Tengo un scanner mui vieyu, tanto que ye d’una casa que lleva años ensin vender scanners. Conseguilu va unos 9 o 10 años al travies de KDJER. La verdá ye que toi contentu, fae el so trabayu y, pa les mis necesidaes, bastante bien.

Esti tipu de equipos, anque detectalos Ubuntu perfeutamente, necesiten un firmware pa funcionar, y pa eso vamos usar los drivers de windows 98. Necesitamos entos el cd orxinal colos drivers, o podemos baxalos dende la web d’Agfa.

Pa poder sacar el firmware necesitamos instalar wine usando Synaptic o escribiendo na terminal:

$ sudo aptitude install wine

Cuando tengamos instalao wine vamos a Aplicaciones>>Wine>>Configure Wine y na opción “Windows version” marcamos “Windows 98” aceptamos y instalamos los drivers en wine, a min valiome con calcar “Aceptar” en tolos pasos.

Agora vamos a Aplicaciones>>Wine>>Browse C:\ Drive y nel direutoriu Program Files/Agfa/ScanWise 2_00 copiamos el firmware, que n’esti casu ye SnapScan 1212U_2.bin, y lo pegamos nun direutoriu accesible por Ubuntu. Nel mio casu metilu nel mio direutoriu personal y renombrelu a .SnapScan_1212U_2.bin (al poner un puntín delantre el ficheru será ocultu).

Agora vamos quitar mierda del discu,  Aplicaciones>>Wine>>Uninstall Wine Software marcamos Agfa ScanWise 2.00 y calcamos Unistall.

Agora ye cuando tenemos que dicir a Sane onde ta’l firmware del nuesu scanner. Sane ye’l software col que vamos scannear n’Ubuntu, y vien instalao por defeutu, si non ye asina:

$ sudo aptitude install xsane

Abrimos una terminal y editamos el ficheru /etc/sane.d/snapscan.conf

$ sudo gedit /etc/sane.d/snapscan.conf

y na quinta llinea, editamos

firmware /home/usuariu/.SnapScan_1212U_2.bin

Guardamos y a scannear…

Recién actualizao Ubuntu de la versión 7.10 a la cabera 8.04, atopo’l problema de que nun furrula’l decorador de ventanes Emerald col Compiz.
Tras surfear un poquitín na web, la solución ye sencilla y rápida 😉

Na Configuración avanzada de los efectos d’escritoriu, nel plugin Window Decoration camudamos l’apartau Command por esta llínea:
/usr/bin/emerald --replace

Pesllamos y reiniciamos.
Ya tenemos Emerald a plenu rendimientu 😀

En prósimos posts, impresiones acerca del furrulamientu de Hardy Heron 😉

Como soi mui vagu, nun me presta tener que coneutame manualmente a les carpetes compartíes de mio rede llocal, lo que faigo ye montales como si fuera una unidá de discu más.

Na mio rede tengo 3 ordenadores:

1. Un pc d’escritoriu con Ubuntu
2. Un servidor con Debian
3. Un portatil con MacOS X

El problema que tenía ye que con MacOS X fui incapaz de compartir con NFS polo que utilizo Samba (anque será temporal), y lo que voi facer ye montar una carpeta del servidor compartida con Samba. Si lo que quies facer ye montar una carpeta compartida de un pc que te corriendo Window$ el procesu ye’l mismu.

Lo primero que vamos facer ye instalar el soporte pa poder montar carpetes compartíes en redes Window$:

$ sudo aptitude install smbfs

Con esto yá podemos montar les carpetes, pero yo quiero que lo faiga’l sistema nel arranque (que soi mui vagu), entos primero vamos crear un direutoriu onde montaremos el recursu compartíu:

sudo mkdir /media/nome_del_direutoriu

y pa poder escribir tendremos que decir a que usuariu pertenez

sudo chown nome_d_usuariu  /media/nome_del_direutoriu

Agora decimos al sistema que queremos montar y onde, pa eso tenemos qu’editar el ficheru /etc/fstab

sudo gedit /etc/fstab

y añadimos esta linea al final del ficheru:
//ip_de_la_maquina_que_comparte/nome_del_recursu_compartiu /media/nome_del_direutoriu      smbfs   username=nome_d_usuariu,password=clave 0 0
Agora si reiniciamos podremos ver el recursu compartíu como una unidá de discu más… si sois tan vagos como yo…

usar esti comandu pa nun tener que reiniciar:

sudo mount -a

El númberu de visualizaciones qu’incluye Ubuntu por defectu en Rhythmbox y Movie Player pueden decepcionar a más d’un.

