incluye  a la teunoloxía. Una vegada sentí a una moza dicir que “El software privativu ye a la sociedá del conocimientu, como el patriarcáu a la sociedá igualitaria”, y cuido que nun puede tar más acertada. El software privativu atesora el conocimientu y restrinxe les llibertaes de compartilu, d’estudialu y ameyoralu. Agora imaxina que’l inventor de la fabada nun compartiere la forma de preparala, y te prohibiere compartila col vecín porque namás que tienes permisu a tastiala, pero la fabada ye namái que del inventor y tú nun puedes modificala (adiós a les fabes con amasueles). Suena rídiculo ¿verdá? pues esto ye lo que pasa col software privativu.

Nun tamos falando de que quien desendolque software nun cobre por ello, sinon de que nun torgue l’accesu a “la receta”, a compartilu. El propiu Richard Stallman vivió de mercar copies d’Emacs.

Por eso anque téunicamente un software privativu seya meyor qu’ún llibre hai de refugar el so usu, porque falamos de llibertá y cuido que’l principiu de la llibertá ta (o debería tar) perriba la téunica.

Esti aspeutu de la llibertá ye mui claru con proyeutos de llocalización como l’asturianu, el tener accesu a una teunoloxía llibre permítenos modificala pa usala na llingua que nos pete. Hai unos meses coincidimos dalgunos miembros de Softastur con una académica de la Llingua, y mientres esplicávemos les distintes funcionalidaes d’Ubuntu interrumpiónos diciendo: “Nun me vender la moto, como si ye peor que lo que tengo, si ta n’asturianu ye lo que tengo d’usar por principios”, esti mesmu principiu éticu ye comparable al del Software Llibre. Tengo d’usalu porque ye éticu, y non porque seya meyor y/o de baldre.

Cuando falamos de Software Llibre falamos de sostenibilidá de verdá, munchos paises con pocos recursos tan consiguiendo informatizase y frayar la famosa “brecha dixital” gracies al Software Llibre, y ye que quiciabes esti movimientu -que xurde nos paises del primer mundu, principalmente colos proyeutos GNU n’EE.XX y Linux en Finlandia-, suponga la mayor tresferencia de propiedá intelectual de los grandes paises industrializaos al tercer mundu.

Otru aspeutu importante ye que nel Software Llibre munchos proyeutos apuesten por plataformes obsoletes (pa dalgunos) y minoritaries, colo que la llibertá yá nun ta namái que nel software, sinon nel hardware. Por poner un exemplu, toi escribiendo esti artículu dende un equipu que nun tien recursos suficientes pa correr Windows XP, esto implicaría que va años que o desfacíame d’él (normalmente pa la basura) o taría usando un Windows 98 ensin soporte nin aplicaciones nueves… pero gracies al Software Llibre (concretamente a Debian GNU/Linux) tengo un entornu  de trabayu agradable y modernu, puede que nun tenga “sombres espectaculares” nos iconos del escritoriu, pero puedo vivir ensin elles…

El poder estirar la vida de los equipos d’esta forma (aparte del aforru económicu) supón un amenorgue considerable de la basura que xeneramos, si tas a la escontra de que nos llanten una incineradora de basura n’Asturies… Software Llibre… ;P

Si esti sistema de reutilización (reutiliza enantes de reciclar) treslladamoslu a l’Alministración y organismos públicos, falamos de munchos millones d’euros… igual los suficientes como pa nun tener que facer recortes sociales nin a trabayadores, y nun ye una grandonada mia: La propia Microsoft, fala de que’l so volume de negociu n’España ye de 3.600 millones d’€uros, el principal cliente de Microsoft n’España ye l’Estáu y les comunidaes autónomes (sacante esceiciones como Extremadura y Andalucia), que pa comparar destinen un total de 3.209 millones a la educación… y con esto falamos namás que de software y non de tol hardware qu’hai que cambiar pa que pueda mover Windows 7…

Si crees que’l conocimientu tien de compartise pa progresar y ser una sociedá innovadora, si quies vivir n’asturianu, si yes verde o si te da perceguera’l consumismu nel que nos quieren meter les grandes multinacionales, usa Software Llibre, porque ye éticu.

Déxovos un videu d’una conferencia de Richard Stallman onde esplica los conceptos éticos del Software Llibre (castellanu):