Payares 2006: La bolsa de Londres camuda a tecnoloxía de Microsoft. Como de costumbre, M$ coles sos falacies nos cunta lo bonos que son:

Ochobre 2010: Tres delles cayíes del sistema y pérdides millonaries, la bolsa camuda de nuevo a Linux. ¿Resultáu? 😉 ¡Adivinái!

Sólo hai una expresión perfecta: LOL!!!!

PD: Calca nes imáxenes pa dir a la noticia orixinal.

Elixe la to vida.

Elixe un trabayu. Elixe unos estudios. Elixe tener una familia. Elixe un equipu de soníu grande de coyones. Elixe programes de televisión “Sálvame Defrux” o de “Redex” con Eduard Punxete. Elixe la música que te preste, o la que menos-y preste al vecín. Elixe la prensa, PC’s, motos, coches, equipos de wifi y esprimidores eléctricos. Elixe vacaciones programaes n’autocaravana visitando tolos chigres. Elixe les tos fiestes y xintar hasta fartucase. Elixe a los tos collacios.

Elige’l to futuru.

Elixe’l to mundu,

…………………………..pero elíxelu tú, que nun lo decidan por tí.

¿porqué dibes tú querer vivir el to mundu coles condiciones y la llingua impuesta d’otros? ¿porqué dibes querer facer daqué asina?

La llingua y la llibertá son importantes. Tú elixes.

Dempués de la promesa electoral del presidente de la Xunta de Galicia, Alberto Núñez Feijóo de que’l so Gobiernu diba apostar pol Software llibre, la Xunta decide pasase’l software llibre pol forro de los webs. La Xunta va gastar más d’un millón d’euros nun contratu pol que va adquirir  8.000 llicencies de Windows y Office. Hai que recordar qu’eses llicencies nun son de por vida, sinón que duren namás un tiempu, y hai que volver pagales. Nel propiu contratu, la Xunta pacta los precios de les llicencies comprometiéndose yá a mercar un mínimu de nuevos productos enantes de 2013 arriendes de los que va adquirir nesti llote.

“….miña terra galega, donde el cielo es siempre gris.”

Fonte: Xornal.com

Yá ta disponible la versión 3.3.0 d’OpenOffice. Pel momentu namás ye la RC (release candidate), pero ye’l pasu previu a la versión oficial, que va llanzase nunos díes.

Esta versión trai nueves meyores nes aplicaciones, meyores traducciones, y bugs correxíos. Recordái que ta disponible en llingua Asturiana dende la versión 3.2.0

Pa los curiosos, tenéis qu’instalar primero el ficheru de la suite (n’inglés) y dempués instalar el de traducciones n’asturianu. Abrís Openoffice, vais a Tools, Opciones, Configuración de llingua, Llingües, y ehí escoyéis “Asturian”. Zarráis el programa y al abrilu yá tendréis too n’asturianu.

• Windows: suite ,  traducciones
• Ubuntu (32 bits): suite , traducciones
• Ubuntu (64 bits):  suite , traducciones
• Mac : suite , traducciones

Les instrucciones pa los .deb nel casu d’Ubuntu, tenéisles equí, recordái que ye la versión RC. La oficial saldrá nunos díes. 😉

Como siempre, si quies collaborar nel proyeutu, pues ponete en contautu cola xente que desendolca Openoffice, dende equí

Como yá sabréis, Edubuntu ye una distribución derivada d’Ubuntu empobinada a la educación. Probala ye tan fácil como instalar dende’l Centru de Software el paquete edubuntu-desktop (o ubuntu-edu-preschool, ubuntu-edu-primary, ubuntu-edu-secondary o ubuntu-edu-tertiary si se quier namái unu de los niveles).

Si nun se ta usando Ubuntu, pue descargase la imaxe iso d’un DVD que funciona en mou LiveDVD (puede arrancase dende’l DVD y nun camuda nin instala nada nel ordenador).

