Si tenemos delles semeyes y queremos teneles nun PDF, lo más fácil ye automatizalo con Imagemagick 😉
Primero instalamos imagemagick:
sudo apt-get install imagemagick
convert *.png .jpg
convert *.jpg test.pdf
Vía Maki Makintus.
Como cuenten nesti filu de los foros d’Ubuntu, va dellos díes qu’apaeció en Gnome Look un supuestu curiapantalles pal escritoriu Gnome. El programa apaecía como un paquete .deb, que ye’l que usa l’instalador en sistemes Debian y deriváos (como Ubuntu), pa instalar nel sistema con permisu de superusuariu… y darréu instalábense dellos scripts que nun teníen que ver con un curiapantalles.
Hai que lo dicir milenta vegáes: el software que vien nos repositorios oficiales d’Ubuntu da pa facer el 99% de les coses que-y pueden pruyir a cualquier usuariu. Enantes d’instalar un paquete .deb qu’atopes per ayuri hai que tar bien seguru de que:
Nesti casu, sicasí, l’efeutu nun fué seriu: el paquete yá se quitó del sitiu y desaniciar los scripts ye cosa de siguir les instrucciones del filu de los foros. Pero ye un avisu de que tenemos de tar sollertes coles coses que metemos nel ordenador y siguir los conseyos de seguridá básicos.
Pa tener Internet contratamos un proveedor, esti asignanos una IP que nos identifica n’Internet… Pero tamién nos proporciona dos sirvidores DNS imprescindibles pa resolver los dominios que solicitamos… El mio proveedor ye bastante cutre, toi embaxo un puto proxy (creo que ye illegal), y a vegaes la conexón dexa bastante que deseyar, sobre too en baxaes P2P y resolviendo dominios.
Agora Google ufre a los usuarios los sos propios DNS. Yo acabo probalos, y noto que la petición a páxines web va bastante meyor.
Los DNS son:
Vía: Barrapunto.
Estos artístes quieren criminalizate por baxar la so música, lo cual ye totalmente llegal.
¿Qué meyor que nun volver a escuchalos? Nin mercar CDs, nin baxalos enxamás.
Alberto Comesaña
Alejandro Sanz
Alvaro Urquijo, Los Secretos
Amancio Prada Prada
Ana Belen
Ana Torroja
Andres Calamaro
Antón García Abril
Antonio Carmona
Antonio Meliveo
Antonio Orozco
Beatriz Luengo
Benito Kamelas
Buika
Burning
Calle Paris
Carles Benavent
Carlos Chaouen
Carlos Narea Productor
Celtas Cortos
Conchita
Dani Martin – El Canto Del Loco
Danza Invisible
David Demaria
Diego Amador
Duo Dinamico
Dyango
Edurne
Efecto Mariposa
El Muro De Berlin
Emilio Jose
Enrique Bunbury
Felipe Campuzano
Fernando Trueba Director Cine
Francisco Belver Mercader Músico-Director Banda Buenafuente
Grupo Asfalto
Hnos. Muñoz – Estopa
Jaula De Grillos
Javier Limon
Joan Albert Amargos Compositor
Joan Valent Compositor
Jordi Pujol Casademunt
Jose Miguel Carmona Guitarrista
Kim Fanlo – Nena Daconte
La Oreja De Vang Gog
Labuat
Las Supremas De Mostoles
Lichis
Loquillo
Luis Cobos
Luis Eduardo Aute
Mago de Oz
Malú
Manolo García
Marc Parrot
María Villalón
Marina Rossell
Marlango
Martirio
Melocos
Melocos
Miguel Bose
Miguel Ríos
Monica Naranjo
Nacho Campillo
Nicolas Vallejo-Nagera
Obk
Pabloperea
Pedro Guerra
Peret
Pereza
Poncho k
Presuntos Implicados
Rosario Flores
Sidecars
Sidonie
Siempre Así
Suburbano
Tamara
Teresa Berganza
Vega
Vicky Larraz
Victor Manuel
Xabier Muguruza
Fecha actual, 15 d’Ochobre 2011:
Sentimos abondo despedinos, pero la SS del Ministeriu de Cultura acúsanos de plaxiar 3 semeyes con drechu d’autor.
