Fasta agora tuvimos 2 versiones d’Ubuntu pa baxar: La Desktop (pa ordenadores de sobremesa y portátiles) y la Server (pa sirvidores).

Ubuntu 9.04 ufiertanos la versión Netbook Remix, adaptada a los minilaptops.

Tendrá un nuevu entornu d’escritoriu adaptáu a les pantalles pequeñes, y enfocáu al hardware más común d’estos pequeños portátiles 😀

Puedes baxar esta versión oficial dende equí.

HADOPI dirá primero a polo gordo, a pol volumé, a por aquellos que, preses del coleccionismu, baxen a toes hores muncho más de lo que racionalmente pueden llegar a consumir. Dalgunos d’esos sufrirán los primeros golpes, que serán aireaos polos medios como si fuesen triunfos del sistema. En paralelu, dirán popularizándose medios pa evitar la vixilancia y la monitorización: sistemes de cifráu robustos, métodos para sustituir baxaes por streaming direutu dende ficheros .torrent, para movese per VPNs y polos túneles subterráneos de la nuestra ciudá dixital sitiada… La Rede, como siempre, reaiciona a too bloquéu aislándolu, enquistándolu, convirtiéndolu n’irrelevante, en patéticu y ridículu intentu d’oponese al progresu, a lo inevitable.

HADOPI dexó de ser una amenaza, y ye un desafíu. Veremos cuanto tarda en cayer. Viva la Résistance!

Vía El Blog de Enrique Dans.

La noticia salió fae 1 mes, y hubo grandes ecos n’Internet escontra a que’l gobiernu regale a los escolinos ordenadores con Windows, pola dependencia a software privativu que se creará nesos escolinos y el coste de les llicencies de Windows, Office, antivirus… y quierse dende les plataformes pol software llibre qu’esos portátiles lleven GNU/Linux.

Finalmente, el gobiernu del estáu dexará que cada comunidá autonoma escueya que sistema operativu quier n’esos ordenadores.

Ehí xurden 2 entrugues:

1. ¿Pagaranse les llicencies de Windows (de xuro que vien preinstalao nos ordenadores) pa lluéu instalar gnu/linux? ¿Micro$oft siempre ganará?
2. ¿Qué pasará n’Asturies??? Softastur tien a punto de finar la torna al asturianu d’Edubuntu, sistema operativu basáu n’Ubuntu, enfocáu a profesores y escolinos. Col que dar clases en cualisquier llingua pa cualisquier materia.

Imaxina por un momentu, prender l’ordenador y dar clas d’inglés con Edubuntu n’inglés, zarrar sesión y camudar la llingua al asturianu pa dar asturianu, zarrar sesión y camudar la llingua al francés y dar la clas en francés, zarrar sesión y camudar la llingua al castellanu pa dar lliteratura española…

Les posibilidaes de GNU/Linux son infinites, de baldre (too val cero perres), llibres (llibres d’usalo, copialo, modificalo y distribuyilo), robustes (el sistema perestable SIEMPRE), segures (ensin virus y con un fuerte sistema d’usuarios)…

¡El Gobiernu Asturianu tien d’escoyer bien! ¡El futuru de los escolinos asturianos nun puede tar gobernáu por software privativu!

Stallman ya se pronunció al respecto (xenial, como siempre):

Ye vender el futuru del país a Microsoft.

Ubuntu anunciabanos na so cabera versión 9.04 el conceutu “na nube“, pero nun ví na furrulando con Ubuntu rellacionao con ello.

Acabo enterame del nuevu serviciu oficial d’Ubuntu: Ubuntu One. Novedá n’esta nueva versión 😉

Un serviciu p’almacenar, syncronizar y compartir, trabayando remotamente vía web los nuestros ficheros ente varios Ubuntu.

El serviciu ta tovía en fase Beta, y hai que pidir una invitación na propia web, yo ya pedí la mia, ya vos cuntaré meyor que tal va cuando me llegue. Regalente 2 GB, y si quies 10 GB de tráficu mensual, cuesta 10$ mensuales.

El cliente UbuntuOne ye GPL3 y parez furrular al estilu de DropBox.

Sorpresa mayúscula al ver el Hall of Fame d’Ubuntu 😀

La llingua asturiana ye pequeñina a nivel mundial, pero ente les 20 persones que más tornen a nivel mundial ¡¡¡4 asturianos!!! ¡Ehí tamos! ¡Yes, we can! 😀

1. Astur

9. Arcipiescu

10. marquinos

20. Xuacu

Podeís ver el karma de les tornes a nivel mundial no cabero de la páxina, equí.

PD: A fecha 16 de mayu 2009.

Hiroshi Seo, usuariu d’Ubuntu (miembru del LoCo team de Xapón) y dibuxante de manga, espublizó el primer episodiu d’Ubunchu. Ubunchu ye’l primer comic fechu pa intentar desplicar les bondaes y cómo usar Ubuntu… y yá ta n’asturianu… y ye que Xuacu (activu traductor de Softastur y miembru del LoCo team d’Asturies) tomóse la molestia de tornalu al asturianu, non too ye software…

DESCARGAR

Acabo aportar de la manifestación y l’actu del Día de les Lletres n’Uviéu.

Quiero comentar 2 coses 😛

1. Impactóme’l fechu de qu’Ana Cano nomara al “Colectivu Softastur” ente tanta xente y nun actu tan importante 😀 (pola collaboración de Softastur pa dar sofitu na torna de tecnoloxía a empreses). ¡Gracies!
2. Dió anuncies de que l’Academia diba collaborar con Google pa xubir tolos llibros a Google Books. Nesto’l Teatru Campoamor españó n’aplausos, yo incluyíu, pero ḥodiome abondo la siguiente frase… L’Academia diba xubir toles obres, tando disponibles pa tol mundiu’l (sólo’l) 20% del llibru, y la posibilidá de mercalu dende Google.
   Yo nun toi d’alcuerdu n’esto. Parezme que tol trabayu de l’Academia debiere tar baxo una llicencia Creative Commons, la llicencia d’usu que ta espardiendo la cultura como enxamás pasó. Y quien quiera mercalu, que lu merque, pero da-y la posibilidá de a quien nun pueda mercalu pueda tenelu. Tamién nesi casu nun fae falta recurrir a Google, con un sirvidor cualisquier ya tienes la oportunidá d’ufiertar los llibros 😉

   

   Nun sé si esti blogue lu lleerá dalguién de l’Academia, pero encamiénto-yos a que atalanten que realmente tamos nún tiempu nel que xorrez (por muncho que-y ḥoda a la $GAE) abondo la cultura por Internet, y l’asturianu nun puede quedar fuera.

Y dicho esto… ¡¡¡YA, YA, YA, OFICIALIDÁ!!!

Tendremos como novedaes más importantes la OpenOffice 3, Firefox actualizáu automáticamente al asturianu, Computer Janitor pa llimpiar l’ordenador de ficheros inservibles y Gnome 2.26 😀

Disponemos de 3 nuevos temes tirando a prieto 🙂