Pero como too n’Ubuntu ye personalizable, vamos ponenos a la xera: Añadir más visualizaciones 😀

Pa ello istalamos el paquete libvisual-0.4-plugins dende consola o synaptic .

1.- Dende consola:

sudo apt-get install libvisual-0.4-plugins

2.- Dende synaptic busca esi paquete y istalalu.

¡A ablucar coles visualizaciones! 😀

Yo lo que pretendo nel 99,9% de los casos cuando veo una semeya ye lo siguiente: Vela rápido y en dalgún casu camuda-y el tamañu pa unviala nel intre per email o recortala porque la encuadré mal cola camara.

Pa estos simples menesteres, la versión standard d’Ubuntu ufiertanos lo siguiente:
– Gimp: ye demasiao enrevesau pa sólo ver semeyes, y llentu editandoles en tamañu…
– Image Viewer: Escesivamente simple…
– F-Spot: Un programa llamau a la gloria, pero que nun acaba de convenceme pola so llentitú y forma d’alminitrar les semeyes…
– gThumb: Va desaparecer na versión 8.04 (siempre nos queda la opción d’istalalu dende los repositorios), el que pa mi ye’l más acertau de toos ellos. Con el ye fácil facer un renombrau masivu y una edición sencilla 😉 a parte de una visualización rápida.

Por contra, cuando calcamos nuna semeya en Nautilus abrenosla con Image Viewer.

¿Como facer que gThumb seya’l visualizador por defectu? Pues nun mires pel menú System 😉
Ta na opción de Nautilus: Botón drechu sobre una semeya / Properties / Pestaña “Open With” y ehí calcar nel radiobutton “gThumb” 😉

Hola, tras un llargu viaxe de vacaciones 😀 retorno per estos llares, cuntando una solución que puede sacate d’un bon apuru: Restablecer la contraseña de root.

Pa ello, fae lo siguiente:

– Prende’l PC, y nel prompt del grub, calca ESC.
– Calca la tecla “e” pa editar.
– Vete a la llinea del kernel qu’uses y calca “e” de nueves.
– Sitúate al final y agrega rw init=/bin/bash
– Calca Enter y dempués “b” p’arrancar l’ordenador.
– Ubuntu entamará como root y ensín contraseña.
– Teclea: passwd tu_usuario
– Escribe la contraseña.
– Reinicia el sistema.

¡Ya ta! 😉

N’esti artículu trataremos esplicar pasín a pasín como configurar Ubuntu n’asturianu, nun vos asustar que ye mui fácil.

Al final del artículu podéis ver un video esplicativu con tol procesu (nun se ven mui bien los menus pol tamañu de youtube).

Suponiendo que tenemos Ubuntu instalao en castellanu (el procesu ye igual n’otros idiomes namás que cambien los nomes de los menus).

Diremos a Sistema>>Administración>>Soporte de idioma

Tendremos que dar al sistema la clave d’usuariu pa poder siguir, entos veremos un llistáu con tolos idiomes disponibles pa Ubuntu. Buscamos l’asturianu (apaez n’inglés como “Asturian”), lo activamos y calcamos “Aplicar”.

Entos el sistema instalará tolos paquetes necesarios y fairá les configuraciones necesaries pa dar soporte al asturianu (tenéi paciencia), encuantes acabe tenemos que desplegar el menú “Idioma predefinido” y calcar “Asturian”.

Calcamos “Aplicar” y “Aceptar”. En cuantes reiniciemos l’equipu podremos ver los mensaxes n’asturianu.

Atención: Entá hai mui poques aplicaciones n’asturianu polo que cuasi tolos mensaxes del sistema saldrán n’inglés, tamién tenéi en cuenta que ye la primer versión asoleyada polo que tendrá munchos errores. Podeis facer andecha con correiciones o traducciones nueves en Launchpad (ye preferible rexistrase y dase d’alta nel grupu de trabayu n’asturianu).

Lleendo’l perinteresante artículu sobre seguridá de “Lo híce y lo entendí“. Voi facer un repasu personal de como protexer el login al ordenador dende Ubuntu.

Siempre remembro Windows 98 cuando na pantalla de login calcabes-y al botón Cancelar y acedíes a Windows, dandote los servicios de que disponía.