Pero espera, entá hai más. ¿Nun quies descargate un DVD sólo pa probar? ¡Ensin problema! L’Equipu d’Edubuntu presenta…

¡Edubuntu nuna sesión virtual en llinia! Esti enllaz va permitite probar de baldre Edubuntu durante dos hores, cola única condición de tener Java instalao nel to ordenador; da igual el sistema operativu qu’uses. L’únicu problema ye que namái pueden dar 10 conexones al mesmu tiempu… ten paciencia si nun consigues coneutate a la primera.

Más información nesti artículu de OMG! Ubuntu! o na web d’Edubuntu.

Fechu con Blender, Synfig, Openshot y ubuntu 10.10 maverick meerkat

Les compañíes importantes, tienen por vezu inorar a los sos oponentes cuando estos son pequeños. Una especie de: “Pa qué vamos falar d’ellos cuando nun pueden facenos un res: eso ye da-yos importancia y notoriedá cuando nun la tienen” .

Pero cuando l’oponente yá nun ye pequeñu y significa una amenaza, empiecen los ataques y arrebexos. Les mentires (o medies verdaes), son claves nesti procesu, denomáu FUD (n’inglés Fear, Uncertainty and Doubt, n’asturianu medrana, incertidume y dubia )

El Software llibre, nun tien mentires nin medies verdaes. Cenciellamente, ye tresparente y por eso nun s’engaña a naide. Cuando una compañía o UN GOBIERNU ataca al Software llibre, ye porque tien-y llercia, y entós ye cuando se saquen a los perros a lladrar, p’axorizar al personal.

Na cuenta de YouTube de Microsoft Office, acaben de xubir esti videu atacando a OpenOffice. Onde otros ven una ofiensa, yo veo MUI bones noticies. Esto namás se desplica porque Microsoft y los sos productos, faen más agües que’l Titanic, y claro, l’agua ta frío y mete mieu pa la cabeza 😀

Con 10 años d’esistencia, los nuesos vecinos galegos integrantes de Proxecto Trasno, persaben toles dificultaes qu’esisten nesta xera que nos ocupa: la traducción de Software a la nuesa llingua. Enfrentase a nuevos términos,… adautalos (si cabe) a la llingua,.. llocalizaciones, bugs (millones de bugs), anovamientos, revisiones, test-cases, más revisiones, QA’s, forks, llistes de corréu, discusiones-alderiques, coordinación, feches llímite a cumplir nos upstreams. Una braera llocura. Lo mesmo que Softcatalà (en Catalunya) y Proxecto Trasno (en Galicia), Softastur percuerre les mesmes siendes, y too pa construyir dalgo que creemos importante pal futuru de la nuesa llingua y de los nuesos fíos. Cola ayuda de toos y toes, tamos consiguiéndolo.

Gracies.

Curiosa la noticia que se ve nel videu nel segundu 23…

Non, nun ye 28 d’avientu, la noticia va en serio. Microsoft llanzó la mayor reparación de seguridá de la so hestoria, incluyíos los axustes al so sistema operativu Windows y al restolador web. La compañía, tamién aclaró que va iguar otres debilidaes de seguridá menos series en Windows, xunto con problemas nel so software Office…., bla, bla, bla…., pa facer más seguru’l sistema, …bla, bla, bla.

30 años colo mesmo, y entá nun espabilaron… 😀 Nun sé vosotros, pero yo la única manera que conozo de que nun t’ataquen los virus, ye nun usar Windows.

La única solución, ye esta:

[vía: LVA]

Güei, 13 d’ochobre cúmplese’l décimu aniversariu del llanzamientu d’OpenOffice, la suite ofimática llibre. Anguaño, soplen nuevos vientos de llibertá, de la mano de Document Foundation y el so proyeutu LibreOffice, del que yá falaremos. De toes formes, gracies OpenOffice, por tolo fecho y gracies Sun pol compromisu col software llibre.