Les maneres más afayaíces de intercambiar música/pelis/documentos n’Ubuntu, pa mi son les siguientes:

1.- Amule. Atopeslu nos repositorios. ¿Qué dicir del emule linuxeru? 😀

2.- Si prefieres el torrent, yo quedome con Deluge (Tamién nos repositorios). Aunque na versión 8.04 sedrá Transmission el xestor por defectu. Imprescindible pa les búsquedes YouTorrent 😉

Aunque nun seyan P2P, nun puedo dexar de mencionar estes 2 opciones:
3.- Web: Per bonos enllaces de descarga directa en Vagos.

4.- Google? Sí! Google tamién nos ufierta esta posibilidá, de descarga directa d’archivos indexaos pol fámosu motor de búsqueda. Pa ello busques esto en Google:
-inurl:(htm|html|php) intitle:”index of” +”last modified” +”parent directory” +description +size +(wma|mp3) “sting”

Onde sting ye lo que busques 😉

¿Ye posible facer Ubuntu más ablucante tovía que col Compiz-Fusion? ¡Pues sí! 😀 Con Emerald!

Emerald ye un decorador de ventanes pa Compiz-Fusion, con ello camudará los botones de les ventanes y faerá trasparencies 😀

Pa too ello, dende la Terminal introducimos esti comandu:
sudo apt-get install emerald libemeraldengine0 subversion
Introduz la clave d’alministrador.

Agora vamos a permitir baxar themes non GPL, metiendo en la terminal esti comandu:
svn ls https://svn.generation.no/emerald-themes
Y damos-y a la (p) pa que seya permanente 😉

Y istalamos los themes 🙂
Pa ello vamos al menú System / Preferences / Emerald Theme Manager

Na tercer pestaña Repositories, damos-y a algamar los themes.

Y vamos ya a la primer pestaña pa escoyer el tema que queremos como decorador de ventanes 😀

Agora Ubuntu a parte de los efectos de Compiz-Fusion, tendrá unes ventanes perguapes y trasparentes 😛 A seguir disfrutandolu.

El resultau ye dalgo qu’asina:

El tema que veis nesta cabera semeya ye Human Feisty 😉

Aprovecho’l cancíu tradicional, pa dicir a quien-y moleste l’escaneu del discu duru cuando entama Ubuntu, que puede camudar facilmente cada cuanto lu quier.
Esti escaneu del discu faese por numberu de vegaes qu’heba sido montau’l discu.
Pa camudalo usa esti comando na Terminal ( Applications / Accesories / Terminal ):
sudo tune2fs -c7 /dev/hdc1
onde’l 7 ye cada cuantos montaxes quies comprobar el discu y el /dev/hdc1 el to discu duru ¿Sobra dicir que te faera falta introducir la clave d’alministrador? 😉 Por sí acaso, ta dicho 🙂

Perprestosa y graciosa ye esta utilidá d’alsa:

Dende consola istalamos esto:
sudo apt-get install alsa-oss

Agora na consola ponemos esto (prende los altavoces):
aoss espeak -ves ?soi,Ubuntu,y,falo,asturianu,que,ye,lo,que,me,presta

jeje flipante eh? 😉

Pa camudar llingues faes esto:
aoss espeak -v -p ?

Exemplos:
Ingles: Dicir “Hello, I am Ubuntu”.
aoss espeak -ven -p2 ?hello,i,am,ubuntu

Pa lleer un archivu de testu pones el parámetru -f (que seya testu planu).

Lleo en Ubuntu Life acerca del bug númberu 1 d’Ubuntu.

Escrito ya nel 2004, sigue teniendo tola importancia posible pa que Linux llegue a una bona posición nel mercau.

Da pena como me pasó a mi, que merqué fae unos meses el portátil y llamé a HP diciendo que nun lu quería con Windows (ya nin pedí que me descontaren la llicencia), sólo que me lu dieren ensín Windows Vista. Que nanai. Que teníen que llevalu a la fábrica, que nun se facía, y que si lu quería como taba preensamblau (y preistalau) que lu mercare, que nun podíen facer na al respecto.

Asina que a pagar la llicencia de Windows pa namas tenelu dicir, voi da-y una oportunidá al Vista esti, a ver si Microsoft pusose les piles dende’l XP, y sinceramente, nun quedé na satisfechu ¿soi gilipollas pa da-y a Inicio / Botón drechu sobre “Símbolo del sistema” y executar como alministrador, y que tovía m’entrugue si toi seguru de querer executar como alministrador? Que sí leñe!
Y asina decenes de coses más.

Entrugome que pasará dentro de 5 / 7 / 10 años cuando saque Microsoft un nuevu SO? Lo avanzao que tara Linux (gracies sobre too al trabayu en comuña y como ta planificau pa meyorar pasín a pasu) será impresionante (pa exemplu Compiz-Fusion), y díficil lo tendrá Microsoft pa lluchar nel mercau, pero mientres les compañíes de hardware le llambien el culu, too seguirá igual.

