Portátiles pa los neños en primaria… Con Windows? Linux?

La noticia salió fae 1 mes, y hubo grandes ecos n’Internet escontra a que’l gobiernu regale a los escolinos ordenadores con Windows, pola dependencia a software privativu que se creará nesos escolinos y el coste de les llicencies de Windows, Office, antivirus… y quierse dende les plataformes pol software llibre qu’esos portátiles lleven GNU/Linux.

Finalmente, el gobiernu del estáu dexará que cada comunidá autonoma escueya que sistema operativu quier n’esos ordenadores.

Ehí xurden 2 entrugues:

  1. ¿Pagaranse les llicencies de Windows (de xuro que vien preinstalao nos ordenadores) pa lluéu instalar gnu/linux? ¿Micro$oft siempre ganará?
  2. ¿Qué pasará n’Asturies??? Softastur tien a punto de finar la torna al asturianu d’Edubuntu, sistema operativu basáu n’Ubuntu, enfocáu a profesores y escolinos. Col que dar clases en cualisquier llingua pa cualisquier materia.

Imaxina por un momentu, prender l’ordenador y dar clas d’inglés con Edubuntu n’inglés, zarrar sesión y camudar la llingua al asturianu pa dar asturianu, zarrar sesión y camudar la llingua al francés y dar la clas en francés, zarrar sesión y camudar la llingua al castellanu pa dar lliteratura española…

Les posibilidaes de GNU/Linux son infinites, de baldre (too val cero perres), llibres (llibres d’usalo, copialo, modificalo y distribuyilo), robustes (el sistema perestable SIEMPRE), segures (ensin virus y con un fuerte sistema d’usuarios)…

¡El Gobiernu Asturianu tien d’escoyer bien! ¡El futuru de los escolinos asturianos nun puede tar gobernáu por software privativu!

Stallman ya se pronunció al respecto (xenial, como siempre):

Ye vender el futuru del país a Microsoft.

1 comentariu al rodiu de “Portátiles pa los neños en primaria… Con Windows? Linux?”

  1. astur diz:

    Paez ser que’l gobiernu asturianu, ta faciendo un apueste pol software llibre. Ye pequeñu, pero ye un entamu. Esperemos que, pol bien de tola comunidá, nun caiga nes manes de lo privativo, sinon del software llibre, lo mesmo que faen otres comunidaes comu la Extremeña o Andaluza,