Acaben espublizase una tira d’iconos qu’amosen les llibertaes totales que tienes pa un software 😀

Estes son toles posibles llibertaes d’un software:

Y estes les llicencies coles llibertaes que xunten:

Agora saber la llibertá de cada llicencia ye muncho más fácil y ameno.

¡Ya finó’l cursu d’Iniciación a Ubuntu!

Acabamos de facer hestoria 😀 siendo’l primer cursu online n’asturianu, y demostrando’l potencial de Dokeos como plataforma de deprendimientu a distancia.

La verdá que foi un placer cuntar con tolos que vos apuntasteis, y esperemos que dientro poco volvamos a poder alcontranos n’otru cursu asemeyáu 😀

Tamién queremos animar a cualisquier organización que-y apetezca, a facer un cursu online n’asturianu de cualesquier xera, pa lo que por supuesto cuntará col nuestru sofitu  😉

Hebo una encuesta anónima pa quien quiso rellenala, onde cabe destacar estes rempuestes:

1. Al 88% de los alumnos/es presto-y muncho’l cursu.
2. Lo que más prestó foi:

3. Qué meyorar:

Inaguramos una nueva estaya en Softastur: Los cursos de deprendimientu online 😀

El primer cursu ye Iniciación a Ubuntu. Deprenderás con una plataforma online n’asturianu, na que tendrás un tutor que t’aidará nel duldes y seguimientu del cursu. Dispondrás de toles lleiciones dende l’entamu, foros, chat pa charrar col restu d’alumnos, wikis, compartir documentos ente los usuarios, apuntes personales…

El cursu ta enfocáu a persones con un conocimientu básicu de lo que ye un sistema operativu, ye dicir, saber qué ye un restolador web, saber cómo organizar los tos documentos… En xeneral, si tas acostumbráu a remanar Windows, nun deberíes tener problemes faciendo esti cursu 🙂

La so duración será dende’l sábadu 26  al martes 29 d’avientu 2009 (inclusive), (dao lo básico de los temes, ye posible qu’en 2 hores ya tu tengas deprendíu 😉 ), ye de baldre y damoste un diploma que reconoza que ficiste’l cursu si aprebes un esamen final (les feches pal esamen test de 15 entrugues será dende’l 28 d’avientu). Ente les feches de duración del cursu podrás entrar y estudiar nos díes y hores que quieras 🙂

P’apuntate rexistrate en http://cursos.softastur.org, y automatriculate nel cursu (si t’apuntes revisa el corréu puxarra, que Gmail insiste en meter los correos de la plataforma ehí xD).

Estudiaremos:

• Definiciones
• Recorríu per Ubuntu:

1. Aplicaciones
2. Llugares
3. Sistema
4. Área de notificaciones
5. Panel inferior

• Cambeos nel sistema

1. Controladores
2. Amestar/Quitar programes
3. Anovar Ubuntu

• Configuraciones del usuariu

1. Fecha, llugares
2. Efeutos visuales
3. Tema
4. Paneles

• Estras

1. Instalar codecs (música, películes, flash).
2. Xeres básiques.

Too esto ye gracies al software llibre, nesti casu Dokeos, qu’avera la llingua asturiana a la enseñanza más moderna. Y remembra que con instalar Dokeos nun sirvidor, ya puedes criar una plataforma de deprendimientu online n’asturianu propia :D.

Pa cualisquier dulda, entruga nos comentarios.

Si llees tarde esti artículu, y quies entamar col cursu ya entamáu apuntate ensin problemes 😉

Tai sollertes… 😀

“La Llista de Sinde” ye una campaña en rempuesta a la intención del Estáu Español de criar una comisión censora nel Ministeriu de ¿Cultura? con potestá pa zarrar y bloquiar webs ensin previa orde xudicial. La Coalición de Criadores ya Industries de Conteníos entregó al Ministeriu de Cultura una llista de 200 webs que según el so criteriu deberíen ser censuraes inmediatamente…

“La Llista de Sinde” recueye un llistáu de les páxines web que s’autoinculpen d’intercambiar cultura llibremente mediante la integración d’un guetador de baxaes. L’oxetivu ye responder con esta nueva llista d’otras 200, 2.000 o 20.000 páxines web que’l Gobiernu debería tamién censurar pola mesma razón: compartir cultura. Fasta agora, los xueces siempre nos dieron la razón nesti sen, pero si’l Gobiernu consigue poder zarrar y bloquiar webs ensin una orde xudicial previa, tendrá que dir tamién a por toles de nós. ¡Agora la Rede actúa, xúnete!

