De xemes en cuandu la xente escaez en qué se sofita’l software llibre: El software llibre tien el so pilar básicu na Comunidá. Y los que formamos parte d’esta comunidá, tenemos claro que los aspeutos éticos son fundamentales y el códigu de conducta nes rellaciones tien d’aplicase en toles situaciones.

• Sé respetuosu: Tol mundu pue facer contribuciones valoratibles. Non siempre taremos d’acuerdu, pero’l desacuerdu coles contribuciones d’otros nun ye escusa pa comportamientos y pallabres probes o despeutives que nun tienen cabida equí.
• Sé consideráu: el nuesu trabayu va a usalu otra xente, y a la inversa, dependemos del trabayu d’otros.
• Cuando nun teamos seguros, entruguemos: Naide lo sabe too, y nun s’espera que naide seya perfeutu na Comunidá.
• Sé collaborativu: d’esti mou minimícense los esfuerzos, y meyórase la calidá del trabayu. Internamente y esternamente, hai de tar siempre abiertu a la collaboración. El trabayu ha ser siempre tresparente, y hai d’involucrar a tantes partes interesaes como seya posible. Trátase de querer facelo.
• Cuando esista desacuerdu, consultemos a otros: Los desacuerdos, tanto sociales como téunicos, ocurren a toes hores y la Comunidá del software llibre nun ye una esceición. Ye importante resolver los desacuerdos o diferentes puntos de vista cola ayuda de la Comunidá y dialogando, pero muncho más trabayando xuntos.

El software llibre ta fechu por y pa persones llibres. Toles opiniones son bienveníes, y muncho más les collaboraciones. Recuerda que’l trabayu ye voluntariu y tamos esperando contar contigo. Xuntos podemos facer munches coses.

Al día siguiente ya tenemos fecha la versión portable de Firefox 4 😀

Podeis usala por exemplu na Mochila Dixital d’Educastur.

Les ventaxes de la versión portable son munches:

• USB: Puedes llevar Firefox nun llápiz USB calteniendo les tos preferencies (contraseñes, marcadores, botones…).
• Ensin privilexos: Puedes executalu nun ordenador onde nun tienes permisos pa instalar programes (por exemplu nel trabayu, nel colexu…).
• Nun camuda nada nel sistema: Si tas col ordenador de tos padres, trabayu, colexu… y nun quies/puedes instalar un programa por si s’estropea dalgo o inclusu que ya tea otru Firefox n’otra llingua, podrás usar la versión portable.
• Nun dexa claves o perfil: Nun guarda datos de navegación, contraseñes, cookies… nel ordenador, sólo na carpeta onde ta descomprimíu

Esta versión pa Windows que t’ufrimos nun ye oficial, garramos la versión portable y usamos la torna de la versión oficial. Ficímosla porque pa dalgunes persones y/o en dalgunes situaciones, la versión portable ye perútil o inclusu necesaria

Pa usala ye bien fácil: baxa esti ficheru ZIP, descomprímilu onde quieras (Nun USB, escritoriu, raíz…), accedes a la carpeta FirefoxPortable y executes en Windows el ficheru FirefoxPortable.exe cuando y onde quieras

Resume de too esto:

• Formatu: Portable
• Versión: 4.0
• Llingua: Asturianu
• Sistema operativu: Windows

Dempués de 3 años de desendolcu dende la versión 3, Mozilla espubliza la versión final de Firefox 4 😀 Anguaño, ún de los meyores restoladores web.

Podéis baxalu n’asturianu dende la direición oficial equí.

Les meyores son grandes na interface:

• Llingüetes d’aplicación: Llingüetes siempre accesibles coles tos webs preferíes.

• Menú compactu.

• Llingüetes na parte cimera de la ventana.

….o baxo la barra de direiciones:

• Xestor visual de llingüetes mediante Panorama.

• Nuevu xestor de complementos.

• Nueva ventana de direiciones intelixente.

y muncho más que nun se ve:

• Velocidá d’arranque: La sensación ye d’aniciar 6 vegaes más rápido que Firefox 3.

• Muncho más llixeru.
• Sofitu nativu del códec WebM y WebGL 3D.
• Sofitu del nuevu HTML5 onde esperimentarás un nuevu mundu cola web, pa exemplu, un botón.

• Sincronización de marcadores, historial, contraseñes ente ordenadores incluída oficialmente.

