Más de 70.000 maquines d’escritoriu son les que van dicir adios a Windows XP p’adoptar Ubuntu como sistema operativu na Xendarmería francesa.

En 2005 la policia francesa entamó a sustituir la suite ofimática Microsoft Office por Open Office, en 2006 entamaron a usar Firefox y Thunderbird, ante la bona acoyida por parte del funcionariáu francés, finalmente entamen cola última fase del proyeutu que llevará a la sustitución del sistema operativu de más de 70.000 terminales.

Les principales razones daes pola Xendarmería son el non depender del desarrollu d’una empresa privada y la seguridá que supón disponer del códigu fonte, anque quiciabes seya importante l’aforru económicu que supón pasar de 13.000 llicencies mercaes en 2004 a les 27 previstes pa 2008.

La Xendarmería conviertese na entidá pública más grande que migra de sistemes privativos a llibres en tol Mundu.

Esti artículu espublizóse'l 31 de Xineru de 2008 a les 31 de Xineru de 2008 y ta guardáu en Ensin categoría. Etiquetes: Noticies.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.