Cómo furrula la campaña ye mui cenciello:

1. Inclui na to web un de los guetadores de baxaes que proponemos. Puedes velos na so web. Sólo tienes que cortar y apegar el códigu que aparez calcando nel enllaz “Pulsa aquí para ver código”. Una vegada incluyíu, cualisquier persona podrá guetar baxaes dende la to web.
2. Inscríbete en “La Lista” rellenando el formulariu.
3. La Llista entregaráse al Ministeriu de Cultura y a la Secretaría d’Estáuo de Telecomunicaciones y pa la Sociedá de la Información (Ministeriu d’Industria).

¡Xúnete!

Y remembra que compartir cultura ye llegal 😉

PD: Entama Hacktivistas.net, y sofitamos toos ¿non? 😉

Yá tol mundu conoz Twitter, el famosu microblogging gratuitu. Pero güei yo voi falavos d’un veceru pa Twitter que podemos usar en Ubuntu: Twitux

Como la mayor parte de los programes qu’equí vos amosamos, tien la ventaxa de poder usalu na vuestra llingua. Pa instalalu (cola versión karmic), ye bien cenciello. Como siempres, vais a Aplicaciones—>Centru de Software d’Ubuntu, y na caxa de gueta, ponéis Twitux . Siguiendo les indicaciones, y en dos pasos más, tendréislu instaláu. Fecho esto, vamos a Aplicaciones–>Internet—>Twitux , el programa abriráse y entrugaranos el nuesu nome d’usuariu y contraseña pa coneutanos al serviciu de microblogging

Y yá lo tenemos. El programa deteutará los nuesos contautos, y amosará una llista au podemos ver los mensaxes y notes de los nuesos collacios, y dexá-yos les nueses. Y too n’asturianu 😉

Nota: Ye posible que nun se vos instalen les traducciones n’asturianu (la torna ye bien reciente, y launchpad tarda unos díes n’ufrila). Nesi casu, descargáis esti ficheru: twitux.mo y como siempres, metéislu na carpeta:

/usr/share/locale-langpack/ast/LC_MESSAGES

faciéndolo con permisos de root. Si nun sabes cómo pegar un ficheru con permisos de root, desplicámoslo al final d’esti artículu . Si entá tienes dubies, entruga nos comentarios 😉

Ún de los aspeutos qu’intenta trabayar Ubuntu, ye’l de la cosa gráfica. Paez lóxico, que si cada 6 meses s’espubliza una versión nueva con nuevos cambeos, seya yá la hora d’un arranque “distintu” y más amable. Nel Ubuntu Brainstorm, podemos atopar una de les suxerencies más votaes, que ye ésta:

Pero paez que tien pinta d’apaecer (si s’aprueba) n’ochobre de 2010.

… a mí préstame 😀

Saludos.

¿Si McDonald’s ufriera los sos menús a 0.50€ tamién deberíemos da-y la xestión de los comedores escolares?

Paul Llop, en referencia a los portátiles con Windows nes escueles.

Vía: PillateUnLinux.

Presentovos una sociedá virtual: TuEntidad. Un exemplu de la web 3.0

Bono, lo primero será esplicar que ye una “sociedá virtual”: Nuna rede social tolos usuarios tienen un atributu en común (universitarios, asturianos, golosones del chocolate…), mientres que en TuEntidad hai multitú d’atributos.

El so potencial ye: Incorporar les funciones propies de la vida real nun mundu virtual. Hai entidaes -usuarios, empreses, asociaciones, organismos, etc, que pueden intercomunicase de delles maneres. Estes formes de comunicación van dende un simple mensax priváu, pasando pola espublicación de medios -imáxenes, vídeos, chat, soníu, etc-, fasta la retresmisión de toa triba d’información dixital.

Los desendolcadores web podrán criar les sos propies páxines web incluyendo’l visor (lotienes), pero calteniendo siempre los mesmos datos de les páxines oficiales. Y ye obra d’asturianos

Les mios películes informátiques preferíes son (redoble de tambor…):

1. Antitrust: La única peli que ví que cumple en too respeuto al tema informáticu. Incluso veremos GNOME nos ordenadores y la consola de comandos 😛 Aunque pasó fae años pelos cines desapercibida.
2. Hackers 2, TakeDown: La hestoria de Kevin Mitnick.
3. WarGames: Una peli que m’impactó de neñu.
4. Pirates del Silicon Valley: Medio documental, medio peli. Mui prestosa.

¿Zarrará Sinde Tapaponga por enllazar a conteníos llegales???