N’Ubuntu sorprendíome cuando entamaba a ‘xugar’ con el, que si selecionabes nel menu Grub (al entamar l’ordenador) “Recovery Mode”, llevabate a un promt cola consola… mirando per ehí, si faes startx ¡alehop! L’entornu gráficu! Con acesu de root a too Ubuntu :S
Nun hai que da-y muncho al maxín pa ver al guaḥe que too revuelve, descubriendo esta funcionalidá y desaniciando tol sistema. O al maríu/muyer celosonos acediendo al home de la pareya ensín el menor impedimentu…

Les ventaxes del códigu llibre vense clares dende’l primer momentu 🙂 Y esti ye’l trucu 🙂

1.- La pantalla de login de Ubuntu podemos considerala segura.

2.- Convien que los ficheros/carpetes que nun queramos qu’otros usuarios nos cotilleen, los protexamos, poniendo-yos sólo permisu de llectura/escritura pal propietariu, y nun permitiendo na pa los otros.

3.- Modificamos la BIOS para que l’ordenador nun pueda arrancar dende CD (Ya que sinon con un LiveCD puede modificase l’archivu /boot/grub/menu.lst del discu duru y retornar los drechos d’alministrador que vamos a quitar nel siguiente puntu). Tamién protexer la BIOS pa que nun se pueda camudar pa configurala con arranque dende CD.

4.- Configuramos el login del Grub. Pa ello (Anantes llee dalgun artículu d’edición de grub)

Abrimos una terminal.
sudo grub update
md5crypt
Introduz la to futura clave.
Copia’l valor que te devuelve na consola. Na que esa retafila de carácteres referiremolos como la_clave_encriptada_copiada_anantes.
quit
Peslla la ventana de la Terminal.

Calca Alt+F2
gksudo gedit
Mete la to clave d’alministrador si te la pide.

Abre’l ficheru /boot/grub/menu.lst
Aprovecha pa facer una copia nel to home d’esti archivu, por si saliere dalgo mal 😉
Busca la llínea
#password topsecret
y ponla como
password --md5 la_clave_encriptada_copiada_anantes
(Con esto conseguimos que faiga falta esa clave pa modificar la llínea del grub, y como ta encriptada, nun puede facese mirando’l ficheru dende un editor d’un LiveCD ;)).

Quédanos restrinxir l’acesu a la consola que pueda otorgar privilexos d’alministrador, pa ello buscamos tamién dalgo asemeyao a estes 2 llínees:
title Ubuntu 7.10, kernel 2.6.22-14-generic (recovery mode)
title Ubuntu 7.10, memtest86+
Ponemos EMBAXO DE CADA UNA, esta llínea:
password --md5 la_clave_encriptada_copiada_anantes
Guarda y sal del editor.

Con esto, debieremos conseguir una seguridá suficiente a nivel ‘caseru’ 😉 Obviamente, protexer la información d’un ordenador ye casi qu’imposible, y sería ya recurir a encriptaciones y sistemes más sofisticaos de proteción.
Pero a un nivel de nuestru llar, y pa la nuestra privacidá esto debiera ser suficiente 😀

El navegador web Firefox 2, consume bastante memoria RAM.
Un bon trucu pa menorgar esa cantidá ye facer lo siguiente:

– Como direción ponemos
about:config
– Buscamos esta cadena:
browser.sessionhistory.max_total_viewers
– Y ponemosla a 0.

Con esto evitamos que cachee en memoria les webs, lliberando RAM.
Con -1 (por defectu) calcula el númberu de fueyes a cachear dependiendo de la cantidad de memoria, según el siguiente esquema:
32MB 0
64MB 1
128MB 2
256MB 3
512MB 5
1GB 8
2GB 8
4GB 8
Colo que’l consumu de memoria ye grande col valor -1.

Poniendolo a 0, facemos que nun dexe nenguna na RAM 😉 Yendo más sueltu.

Aprovecho’l cancíu tradicional, pa dicir a quien-y moleste l’escaneu del discu duru cuando entama Ubuntu, que puede camudar facilmente cada cuanto lu quier.
Esti escaneu del discu faese por numberu de vegaes qu’heba sido montau’l discu.
Pa camudalo usa esti comando na Terminal ( Applications / Accesories / Terminal ):
sudo tune2fs -c7 /dev/hdc1
onde’l 7 ye cada cuantos montaxes quies comprobar el discu y el /dev/hdc1 el to discu duru ¿Sobra dicir que te faera falta introducir la clave d’alministrador? 😉 Por sí acaso, ta dicho 🙂