Novedaes n’Ubuntu 9.04 – Notificaciones
1 de Mayu de 2009¡El nuevu sistema de notificaciones ye ablucante! Avisa al usuariu d’eventos, ensín interferir.
http://www.youtube.com/watch?v=Wwp–G155RsNovedaes n’Ubuntu 9.04 – ext4
30 d'Abril de 2009El nuevu sistema de ficheros ext4 reduz muncho’l tiempu d’accesu al discu duru, algamando coses como esta: Ubuntu totalmente operativu en 22 segundos
Eso sí, estos tiempos nun bon ordenador con discu SDD.
Cita
30 d'Abril de 2009El futuru pertenez a aquellos qu’abracen el pensamientu global ensin perder la so identidá y la so cultura.
Mark Shuttleworth, 2007
Con declaraciones asina… yo quiero usar Ubuntu! 😀
Novedaes n’Ubuntu 9.04 – Pantalles
28 d'Abril de 2009Pa Ubuntu 9.04 remocicarónse les 3 pantalles más importantes del sistema: la d’arranque, la d’identificación y el fondu d’escritoriu:
- Arranque
- Login:
Fondu d’escritoriu:
Roapmap Ubuntu 9.10 – Karmic Koala
28 d'Abril de 2009Ya hai feches del desarrollu de la versión 9.10:
- 14 Mayu 2009: Ubuntu 9.10 Alpha 1
- 11 Xunu 2009: Ubuntu 9.10 Alpha 2
- 23 Xunetu 2009: Ubuntu 9.10 Alpha 3
- 13 Agostu 2009: Ubuntu 9.10 Alpha 4
- 3 Setiembre 2009: Ubuntu 9.10 Alpha 5
- 17 Setiembre 2009: Ubuntu 9.10 Alpha 6
- 1 Ochobre 2009: Ubuntu 9.10 Beta
- 22 Ochobre 2009: Ubuntu 9.10 Release Candidate
- 29 Ochobre 2009: Ubuntu 9.10
Enllaz oficial.
60 Fondos d’escritoriu d’Ubuntu perbonos
25 d'Abril de 2009
Download
24 d'Abril de 2009Pa mexase de risa… ¡ḥuasḥuasḥuas!
Asoleyáu Ubuntu 9.04: Jaunty Jackalope
23 d'Abril de 2009Güei, xueves 23 de marzu, asoléyase puntualmente Ubuntu 9.04 nomada Jaunty Jackalope 😀
Descárgala de baldre equí
Nueva versión que lleva un bon garrapiellu de novedaes como estes:
- Nuevu sistema de notificaciones.
- Sistema de ficheros ext4: Que meyora munchísimo la velocidá del sistema.
- Nueves aplicaciones como Computer Janitor (pa llimpiar la caché).
- Nuevos temes por defeutu.
- Nuevo Boot Spash y ventana d’entrada.
- Kernel 2.6.28: Meyorada la xestión de memoria y tiempos d’arranque, xunto al mencionáu sistema de ficheros ext4.
- Gnome 2.26: Sofitu del protocolu MAPI de Microsoft pa Evolution, nueva utilidá de configuración de pantalla con soporte multimonitor, asignar comandos a grupos de tecles que’l usuariu quiera.
- Munches más aplicaciones tornaes al asturianu 😀
Anovando de versión el nuesu sistema.
23 d'Abril de 2009UBUNTU FÁCIL
Yá ta cerca el llanzamientu de Ubuntu Jaunty Jackalope 9.04. Pa toos aquellos que queráis pasar a la nueva versión, póngovos equí los pasos a siguir. Enantes d’entamar, nun taría de más recordavos que siempre ye aconseyable que tolos documentos importantes que podáis tener, los atroxéis en sitiu seguru. Normalmente, con copiar la nuesa Carpeta Personal y les sos subcarpetes, yá lo tendríemos fecho. Otres coses a facer:
- Compreba que tienes toles actualizaciones descargaes y aplicaes a Ubuntu 8.04 LTS ó 8.10 enantes d’anovar.
- Si tienes una versión d’Ubuntu anterior a Ubuntu 8.04 LTS, por favor, llee Installation/UpgradeFromOldVersion pa saber cómo facelo.
PRIMER MÉTODU: Anovar dende la Rede con 8.04 ó 8.10 (Mou recomendáu)
Lo meyor ye anovar el to sistema dende la rede. Obviamente, namás necesites tener conexón a internet. Podrás facelo cenciellamente namás siguiendo estos pasos.
- Sólo pa usuarios con Ubuntu 8.04, diremos a: Sistema / Alministración / Oríxenes del Software
- Agora calcamos na llingüeta de “Actualizaciones” y camudamos “Namái ediciones con sofitu de llarga duración” a “Ediciones normales“.
Lo que acabamos de facer, ye decí-y al sistema que nos avise de les Nueves “versiones normales”. Por defeutu, Ubuntu 8.04 LTS nun ufre la opción d’anovar direutamente a 9.04. Esto ye porque la versión 8.04 LTS ye una Long Term Support release, mientres que 9.04 ye una versión regular
- Pa Ubuntu 8.04 y 8.10. Vamos a: Sistema / Alministración / Xestor d’actualizaciones
- Calca nel botón Comprobar.
- Si hai paquetes d’actualización p’anovar el sistema, usa’l botón d’Instalar actualizaciones p’anovar los nuevos paquetes, y dempués d’instalaos, calca otra vegada en “Comprobar“
- Aparecerá un mensax informando de la disponibilidá de la nueva versión
- Calca en Actualizar. …y sigui les instrucciones de la pantalla.
SEGUNDU MÉTODU: Anovar el sistema usando el Alternate CD/DVD
Usa ésti métodu si’l sistema a anovar nun va a tar coneutáu a Internet nel intre de la instalación.
- Consigui el alternate installation CD dende equí
- Quema’l ficheru ISO nún CD ya inxértalu nel CD-ROM del PC a anovar.
- (Trucu:) Si metes el ficheru ISO nel PC que vas a anovar, (por exemplu, nel Escritoriu) puedes aforrate un CD montando el ISO como un discu col comandu:
sudo mount -o loop /home/el_to_nome_d'usuariu/Escritoriu/ubuntu-8.10-alternate-i386.iso /media/cdrom0
- Aparecerá un diálogu ufriéndote la oportunidá d’anovar usando ésti CD.
- Sigui les instrucciones.
- Si nun apareciese’l diálogu por cualesquier razón, calca Alt+F2 y escribe:
gksu "sh /cdrom/cdromupgrade"
A esfrutar cola nueva versión!!! ;D
¡Queda 1 día!
22 d'Abril de 2009Afinando xestor de baxada… 😀
