Dell te lo diz 😉

Recién anda sirvida la polémica tocante a les antenes de los teléfonos móviles, y la so perda de cobertura cuando l’usuariu garra’l teléfonu. La primera en recibir crítiques foi Apple, col so iPhone. Los usuarios quexáronse y munchos d’ellos devolvieron el so terminal, por considerar que nun valía les perres que pagaron por él. Rápidamente Steve Jobs, salió al pasu diciendo, que ye un problema de “cómo garra’l móvil l’usuariu”, y qu’esi tamién yera un problema que teníen otres compañíes.

Como les crítiques nun aselaben, Apple, espublizó un vídeu na rede, dirixíu a la so rival direuta, Nokia, nun exerciciu de missdirection (desvíu de l’atención). Nesti casu, Apple amosaba la perda que tien el N97. Equí el vídeu (fixáivos bien nos deos y la perda de cobertura):

Coño! Asina claro qu’hai perda! Esto ye lo que Nokia denoma Deathgrip (agarre de la muerte 😀 ) Nokia dedicó miles d’hores durante toos estos años a estudiar el mou nel que se comporten les antenes. Como podéis ver, al facer el pressing catch 😀 colos deos, afuegues al móvil y pierde daqué de cobertura. Eso ye obvio, y toos lo sabíemos…. Pero polo menos nun muerre la señal.

Vamos ver agora lo que-y pasa al iPhone:

Ḥuas!!!! Nun-y queda un res de cobertura, a tomar pol culu la bicicleta, hasta’l puntu que’l mesmu teléfonu diz “is no longer available“. Vamos, que yá tas llamando otra vegada, y pagando l’establecimientu de llamada, etc, etc. Aparte que namái fai falta tocalu cola uña’l deu 😀 . Como tengas les guedeyes llargues, yá tas rapándote o nun funciona más hasta l’añu que vien 😀 😀

…Coyonudo pa un teléfonu tan caru.

Un informe de la compañía de seguridá Secunia, alluga a Apple como la que más vulnerabilidaes tien nel so software.

Sin dir más llonxe, ayeri mesmo fízose públicu un exploit de Safari que permite que sitios maliciosos obtengan datos de la to llibreta de direiciones, cuando l’usuariu tien habilitao la opción d’autocompletar na información de la llibreta. D’esti mou, l’usuariu puede tar dando datos como’l nome, emplegu, direición, e-mail, etc ensin decatase d’ello. Tenéis l’artículu enteru equí

A vegaes, cuando nun sabes per ónde van los tiros, les coses más cencielles son les que más problemes dan…. Resulta que quería grabar el soníu d’un videu qu’alcontré restolando per Internet….. y nun sabía cómo facelo. Bono, pues foi que la tontería ésta llevóme un bon cachu hasta que dí con ello. Equí vos pongo cómo lo igüé (o cómo me funciona a mí)

Lo primero instalamos el programa PulseAudio Volume Control. Abrimos una terminal y escribimos:

sudo apt-get install pavucontrol

Fecho esto, vamos por partes:

• Abrimos el videu o película de la que queremos grabar el soníu.

• Abrimos PulseAudio, qu’alcontraremos en Aplicaciones–>Soníu y Vídeu:

Vamos a la llingüeta Configuration (llegaos a esti puntu, dicivos que entá nun hai traducción d’esti programa n’asturianu. ¿Quién s’anima?). Nella dexamos los valores como veis na imaxe, asegurándonos de que na llista de Audio internu, apaeza dalgún de los dos valores que vos pongo: Analog Stereo Duplex ó  Analog Stereo Output (a mí funcióname colos dos)

• Ensin zarrar esti programa, abrimos el Grabador de soníu de Gnome: (en Aplicaciones–>Soníu y Vídeu)

Agora ponemos a reproducir el vídeu del que queremos grabar el soníu, y nel momentu que queramos qu’empiece la grabación, dámos-y al botón de grabar (l’iconu ye’l círculu bermeyu, como casi siempres)

Si l’indicador de nivel se mueve, ye bona señal 😀  Por si acasu, (o nel casu que nun se vos mueva’l nivel), na otra aplicación, vais a la llingüeta Recording que debiera tar funcionando, y calcáis en “Record Stream from” y aseguráisvos d’escoyer: “Monitor of Audio internu Analog Stereo“. L’indicador entamará a movese

Cuando queráis que dexe de grabar lo que tais reproduciendo, dais al botón de Stop del grabador de soníu y llisto! Namás nos falta guardar lo qu’acabamos de grabar. Vais a Ficheru—>Guardar como, y escoyéis el destín.

NOTES:

1. siempres ye meyor guardar en formatu .ogg que n’otru cualquiera 😉
2. Por si te lo tabes entrugando, el videu del exemplu ye ésti.

