«
»

Grabar soníos del to PC

A vegaes, cuando nun sabes per ónde van los tiros, les coses más cencielles son les que más problemes dan…. Resulta que quería grabar el soníu d’un videu qu’alcontré restolando per Internet….. y nun sabía cómo facelo. Bono, pues foi que la tontería ésta llevóme un bon cachu hasta que dí con ello. Equí vos pongo cómo lo igüé (o cómo me funciona a mí)

Lo primero instalamos el programa PulseAudio Volume Control. Abrimos una terminal y escribimos:

sudo apt-get install pavucontrol

Fecho esto, vamos por partes:

  • Abrimos el videu o película de la que queremos grabar el soníu.
  • Abrimos PulseAudio, qu’alcontraremos en Aplicaciones–>Soníu y Vídeu:

Vamos a la llingüeta Configuration (llegaos a esti puntu, dicivos que entá nun hai traducción d’esti programa n’asturianu. ¿Quién s’anima?). Nella dexamos los valores como veis na imaxe, asegurándonos de que na llista de Audio internu, apaeza dalgún de los dos valores que vos pongo: Analog Stereo Duplex ó  Analog Stereo Output (a mí funcióname colos dos)

  • Ensin zarrar esti programa, abrimos el Grabador de soníu de Gnome: (en Aplicaciones–>Soníu y Vídeu)

Agora ponemos a reproducir el vídeu del que queremos grabar el soníu, y nel momentu que queramos qu’empiece la grabación, dámos-y al botón de grabar (l’iconu ye’l círculu bermeyu, como casi siempres)

Si l’indicador de nivel se mueve, ye bona señal 😀  Por si acasu, (o nel casu que nun se vos mueva’l nivel), na otra aplicación, vais a la llingüeta Recording que debiera tar funcionando, y calcáis en “Record Stream from” y aseguráisvos d’escoyer: “Monitor of Audio internu Analog Stereo“. L’indicador entamará a movese

Cuando queráis que dexe de grabar lo que tais reproduciendo, dais al botón de Stop del grabador de soníu y llisto! Namás nos falta guardar lo qu’acabamos de grabar. Vais a Ficheru—>Guardar como, y escoyéis el destín.

NOTES:

  1. siempres ye meyor guardar en formatu .ogg que n’otru cualquiera 😉
  2. Por si te lo tabes entrugando, el videu del exemplu ye ésti.

Que lo grabéis bien…

Esti artículu espublizóse'l 20 de Xunetu de 2010 a les 20 de Xunetu de 2010 y ta guardáu en Tutoriales, Ubuntu, Videos. Etiquetes: , , , .
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

9 comentarios al rodiu de “Grabar soníos del to PC”

  1. marquinos diz:
    21 de Xunetu, 2010 - 21:24

    Uhm… perbono pa grabar del Spotify 😛 Aunque meyor usar http://n-mp3.com/ast que te dexa baxalo 😉

  2. Miguel diz:
    22 de Xunetu, 2010 - 04:37

    Abrimos una terminal y escribimos:

    ffmpeg -i video.avi -vn -acodec vorbis -aq 60 sonido.ogg

    Y llisto. Un saludu.

  3. Astur diz:
    22 de Xunetu, 2010 - 09:57

    y pa pasar los videos de youtube a formatu .avi? Hai dellos manuales n’internet, pero nun son esautos (o polo menos nun funcionen con 10.04)

  4. Miguel diz:
    22 de Xunetu, 2010 - 12:02

    En Ubuntu 9.10:

    ffmpeg -i in.flv -sameq out.avi

    En 10.04 imaxino que va ser lo mesmo. Este ye un exemplu bien básicu, ffmepg tien munches mas opciones.

  5. astur diz:
    22 de Xunetu, 2010 - 13:34

    Yo conocía esto:
    ffmpeg -i in.flv out.avi
    pero nun me convencía, porque tenía muncha perda de calidá.

    Usando esto que tú dices: ffmpeg -i in.flv -sameq out.avi
    polo menos la calidá de video ye la mesma 😀 …pero en cuantes al espaciu, un .flv de 30,5 Mb pasa a ocupar 106Mb en .avi 🙁

    Y paez que hai dalgo de perda de calidá del soníu

    … nun acabo d’alcontrar el puntu mediu…

    (Agora toi falando concretamente d’esti vídeu: http://www.youtube.com/watch?v=J29SRnYUouQ , por si dalgún quier facer la prueba)
    Toi seguru que a Marquinos va prestá-y l’estilu de música

  6. Miguel diz:
    22 de Xunetu, 2010 - 18:48

    El problema col soníu ye que por defectu ponlo a 64 kb/s
    ffmpeg -i in.flv -sameq -ab 128000 out.avi
    -ab 128000 -> Audio Bitrate 128 kb/s

    La tema del tamañu, va ser cuestión de xugar coles opciones de ffmpeg. Camudar el codec, el bitrate, dar dos pasaes……

  7. Dangerous Piper diz:
    23 de Xunetu, 2010 - 09:14

    QUe necesidá tienes de convertilu a avi? ¿nun reproduces bien los flv?

  8. astur diz:
    23 de Xunetu, 2010 - 10:12

    El mio Ubuntu si. Nun tien problema. Pero’l DVD de sobremesa nun puede. Necesito grabar los videos nesi formatu, porque voi facer una fiesta satánica, y hai qu’ambientar la cosa 😀 😀 😀 Tas invitáu si quies… lleva daqué de sangre embotellao y una careta de políticu 😀 😀

  9. Dangerous Piper diz:
    23 de Xunetu, 2010 - 11:05

    Me pido Lastra! 😀 Yo pa eses coses (soi mui vagu) en cuantes doi col comandu que me presta faigo un script de nautilus, así calco con botón derechu nel ficheru en cuestión y escuyo la opción de conversión y llistu. Por exemplu pa aprovechar espaciu nel mp3 tengo uno que reduz la resolución de los videos al tiempu que m’enxerta los sotítulos nel propiu videu…