Hai xente a la que nun-y presta Unity. Con tanta caxigalina y xirigoncia nun acaba de convencer esti escritoriu. Pue tar mui bien pa Equipos Personales, TeleCentros, Biblioteques,.. etc Pero necesitaría un toque daqué más seriu si quixéremos usalu nuna empresa, o n’Alministración, por exemplu. Vamos, que yo soi d’escritorios serios…  Nun sé cómu me da, que nun va quedame otra qu’adautame, pero mientres pueda, nun voi renunciar a los mios menús 😀 Esti post, ye tocante a cómo instalar un indicador de menú clásicu. (Clic na imaxe p’agrandar)

Dende una terminal escribimos:
sudo add-apt-repository ppa:diesch/testing
sudo apt-get update
sudo apt-get install classicmenu-indicator
Y pista. D’esti mou tendremos el nuesu escritoriu más funcional.

Tien d’apaecer na barra d’arriba. Si nun lu veis, zarráis sesión y volvéis a entrar 😉

Esti artículu espublizóse'l 27 d'Ochobre de 2011 a les 27 d'Ochobre de 2011 y ta guardáu en Oneiric, Trucos, Tutoriales, Ubuntu.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.