Ablucando cola potencia de WINE 😉 pero ¿qué quereis que vos diga? ¡Quédome con GIMP!

Y perfácil, sólo instalando WINE y baxando un Photoshop portable, nun fizo falta na más de lo que pon esti tutorial.

Y Photoshop ye sólo un exemplu de los miles de programes emulaos por WINE.

Pa los que nun lo sepáis, Escuela 2.0 ye un proyeutu d’innovación educativa que tien por oxetivu l’usu cotidianu de les TIC nes aules, según la propia Alministración.

Ente les midíes incluyíes nel proyeutu ta la entrega a los escolinos en quintu cursu de Miniportátiles como’l de la imaxe.

Estos miniportátiles traen arranque dual con Windows XP y Ubuntu 9.10 (Karmic Koala). La bona noticia vien porque según informa SUATEA na so web, la Conseyería ta acabante aceutar que Ubuntu venga yá cola llingua asturiana instalada nel ordenador (cosa qu’hasta agora nun pasaba).

Nós nun podemos más que felicitanos por ello y agradece-y a SUATEA la so iniciativa.

Y pa los que tais trabayando colos entregaos l’añu pasáu, equí tenéis un videu de cómo ponelos n’asturianu.

Fonte de les Imáxenes: Xarxa Tic

En sólo 5 díes… descubrirás una nueva manera de restolar…

Esti xueves 17 de marzu 2011, dende les 20:00 hores, nel chigre L’Ayalga (cai Prendes Pando, 17 de Xixón) va aldericase sobre Software Llibre y la Llingua Asturiana na  Tertulia Enrique García Rendueles a cargo de Softastur.

Van tocase los temes de qué ye software llibre y les posibilidaes qu’ufre a los asturfalantes.

L’actu tien entrada de baldre 🙂

http://asturiaslodicetodoelmundo.com

Va una selmana que The Document Foundation llanzó la campaña pa recoyer 50.000€ que sirviríen como fondu permanente de la Fundación. Güei ¡yá ta cubiertu l’oxetivu!

Munches gracies a tolos que contribuyereis p’algamar l’oxetivu; si entá nun vos dio tiempu, podéis collaborar pa llegar al siguiente finxu de la Fundación: 100.000€ que sirvirán pa publicidá, participación en conferencies o disponer d’una cadarma de hardware propia (güei les páxines de TDF tan corriendo n’ordenadores emprestaos por brOffice…)

Tamién hai bones noticies tocante a LibreOffice. El día 23 apaeció una nueva versión de LibreOffice, la 3.3.1 que pue descargase nesta páxina. Con esta versión apaecen delles novedaes, ente elles una meyor integración colos temes del escritoriu (incluyendo iconos en color). Los usuarios d’Ubuntu entá tendremos d’esperar dellos díes pa qu’apaeza nos repositorios.

De xuro que yá conocéis LibreOffice, la suite d’ofimática derivada d’OpenOffice.org.

Dende’l mesmu entamu, la xente que s’encargó de llevar alantre esta xera tenía l’envís de que’l gobiernu d’esta aplicación tuviere nes manes de los propios usuarios y pa ello se creó The Document Foundation, una fundación ensin porgüeyu que s’encarga de facilitar la evolución de LibreOffice.

Dende setiembre la Xunta Direutiva de la Fundación tuvieron valorando les opciones de constitución llegal de la Fundación y decidieron acoyer The Document Foundation a les lleis alemanes de fundaciones.

Pa facelo ye necesario tener un fondu de 50.000€, polo que la Xunta Direutiva de TDF fai un llamáu a que los usuarios sofiten la creación de la Fundación col so donativu. Na páxina de la campaña espliquen meyor cómo y por qué collaborar, incluyendo un enllaz pa facelo vía PayPal. Si prefieres facelo nel to bancu, estos son los datos de la cuenta:

Titular: OpenOffice.org Deutschland e.V.
Asuntu: The Document Foundation
Númberu de cuenta: 3497390
Códigu de bancu: 66690000
Bancu: Volksbank Pforzheim
IBAN: DE12666900000003497390
BIC: VBPFDE66


El llímite pa collaborar ye’l 21 de marzu y de momentu yá lleven recoyíos 34.000€; si se recibieren más de 50.000€ el sobrante ta previsto destinalo a los gastos de funcionamientu corriente de The Document Foundation.

Si uses LibreOffice, echa un gabitu pa sofitalu; sinón, ¡prebalu!… ¡Va prestate!