Que lo grabéis bien…

rtorrent ye un cliente pa la terminal (ensin ventana gráfica).

¿El motivu pa usalu? Pues ye que… ¡ESNALA! Enxamás baxé tan rápido torrents como esti programa, y además puedes usalu incluso nun Pentium I, ya que casi nun consume recursos. Obviamente nun ye tan fácil de remanar como Transmission (el cual me presta tamién abondo), pero si quies potencia y optimización del equipu, o ye un sirvidor en mou testu, rtorrent ye una opción perfeuta.

Pa instalalu, dende la terminal:

sudo apt-get install rtorrent

Agora a remanar con el… escribe na Terminal:

• screen rtorrent: p’abrilu y calcando Ctrl+A+D queda en segundu planu.
• screen -r: Pa volver a poner en primer planu rtorrent.
• Ctrl+Q: Colar 😉

pa copiar el ficheru de configuración al to home:

cp /usr/share/doc/rtorrent/examples/rtorrent.rc /home/usuariu/.rtorrent.rc

Pa editalu:

nano /home/usuariu/.rtorrent.rc

Ye importante que seleiciones un direutoriu pa la “session”, onde remembrar los torrents que tan baxándose.

• Enter: escribe’l camín d’un ficheru .torrent p’amestalu.
• Arriba/Abaxo: Seleicionar un torrent.
• Ctrl+S: Aniciar descarga del torrent seleicionáu.
• Ctrl+d: Parar baxada.
• Ctrl+d (otra vegada): Desaniciar torrent seleicionáu.

+ info con ataxos de tecláu. ¡A esfrutalu Mikel! 😉

En versiones anteriores d’Ubuntu, podía camudase cenciellamente la pantalla de login dende’l menú y de mou gráficu. Esto dexó de ser asina dende fai unes versiones, (nun sé porqué… la so desplicación habrá), pero esto tampoco nun significa qu’agora nun pueda facese 😀

Pa camudar la pantalla de login en Lucid facemos lo siguiente. Abrimos una terminal y escribimos:

gksu -u gdm dbus-launch gnome-appearance-properties

Eso fadrá que se nos abra esta ventana:

Esta ventana ye parecida a la que conocemos pa camudar el fondu d’escritoriu, pero ésta ye en mou root (alministrador), el funcionamientu ye igual, asina que namás tenemos que seleicionar la semeya que queramos, o calcar nel botón Amestar si queremos otra imaxe que tengamos nel equipu. Una vegada esbillada la imaxe que queremos, calcamos en Zarrar , y llisto. Déxovos col mio aniciu de sesión  😉

Semeya orix: David Iliff

Llicencia

Shotwell, ye’l xestor de semeyes que va sustituyir a F-Spot en Ubuntu 10.10. L’aplicación desendólcala Yorba y distribúise baxo llicencia LGPLv2.1, y yá ta disponible pa descarga. Por supuestu, tamién ta disponible n’asturianu.

Pa instalalu, abrimos una terminal y escribimos:

sudo add-apt-repository ppa:yorba/ppa

y dempués:

sudo apt-get update && sudo apt-get install shotwell

Carauterístiques:

• Podemos editar les semeyes ensin perder los cambeos na imaxe orixinal
• Axeitar les semeyes por tags (etiquetes) y eventos
• Meyora de les imáxenes…

• Posibilidá d’espublizar les semeyes direutamente en Flickr, Facebook, Picassa… etc. Esto ye mui útil, por exemplu, pa los editores d’esti blogue 😉

• Retoque de güeyos bermeyos…

…asina como usar un editor de semeyes esternu como GIMP, meyora de la lluminosidá de la imaxe dende’l propiu Shotwell, categorizar por eventos, información sobro la semeya (esposición, llonxitú focal, data, hora, ), presentación de diapositives, etc.

En Fedora 13, que como sabéis, tamién esiste en llingua asturiana, yá inclúin esti xestor de semeyes por defeutu. Pel momentu va teniendo pequeñes meyores cada selmana, pero los cambeos son mínimos. La integración con Gnome ye total, y el proyeutu ta xestionando los caberos retoques pal so llanzamientu en Ubuntu Maverick. Entá hai coses por meyorar, dalguna traducción, por exemplu (darréu que tán en continu cambéu), asina que si vos animáis, podéis ser de muncha aida 😀

Por supuestu, el reconocimientu de los preseos dixitales que coneutemos al nuesu PC ye dafechu automáticu, (eso ye gracies a Ubuntu), y con Shotwell nun diba ser menos.

…a esfrutar 😀

Nel programa A Contracorriente (de la mitá al final) de Radio Kras entrevisten a Xandru Armesto de Softastur, sobro qué ye eso del Software Llibre 🙂

Pa oyilu calca equí o na so web tienes un reproductor integráu na web.