«
»

Collabora con nós probando Firefox

Edición 14 Setiembre 2010: Firefox ya ta n’asturianu oficialmente pa tolos sistemes operativos 😉 + info.

dalguna vegada t’entrugaste:

“… y eso de la Comunidá del Software llibre, ¿Cómo ye? ¿Cómo funciona? ¿Quién son esa xente?”

Esa xente, son xente como TÚ , hai desendolcadores, traductores, xente que documenta, probadores… y agora tienes oportunidá de ser un probador (betatester). Agora puedes facer daqué POLA TO LLINGUA, porque:

Necesítase tanta xente como se pueda. Vamos demostra-yos que la nuesa llingua tien abonda xente interesao nella. Tanto si uses Windows, como si uses Linux o Mac, NECESITÁMOSTE. Simplemente, PRUÉBALU, INSTÁLANDOLU nel to sistema operativu.

Equí tienes cómo facelo:

  • WINDOWS: Descarga esti ficheru, ya instálalu
  • UBUNTU: Descarga esti ficheru, descomprímelu, y executa’l ficheru de la carpeta denomáu “firefox“.
  • MAC: Descarga esti ficheru, ya instálalu

Nos trés sistemes, dempués d’instalalu o executalu, verás que’l nome nun ye Firefox, sinón Namoroka. Nun t’esmolezas: esi ye’l nome en códigu que s’usa nes versiones avanzaes 3.6.x de Firefox. Esfruta de la esperiencia, y si atopes daqué raro (tornes males, diálogos nos que nun caben los botones o testos…) ponte en contautu con nos equí, pa igüalo de secute. Esa ye la to xera, probalu y atopar posibles fallos, la nuesa xera ye que tengas aína Firefox n’asturianu 😀

Esti artículu espublizóse'l 16 d'Agostu de 2010 a les 16 d'Agostu de 2010 y ta guardáu en Ética, Firefox, Noticies.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

3 comentarios al rodiu de “Collabora con nós probando Firefox”

  1. marquinos diz:
    16 de Agostu, 2010 - 21:00

    ¡¡Perbona la imaxe!! 😀

  2. nomenon diz:
    17 de Agostu, 2010 - 16:34

    Bones xente. Toi intentando instalalu, pero llego a un sitiu onde me pide:
    Name (optional):
    Email (optional):
    Product:
    Summary:
    Detailed Feedback: Asturian lenguage
    Humanness Check:

    Que ye esto?? Yo d’ingles na de ná. Y prestbame instalalo. Ye mas, queria convidar a unos collacios a que s’apuntaran a la esperiencia, pero teneis que tener en cuenta que la mayor parte la xente necesita les coses masticaes. Lo que pa vosotros ye faer cuatro coses de lo mal elementales pa la mayor parte los usuarios de la rede non. Asina que si podeis apurrir unes istruciones pa torpes meyor pa meyor. De xuru qu’asina llegais a mas xente. Gracies.

  3. Astur diz:
    17 de Agostu, 2010 - 17:00

    Pa nomenon:

    amigu, Ficístelo too bien, pero agora namás tienes que zarrar esa ventana ó abrir google!!!

    Lo que tas viendo, ye’l formulariu de la páxina d’aniciu de MOZILLA 😀 😀

    O seya, esto: —> http://acurti.es/WVh

    Simplemente, pa dir a la páxina de google, escribi na barra d’arriba: http://www.google.com