Recién actualizao Ubuntu de la versión 7.10 a la cabera 8.04, atopo’l problema de que nun furrula’l decorador de ventanes Emerald col Compiz.
Tras surfear un poquitín na web, la solución ye sencilla y rápida 😉

Na Configuración avanzada de los efectos d’escritoriu, nel plugin Window Decoration camudamos l’apartau Command por esta llínea:
/usr/bin/emerald --replace

Pesllamos y reiniciamos.
Ya tenemos Emerald a plenu rendimientu 😀

En prósimos posts, impresiones acerca del furrulamientu de Hardy Heron 😉

Novedá n’Ubuntu 8.04 Hardy Heron ye poder istalar dende Windows al INSERTAR el CD d’istalación o baxando sólo l’archivu d’istalación (aunque llueu baxará la imaxen dende Internet).
Probelu y el resultau fue ablucante 😀 Istáleslu y desistáleslu como una aplicación más de Windows ensín nengúna dificultá o problema.

Pa istalalu inserta’l CD d’Ubuntu tando en Windows, y automaticamente saldrá la ventana d’istalación. Si nun te sal vete a la unidá del CD y executa’l ficheru wubi.exe

Dexovos un vídeu cola istalación y desistalación completa dende Windows, con tolos pasos, pa si quies ver el resultau equí 😉

Un avance perimportante pa que la xente s’avere a esti sistema 😀
¡Animate a istalalu!

Ventaxes:
– Istalación / Desistalación facilísima dende Windows, perfecta pa usuarios con miedu a xugar coles particiones o Linux
– Nun toca la partición
– Nun fae falta que quemes un CD, aunque tendrás que descargar 700 megas de’Internet, nesi casu. Si tienes el CD d’Ubuntu ya te lu lleva 😉
– Ye Ubuntu tal cual, ensín derivaos.

Desventaxes:
– La istalación ye sobre FAT32, siendo preferible’l sistema d’archivos de Linux. Pero esti ye un mal menor.
– Nun llegues a independizar Linux nuna partición, colo que si en Windows un virus te fraya’l discu duru, perderás tamién Ubuntu al ser una carpeta dientro de Windows.

PD: Más tecnicamente falando, furrula de la siguiente manera:
Crea una carpeta nel raíz de Windows nomada Ubuntu.
Ehí guarda una imaxen d’el mesmu.
Modifica l’arranque (pero non modifica la partición) pa poder cargase él o Windows, con un menú grub, que carga la imaxen d’el mesmu.

Si lo desistales, el mesmu desanicia la carpeta que creó automaticamente c:\ubuntu y redireciona l’arranque a Windows, dexádote l’ordenador como taba 😀

Visto como istalar Google Earth, agora va un güevu pintu sobre el 😀

Podemos sobrevolar el mundiu con un avión, a traves de los mapes de Google.

Les tecles tan publicales en Google.

Revolviendo ente los CDs atopé un programa en formatu ISO. Esti formatu ye un archivu preparau pa grabar a CD, dexandolu afayaízu pa executar, pero por si sólu nun ye executable.

N’ubuntu tenemos les siguientes opciones de montar distintos tipos de archivu:

– ISO: sudo mount -t iso9660 -o loop imaxen.iso /home/usuariu/tapaponga

– BIN y CUE: bchunk imaxen.bin imaxen.cue imaxen.iso

– NRG (Nero Burning Rom): nrg2iso imaxen.nrg imaxen.iso

– MDF y MDS: mdf2iso imaxen.mdf imaxen.iso

– IMG: ccd2iso imaxen.img imaxen.iso

Remembra siempre que ye perconveniente desmontar lo montao anantes de estraelo. Pa ello:
sudo umount /media/imaxen

PD: Pa montar en un directoriu, hai que crealu previamente 😉
mkdir [ruta][/][directoriu]
Exemplu: mkdir tapaponga Esto creará un directoriu onde temos nomáu “tapaponga”.

Toles imaxenes esplicaes, menos la de ISO, necesiten tener cada programa istalau según la llista embaxo.
Pa ello executa esto na consola:
sudo apt-get install nome_del_programa
BIN y CUE: bchunk
NRG (Nero Burning Rom): nrg2iso
MDF y MDS: mdf2iso
IMG: ccd2iso

Güei voi facer una crítica a la Academia de la Llingua. Nun atalanto como nun adapta’l dicionariu no que cinca a los términos tecnolóxicos. Si bien ye perimportante documentar, normalizar y da-y puxu a les pallabres y espresiones tradicionales, nun son menos importantes los términos tecnolóxicos que nos caberos tiempos tienen muncho puxu.

Considero fundamental la torna (obviamente dende’l inglés, ya que son los Estaos Xuníos el país que crea y da-y xacíu a pallabres como hardware, software, interface…), nuna sociedá cada vegada más tecnolóxica (y ye que tanto pobres como ricos gracies a Areces pueden mercar un portátil ensín importar la renta per capita).

Ya que la llingua ye viva, se va adaptando y creando, sería una llástima que quedaren términos incorrectos por un usu mal dau por desconocimientu o por copia del castellanu… ¿Ye mur la torna correcta pa mouse? … ¿Ye calcar o pulsar una tecla?

Asturies ya perdió abondos trenes na so hestoria, y ye hora de nun perder otru más.

Cuando executes Virtualbox (val pa executar otru sistema simultaneamente), ponte les ventanes integraes na propia d’esi sistema.

Pero tien la opción de que les ventanes s’acoplen coles del sistema anfitrión (nesti casu Ubuntu), algamando coses como esta:

¿Como algamalo?Pues cuando tes executando Virtualbox calca la tecla configurada como Host (suel ser Ctrl de la drecha por defectu) y ensín soltala calques la tecla L.

Y alehop! 😀

PD: Pa volver al estau normal de Virtualbox, calca de nuevo Host+L 😉

¡Ablucante! Caeseme la baba disfrutando d’esta configuración n’asturianu 😛

El númberu de visualizaciones qu’incluye Ubuntu por defectu en Rhythmbox y Movie Player pueden decepcionar a más d’un.

Pero como too n’Ubuntu ye personalizable, vamos ponenos a la xera: Añadir más visualizaciones 😀

Pa ello istalamos el paquete libvisual-0.4-plugins dende consola o synaptic .

1.- Dende consola:

sudo apt-get install libvisual-0.4-plugins

2.- Dende synaptic busca esi paquete y istalalu.

¡A ablucar coles visualizaciones! 😀

Falta ya menos de mediu mes pa qu’asoleyen la versión 8.04 d’Ubuntu, nomada Hardy Heron 😀

Ya con ganes abondes de probala, remembro la qu’agora tengo: la 7.10, nomada Feisty Fawn.

Llevo con ella mediu añu, y ye ablucante la so estabilidá y robustez.
Entamu perrápidu del SO, toles aplicaciones van igual qu’el primer día, una integración de los repositorios envidiable.

Ye inevitable que me venga Windows XP a la memoria, sistema que nunca se llibró d’un formateu cada 8 meses, debido a la so inestabilidá y puxarra, con un rexistru corrupto dende qu’entames a istalar programes. Remembro que más d’una vegada tuve que volver a formatear recien formateau, ya que ya diba permal nel intre.

Nesti tema Ubuntu consigue un sobresaliente, demostrando una robustez envidiable 😀 ¡Fasta siempre Feisty Fawn! ¡Bienveniu Hardy Heron!!!