¿Dalguna vegada t’entrugaste cuántos navegadores web esisten en llingua asturiana?

¿Uno? … non

¿¿¿Dos??????  …tampoco.

Si queremos personalizar la pantalla d’aniciu n’Ubuntu 11.10, con una imaxe personalizada o un logo, vamos tener qu’usar esta pequeña aplicación, fecha por Claudio de ubuntued.info

Pa instalala, namás abrimos un terminal y escribimos estes dos llinies:
sudo apt-add-repository ppa:claudiocn/slm
sudo apt-get update && sudo apt-get install simple-lightdm-manager
Y arreando 😀

P.D. Por ciertu, ta n’inglés, pero esto ye software llibre. Si daquién s’anima, ponévos en contautu col creador de l’aplicación

Yá ta equí la nueva versión de LibreOffice. Pa instalala, si tienes Ubuntu 11.04 ó Ubuntu 11.10 namás tendrás qu’esperar unos díes a qu’Ubuntu la incluya nos anovamientos. (Tamién pues amestar el PPA correspondiente. Si nun t’aguantes y quies facelo yá, déxanos un mensaxe nos comentarios)

Lleer más »

Amiesta’l correutor ortográficu d’asturianu nel navegador Firefox. Cenciellamente, ve a la páxina:

https://addons.mozilla.org/es-ES/firefox/addon/Correutor_asturianu/

y fai clic nel botón ‘Añadir a Firefox’

Sigui los pasos, y aceuta la instalación. Igual te diz que tienes que reaniciar Firefox y que l’autor nun ta verificáu…etc, etc. Aceuta de toes formes. El correutor ye, como se diz más abaxo na páxina:

Asturian spellchecking dictionary
Extension made for Softastur based in Hunspell software.
By Xesús González Rato, Xandru Armesto and Xandru Martino Ruz.
Based on Normative Asturian Academy of Language’s Dictionary (DALLA) on 2000.

Equí una semeya de cómo funciona. Fai clic na imaxe p’agrandar :

Ún más na familia..

.

Si cuando unvies un mensaxe con Evolution te da un “fallu” como esti:

Tranquilu, nun t’azores…. 😀 Como diz l’avisu, el mensaxe unvióse correutamente. El problema ye que nun se guardó onde tien que guardase. Pa solucionalo, talo y como dicen en GNOME , ye tan cenciello como dicir a Evolution ónde quies que se guarden los mensaxes qu’unvies.

Pa ello, vete a:

– Editar–> Preferencies–> Cuentes de corréu

– Agora fai clic nuna cuenta (si tienes más d’una, tendrás que repetilo con cada una d’elles)

– Clic en “Editar“. Abriráse una ventana. Vete a la llingüeta que diz “Predeterminaos“.

– Clic onde diz: “Carpeta de Mensaxes Unviaos“. Y ehí escueyes la carpeta que quies. Lo más lóxico ye qu’escueyas la carpeta “Unvios Fechos“. ( Pero pues elexir cualquier otra; hai xente raro en tolos llaos)

– Zarramos too, y pista.

Como dixi, si tienes más d’una cuenta, tendrás que repetilo con cada una d’elles.

Hai unos díes yá esplicábamos que la llingua asturiana ta ente les primeres d’Ubuntu pol númberu de mensaxes traducíos.

Güei quería escribir de la sensación d’entrar nesta páxina y alcontrame colo que se ve na imaxe:

L’asturianu, una llingua más del mundu; una llingua viva ente llingües vives. Hai coses que nun hai perres que les paguen.

Sicasí entá queda muncha xera por facer. Si quies y te sobren dellos minutos al día, echa un gabitu coles traducciones en Translatewiki. Allí se traducen, por exemplu, Mediawiki (el software que mueve la Uiquipedia) o la interfaz d’OpenStreetMap. El formatu de les traducciones ye enforma cenciellu; pero si tienes duldes pues entruganos pola manera de facelo.

Y si alcuentres dalgún fallu coles traducciones (que los hai abondo), yá sabes a quién echar la culpa y, entá meyor, ónde se corrixen.

Equí, un blogue perprestosu de toles coses que podéis facer pa personalizar el vuesu Ubuntu 11.10

Repetir equí tolos trucos qu’ehí se dicen, ye una fatada y una perda de tiempu, porque desplíquenvoslo de mou inmeyorable. Eso sí, tenéislu en castellán. Primíi na imaxe pa dir direutamente al blogue.

Otra de les coses que pues querer configurar al instalar Oneiric, ye l’allugamientu del globu de notificaciones. Esi nel que te salen los mensaxes de la xente de Twitter. Si te presta que salga más arriba, llei primero ésti artículu, que trataba’l mesmu tema pa Ubuntu 10.10, porque trátase de facer lo mesmo.

Pues bien, pa facer esto mesmo en Ubuntu 11.10, abri una terminal y escribi:

sudo add-apt-repository ppa:leolik/leolik
sudo apt-get update
sudo apt-get upgrade
sudo apt-get install libnotify-bin notify-osd

Y agora instalamos la interfaz gráfica pa facer los cambeos.

sudo add-apt-repository ppa:nilarimogard/webupd8
sudo apt-get update
sudo apt-get install notifyosdconfig

Fecho esto, vas al Dash, y executes el NotifyOSD, apaecerá esta pantalla, y déxesla colos mesmos valores de la imaxe:

Calques en “Apply”, y Pista. 😀

Hai xente a la que nun-y presta Unity. Con tanta caxigalina y xirigoncia nun acaba de convencer esti escritoriu. Pue tar mui bien pa Equipos Personales, TeleCentros, Biblioteques,.. etc Pero necesitaría un toque daqué más seriu si quixéremos usalu nuna empresa, o n’Alministración, por exemplu. Vamos, que yo soi d’escritorios serios…  Nun sé cómu me da, que nun va quedame otra qu’adautame, pero mientres pueda, nun voi renunciar a los mios menús 😀 Esti post, ye tocante a cómo instalar un indicador de menú clásicu. (Clic na imaxe p’agrandar)

Dende una terminal escribimos:
sudo add-apt-repository ppa:diesch/testing
sudo apt-get update
sudo apt-get install classicmenu-indicator
Y pista. D’esti mou tendremos el nuesu escritoriu más funcional.

Tien d’apaecer na barra d’arriba. Si nun lu veis, zarráis sesión y volvéis a entrar 😉