Ablucanteeeeee :P
https://www.youtube.com/watch?v=_ImW0-MgR8I
Namás istalar Ubuntu 7.10, siempre podemos personalizalu abondo a les nuestres preferencies.
Una de les facetes más atractives y visibles d’esta versión ye que tien activau por defectu Compiz Fusion.
¿Qué implica esto? Que veas efectos d’escritoriu perguapos y impactantes (ventanes xelatinoses, zoom a la ventana, fueu, etc) :O
Pa modificalu vas al menú System / Preferences / Appearance
Ehí vamos a la cabera pestaña y tenemos les opciones d’Efectos Visuales 😉
Podemos escoyer ente Nengún (Como Windows), Normal (Por defectu) y Estra.
Pero nun podemos facer una personalización total de Compiz, ye dicir, si quiero la configuración Normal, pero añadiendo-y les ventanes xelatinoses, nun podemos a priori :S
¿Que facer p’algamar tal personalización? Fácil, simplemente istalar el paquete compizconfig-settings-manager.
Pa ello vamos al menú principal d’Ubuntu: System / Administration / Synaptic Package Manager
Tras introducir la clave d’alministrador, buscamos el paquete
y selecionámoslu calcando nel checkbox y escoyemos nel menú contestual “Mark for installation”.
Si nun lu tenemos ya istalau, diznos que tenemos qu’istalar tamién el paquete python-compizconfig.
Damos-y al botón “Mark” y finamos dando-y al botón “Apply”.
Una vez que fine, si vamos de nuevo al menú System / Preferences / Appearance; pestaña Efectos Visuales, salnos un elementu más a escoyer calcando nel radiobutton “Custom” y dando-y al botón “Preferences”.
Ya nos sal la ventana onde personalizar y camudar tolos efectos d’escritoriu 😀
Pa les tecles abrevíaes vamos a la pestaña “Action” de cada efectu, y podemos veles o camudales, sabiendo que la tecla nomada “Super” ye la tecla de Windows del teclau.
Per interesantes efectos como los siguientes:
Zoom al escritoriu: Windows calcada + Rueda del mur arriba / abaxo
Ver tolos escritorios: Windows + E
Camudar aplicación: Windows + Tabulador
Apartar ventana: Mur nuna esquina d’una ventana masimizada y arrastrar
A disfrutalo! pero con cuidau… :O si vuelves a Windows ya na volverá a ser igual… comparao cola ventana xelatinosa 😛
2 de Febreru, 2008 - 01:14
Meti un videu pa que los que nun tengan Ubuntu vean les posibilidaes, anque personalmente nun me presten esos adornos, soi más austeru…
3 de Febreru, 2008 - 05:25
Hola ho….
You tengu el Ubuntu 7.10 ya veime cumu dios…..lo que pasa que caro pal potoshop Flash ya dalgunos EXE pues tengu que tirar de XP(tengo los dos eh col arranque GRUB)…..
Ois tu nun sabras de quien ia la cancion esa que sona nel videu???
Ah los efeutos 3D a mi nin de coña…probei de tou peru pareme que ia la mia grafia ATI 2900 me parez ya nun hai manera…de toas maneras ta claru que ia 632645634 veces meyor que mocosoft¡¡
Salú
3 de Febreru, 2008 - 16:17
Pos yo non uso windows, pero casique toles aplicaciones tienen sustitutu llibre, sacante la composición de video o determinaes aplicaciones mui especializaes que necesito arrancar en macos. En cuenta de Photoshop probaste Gimp. Puedes facer lo mesmu que con photoshop, pal flash hai dellos proyeutos pero entá funcionen en fase alpha anque si ye namás pa facer animaciones vectoriales ktoon ta mui bien.
En cuantes al 3D si tienes ati tienes drivers privativos que puedes instalar en linux (lo mesmo que les nvidia). Yo tengo una gforce del pleistocenu y blender va como un tiru.
En lo que dices de los exe, nun se que aplicaciones necesites, pero ya te digo que cuasi toes tienen sustitutu y en casu estremu siempre tienes Wine y ya si la cosa ye peor, si tienes llicencia de windows, puede facer una máquina vitrtual y instalalo dientro d’Ubuntu, asi nun ties falta de andar reiniciando…
La canción ye deManau.
3 de Febreru, 2008 - 16:34
Hola Miguel Anxel.
El canciu ye Mais qui est La Belette del grupu Manau.
El fondu d’escritoriu realmente ye perguapu:
Pa la to tarxeta gráfica parez que tienes qu’istalar los drivers que lliberó fae poco ATI:
Un saludu 😉
Marquinos