«
»

Allugando la caxa de notificaciones nel so sitiu

La caxa de notificaciones d’Ubuntu, (el globu que nos avisa de los correos entrantes, la conexón de rede, el soníu, los tweets que nos unvien, etc…) fai tiempu que s’alluga más abaxo d’onde tendría que tar, y la xente sigui ensin desplicase cuál ye la razón, si ye que la tenía….. Nun tenía xacíu que’l primer globu del mensaxe s’allugare ehí, porque cuando coinciden 2 globos ocupen la primer y segunda posición respeutivamente. El casu ye que cambiar esto ye bien cenciello. Abrimos terminal y amestamos los repositorios:

sudo add-apt-repository ppa:gilir/updates

y dempués, anovamos:

sudo apt-get update && sudo apt-get upgrade

Fecho. Con esto, acabamos de pasar d’esto:

a esto:

Visto en: http://www.gnulinux.cat/

Esti artículu espublizóse'l 5 de Payares de 2010 a les 5 de Payares de 2010 y ta guardáu en Maverick, Noticies, Trucos.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

4 comentarios al rodiu de “Allugando la caxa de notificaciones nel so sitiu”

  1. marquinos diz:
    6 de Payares, 2010 - 10:11

    Uhm… Parezme que ye correuta la posición que tenía.
    Dalguna vegada lleí dalgo rellacionao colos desplegables del panel superior.

  2. astur diz:
    6 de Payares, 2010 - 11:34

    Cualquier desplegable de la parte d’arriba “monta” per enriba del globu de notificaciones, tea esti nel primer sitiu (arriba) o nel segundu (más abaxo). De toes formes, ye como vien agora nos repositorios, y a mí sinceramente préstame más asina.

    (Paezme que tendría xacíu cuando los botones zarrar, maximizar, restaurar ventana, taben allugaos a mandrecha. Pero dende Jaunty, y pue que en Karmic tamién, yá vienen a manzorga, colo que yá nun molesta)

  3. marquinos diz:
    6 de Payares, 2010 - 18:49

    Uhm… Parezme remembrar que depende de la importancia de la notificación.
    Por exemplu, les de sistema (soníu, brillu…) salen arriba.
    Y messenger y demás más abaxo.

  4. astur diz:
    6 de Payares, 2010 - 19:15

    D’esti mou ta meyor. El primer mensaxe, seya el que seya, sal arriba, y si amás, hai otru mensaxe, sal per debaxo,ensin mirar importancies.