Robustez Ubuntu
Falta ya menos de mediu mes pa qu’asoleyen la versión 8.04 d’Ubuntu, nomada Hardy Heron 😀
Ya con ganes abondes de probala, remembro la qu’agora tengo: la 7.10, nomada Feisty Fawn.
Llevo con ella mediu añu, y ye ablucante la so estabilidá y robustez.
Entamu perrápidu del SO, toles aplicaciones van igual qu’el primer día, una integración de los repositorios envidiable.
Ye inevitable que me venga Windows XP a la memoria, sistema que nunca se llibró d’un formateu cada 8 meses, debido a la so inestabilidá y puxarra, con un rexistru corrupto dende qu’entames a istalar programes. Remembro que más d’una vegada tuve que volver a formatear recien formateau, ya que ya diba permal nel intre.
Nesti tema Ubuntu consigue un sobresaliente, demostrando una robustez envidiable 😀 ¡Fasta siempre Feisty Fawn! ¡Bienveniu Hardy Heron!!!
12 de Abril, 2008 - 02:34
Too eso y más pa con ello 🙂 Ya va pa un par de meses que-y puse KDE4 enriba de Feisty y seguía lo mesmo de fuerte… y paez que Hardy va siguir el mesmu camín, porque llevo 3 díes con la beta y va como la seda. Ya quisiera “l’otru sistema comercial” que tengo na mio máquina furrular como una beta de Ubuntu 😀
marquinos, si te (vos) interesa, ando rabilando por el proyeutu OpenStreetMap que, como’l so nome diz, ye un mapa llibre de cais y carreteres fechu n’andecha a base de datos recoyíos con GPS. Entá queda bastante por facer; pero los datos d’Asturies ya podríen usase bastante bien: http://informationfreeway.org/?lat=43.361451035752935&lon=-5.788759554340176&zoom=9&layers=B000F000F
Si queréis que vos cuente más coses, poneivos en contautu conmigo.
Saludinos