¿Será culpa de nos mesmos que nun esiximos calidá?……

Tamos acabates de facer delles igues a la variante asturiana pal tecláu xenerícu de PC de 105 tecles con soporte pa Ḥ y Ḷḷ, y anque ya t’aplicáu el parche nel cvs de Freedesktop y vendrá incluíu nes prosimes versiones de les distintes distribuciones de GNU/Linux y BSD (probablemente tamién pa MacOS X). De momentu tenemos que instalalo nosotros mesmos “a manu”. Ye mui cenciellu:

1. Baxamos los ficheros del tecláu y del llistáu de distribuciones, calcar col botón drechu nel enllaz y Guardar como… (el llistáu ye casi un MB tenéi paciencia).

2. Copiamos el tecláu en /usr/share/X11/xkb/symbols/ y el llistáu en /usr/share/X11/xkb/rules usamos los comandos:

$ sudo mv es /usr/share/X11/xkb/symbols/es

$ sudo mv base.xml /usr/share/X11/xkb/rules/base.xml

Importante: si guardasteis los ficheros n’otru sitiu que nun sea la vuesa carpeta d’usuariu (por exemplu nel escritoriu) teneis que poner la ruta nel comandu

( $ sudo mv Desktop/es /usr/share/X11/xkb/symbols/es )

3. Vamos al menú Sistema>Preferencias>Teclado

Na pestaña Distribuciones y col modelu de tecláu en “PC genérico 105 teclas (intl)”

Calcamos el botón añadir, nel menú “Capas” marcamos España y nel menú variantes marcamos l’asturiana y calcamos añadir, seleicionamos como predetermináu la distribución asturiana zarramos la ventana y llistu.

Pa poder escribir ḥ calcamos Alt Gr + h pa escribrir Ḥ Alt Gr + Shift + h y pa la ḷ Alt Gr + l y pa la Ḷ Alt Gr + Shift + l

Güei paeciome chocante porque una collacia qu’engañé pa que dexe el lláu escuru entrugome, “¿sabes de dalgún programa pa facer qu’Ubuntu s’apague solu cuando pase un tiempu? ye que pela nueche pongo pelis y munches veces duermo y en Window$ tengo un progamina que lo fai…” claro quedé ablucáu… un programa p’apagar el ordenador… la solución n’Ubuntu (y cualesquier Linux) ye más cenciella qu’eso…

Abres una terminal y escribes el siguiente comando:

$ sudo shutdown -h 30 time

Tendrás que meter la clave d’usuariu, necesitase executar sudo pa que furrule.

Onde pon 30 pones el tiempu que quies que pase enantes d’apagar l’equpu en minutos, si pones:

$ sudo shutdown -h now

apagarase de secute, si quies reiniciar namás cambia la -h por -r. Tien más opciones pa conoceles:

$ shutdown –help

Pasín a pasu vas faciendote con fondos d’escritoriu que col pasu del tiempu acabes apreciando les sos cualidaes sobre otros (relax, impactu visual, etc).

De los meyores enllaces p’algamar un gran puñau d’ellos son estes webs:
Gnome Art
Gnome Look
KDE Look

Voi dexavos equí los mios favoritos.
Simplemente calca na semeya pa garralu 😉

https://www.youtube.com/watch?v=_ImW0-MgR8I

Namás istalar Ubuntu 7.10, siempre podemos personalizalu abondo a les nuestres preferencies.
Una de les facetes más atractives y visibles d’esta versión ye que tien activau por defectu Compiz Fusion.
¿Qué implica esto? Que veas efectos d’escritoriu perguapos y impactantes (ventanes xelatinoses, zoom a la ventana, fueu, etc) :O

Pa modificalu vas al menú System / Preferences / Appearance

Ehí vamos a la cabera pestaña y tenemos les opciones d’Efectos Visuales 😉

Podemos escoyer ente Nengún (Como Windows), Normal (Por defectu) y Estra.
Pero nun podemos facer una personalización total de Compiz, ye dicir, si quiero la configuración Normal, pero añadiendo-y les ventanes xelatinoses, nun podemos a priori :S

Lleer más »

Más de 70.000 maquines d’escritoriu son les que van dicir adios a Windows XP p’adoptar Ubuntu como sistema operativu na Xendarmería francesa.

En 2005 la policia francesa entamó a sustituir la suite ofimática Microsoft Office por Open Office, en 2006 entamaron a usar Firefox y Thunderbird, ante la bona acoyida por parte del funcionariáu francés, finalmente entamen cola última fase del proyeutu que llevará a la sustitución del sistema operativu de más de 70.000 terminales.

Les principales razones daes pola Xendarmería son el non depender del desarrollu d’una empresa privada y la seguridá que supón disponer del códigu fonte, anque quiciabes seya importante l’aforru económicu que supón pasar de 13.000 llicencies mercaes en 2004 a les 27 previstes pa 2008.

La Xendarmería conviertese na entidá pública más grande que migra de sistemes privativos a llibres en tol Mundu.