Qué nós usemos semeyes, videos, soníos con llicencia llibre (Creative Commons) nun foi suficiente pa que se nos colaren 3 semeyes con drechu d’autor, garraes del períodicu que nun vamos dicir equí. Nel plazu d’unos díes, al agospiador de la nuestra web llegarái un comunicáu pa que torgue Tapaponga al mundu.
Agora quédanos denunciar pola vía xudicial esti atropellu, seguramente nunos 3 años salga la resolución y podamos volver abrir.
Foi un placer tar con vosotros, fasta siempre.
Copia de la circular que recibimos:
Estimado señor asturḷḷale:
Le apercibimos de que tras la incoación del expediente administrativo 292/2011/kk abierto por esta comisión, hemos descubierto que en su blog recoge 3 fotografías sujetas a derechos de autor protegidas por este órgano, por lo que procederemos en el plazo de 15 días a partir de la recepción de la presente carta certificada a la supresión de su dominio y a la consecuente baja de todos sus contenidos de la red.
En vista de que su blog no tiene fines comerciales no hay asociada a este expediente sanción pecuniaria alguna.
Firmado: Comisión designada por el Ministero de Cultura de España.
Esto ye sólo una simulación de lo que pasará si s’aprueba la Llei d’Economía Sostenible (idega garrada de NetoRatón 3.0).
Aunque te pareza irreal, ¡ta a la vuelta la esquina! ¡Llucha! Güei concentración n’Uviéu. ¡Por una Internet Llibre!
No se va a cerrar nada, ninguna página web ni ningún blog (…) ya digo que no, bajo ningún concepto.
¿Entós? ¿¿Pa que vas criar una Gestapo d’Internet??? ¿Ye otra falacia de les tuyes como quitar los impuestos de l’Autopista del Güerna?
Güei, taré escontra tí y el to partíu coles sos polítiques de drecha na concentración d’Uviéu. ¡INTERNET LLIBRE!
Pa que nun vos engañeis tamién dexó cayer ayalgues como esta:
Hay que proteger la propiedad intelectual porque si no se hace, “se acabará”, al igual que la “fuerza intelectual”.
[Para autorizar el cierre] Tiene que tratarse de paginas donde se hacen descargas ilegales y pensadas sólo para hacer descargas ilegales
Zapatero.
Ye dicir, a los gobernantes molesta-yos la época na que la cultura ta al alcance de cualquiera de manera perfácil y de baldre.
Y remembravos qu’actualmente baxar películes y música ye llegal, quieren criminalizar una de les llibertaes más importantes qu’enxamás esistió: Internet. Además ¿Quién decidirá qué web/blogs/medios zarrar? Una comisión del propiu gobiernu de turnu, oseya una Gestapo, que si nun-y gusta la to web, tendría tolos drechos de zarrala ensin decisión xudicial.
Nes prósimes eleiciones, hai que dexá-yoslo bien claro.
PD: Asina se ríen de nos.
Concentración en defensa de los drechos fundamentales n’Internet, escontra la Llei d’Economía Sostenible:
Uviéu Vienres 4 Avientu – 20:00 hores. Frente a la Xunta Xeneral del Principáu. [Ver mapa]
Consiguieron que cada vegada que merques un CD, un MP3, un móvil…, pagues un CANON. ¿Por qué? “Porque yes un pirata”… ensin más. Ensin xuicios previos.
Y consiguiéronlo ensin xuicios. Agora quieren qu’un “comité” (formáu polos mesmos del canon) tenga potestá pa zarrar páxines web. Tamién ensin xuiciu. ¿Quien ye naide d’esi comité pa decidir si ésta páxina o ésta otra ta cometiendo delitu? ¿Son xueces? Los sitios P2P yo úsolos pa descargar documentación, apuntes, software llibre,… non too ye música. Que tamién la hai, … y llibre.
Esi comité, ¿a quién defiende? ¿al autor, d’una obra? Tengo entendío que los autores ceden los drechos a les discográfiques. L’autor nun gana más o menos perres pel númberu de CD’s que venda, porque véndelos la discográfica, non él. O seya, que trátase de defender a les discográfiques, que paez ser que col CANON nun-yos valió. Claro, porque los grandes tienen la so propia discográfica. Los artistes “piquiñinos”, que faigan “bolos” pa ganase’l pan. Los grandes, tienen la so propia discográfica y quieren dar un únicu conciertu, y lo demás vivir de les RENTES.
Un arquiteutu, tamién ye un artista. Y nun te cobra cada vegada que mires les torres KIO, o la ponte de Sevilla de la Expo, o’l Pirulí. Pero volvamos al fechu principal: un “comité” va a decidir si les páxines han zarrase o non!! ¿Decidiránlo mentantu tomen un café? ¿Al ritmu de la música con drechos d’autor? ¿A lo xole? (Mamina, pa que me meteré yo nestos xardines… seique mañana, si nun-yos presta lo que digo nesti blogue, tamién quieran zarralu. Bono, nun me paez que puedan, porque escribo n’asturianu, que “nun ye una llingua, y nun val pa comunicase“, y entós ye como nun dicir res ¿verdá Arestegui?)
Conclusión: ¿Pa qué queremos xueces? Si van a entamar a xorrecer los comités “xusticia-moral-ciudadana” al estilu Frente de Salvación pero con Super-poderes de la xudicatura, mamina, que nos pillen confesaos.
Por too eso, mañana hai concentra en munches ciudaes del Estáu:
Concentración en defensa de los drechos fundamentales n’Internet:
Uviéu Vienres 4 Avientu – 20:00 hores. Frente a la Xunta Xeneral del Principáu.
Madrid (frente al ministerio de cultura)
Barcelona (plaça sant jaume – grupo en facebook)
…. mira’l restu equí
YO VOI.
Por favor, esparde la noticia nel to blogue, web, twitter, Facebook… ¡Gracies!
Más información equí.
Si nun sabes de que va esta imaxe, ye que nun t’enteresaste del Tsunami.
Última hora: Concentración escontra esta llei. Uviéu 4 Avientu a les 20.00h. Enfrente la Xunta de Principáu. Más información equí.
Cuntabalo mui bien El País por si quereis lleer la hestoria en formatu periodísticu políticamente correutu. Pa los políticamente incorreutos, les fontes son munches más. Milenta blogues, conocíos y desconocíos, protesten por un atentáu terrorista a la nuestra llibertá d’espresión n’Internet, que agora podría vese torgada cola escusa de la “salvaguarda de los drechos d’autor”.
La Llei d’Economía Sostenible sirve pa sofitar una industria obsoleta: La del CD.
Porque una llei que nun tenía nada que ver cola industria musical y audiovisual sirvió como tapadera d’una amenaza más propia d’estaos dictatoriales: zarrar servicios y sitios web ensin qu’heba un xulgáu pel mediu. Basta con que lo diga la SS (Seición Segunda) de la Comisión de la Propiedá Intelectual (designaos por un gobiernu qu’atenta escontra los drechos de los sos ciudadanos).
Si nun facemos na, tamos xugándonos la llibertá d’espresión…
Rellacionaos perinteresantes de lleer:
Una bayura de medios dixitales y blogues n’España, ente los que s’alcuentra Tapaponga y Softastur, vienen acabantes d’asoleyar un manifiestu na defensa de los drechos fundamentales n’Internet y escontra la llei d’economía sostenible del Gobiernu qu’ufre al Ministeriu de Cultura la posibilidá torgar una páxina web ensin intervención xudicial.
Manifiestu “Na defensa de los drechos fundamentales n’internet”
Por mor de la inclusión nel Anteproyeutu de Llei d’Economía sostenible de modificaciones llexislatives que cinquen al llibre exerciciu de les llibertaes d’expresión, información y el drecho d’accesu a la cultura al traviés d’Internet, los periodistes, bloggers, usuarios, profesionales y criadores d’Internet manifestamos la firme oposición de nós al proyeutu, y declaramos que…
1.- Los drechos d’autor nun puen allugase penrriba de los drechos fundamentales de los ciudadanos, como’l drechu a la privacidá, a la seguridá, a la presunción d’inocencia, a la tutela xudicial efeutiva y a la llibertá d’espresión.
2.- La suspensión de drechos fundamentales ye y tien que siguir siendo competencia dafechu del poder xudicial. Nin un pieslle ensin sentencia. Esti anteproyeutu, a la escontra de lo afitao nel artículu 20.5 de la Constitución, dexa nes manes d’un muérganu non xudicial -un organismu dependiente del Ministeriu de Cultura-, la potestá de torgar a los ciudadanos españoles l’accesu a cualaquier páxina web.
3.- La nueva llexislación fadrá xurdir inseguridá xurídica en tol sector tecnolóxicu español, perxudicando ún de los pocos campos de desendolcu y futuru de la nuesa economía, atapeciendo la criación d’empreses, inxertando torgues a la llibre competencia y ralentizando la so proyeición internacional.
4.- La nueva llexislación propuesta amenaza a los nuevos criadores y atapez la criación cultural. Con Internet y los sucesivos avances tecnolóxicos democratizose dafechu la criación y emisión de conteníos de toa mena, que ya nun provienen prevalentemente de les industries culturales tradicionales, sinon de bayura de fontes distintes.
5.- Los autores, como tolos trabayadores, tienen drechu a vivir del so trabayu con nueves idegues creatives, modelos de negociu y actividaes asociaes a les sos criaciones. Intentar caltener con cambeos llexislativos a una industria obsoleta que nun ye a adaptase a esta nueva arrodiada nun ye nin xusto nin realista. Si’l so modelu de negociu se basaba nel control de les copies de les obres y n’Internet nun ye posible ensin vulnerar drechos fundamentales, deberíen guetar otru modelu.
6.- Consideramos que les industries culturales necesiten pa sobrevivir alternatives modernes, eficaces, creyíbles y asequibles y ayafadices pa los nuevos usos sociales, en llugar de limitaciones tan desproporcionaes como ineficaces pa la fin que dicen perseguir.
7.- Internet tien que furrular de forma llibre y ensin interferencies polítiques alitaes por seutores que van a la gueta de perpetuar obsoletos modelos de negociu ya imposibilitar que’l saber humanu siga siendo llibre.
8.- Desiximos que’l Gobiernu garantice por Llei la neutralidá de la Rede n’España, ante cualaquier presión que puea producise, como marcu pal desendolcu d’una economía sostenible y realista de cara al futuru.
9.- Proponemos una verdadera reforma del drechu de propiedá intelectual empobinada al so fin: tornar a la sociedá’l conocimientu, promover el dominiu públicu y llimitar los abusos de les entidaes xestores.
10.- Na democracia les lleis y les sos modificaciones han aprobase tres del oportunu alderique públicu y consultando enantes a toles partes implicaes. Ye inaceptable que se faigan cambios llexislativos que cinquen a drechos fundamentales nuna llei non orgánica y que trata d’otra estaya.
Esti manifiestu, fechu n´andecha por dellos autores, ye de tóos y de nengún. Si quies xunite a elli, espardelu per Internet.
¡Amiéstate a la campaña replicándola nel to blogue/web! Les llibertaes nel futuru n’Internet n’España dependen d’esta llei.
Web/Blogues/Medios asturianos que sofiten esti manifiestu:
Si amestes el to blogue a la campaña, avisa nos comentarios p’amestalu equí 😉
Gracies a la torna d’AsturNews.
Recomiendo siguir les aiciones per Twitter: Edans.
Edición 3 Avientu: El Manifiestu ta siendo una rebelión de la blogosfera ensin precedentes 😀 ¡Vamos siguir puxando!
Edición 3 Avientu: La presión provoca una reunión ente blogueros más importantes y la Ministra de Cultura.
Edición 3 Avientu: El Ministeriu de Cultura: Oidos sordos na reunión.
Edición 3 Avientu: Internet entama un Tsunami d’opiniones.
Edición 3 Avientu: La llei ya tien nomatu: Llei de la Patada nel Router.
Edición 3 Avientu: Manifestaciones en varies ciudaes, una d’elles Uviéu.
Edición 3 Avientu: Crónica reunión cola Ministra.
Última hora: Concentración escontra esta llei. Uviéu 4 Avientu a les 20.00h. Enfrente la Xunta de Principáu. Más información equí.
Edición 4 Avientu: Asina se ríen de nós.
Edición 4 Avientu: Unidá sofita‘l manifiestu.
Ta pa Ponga agóspialu de baldre Altuxa.net | El conteníu ye propiedá de les/los autores © 2008 - 2014 
Ubuntu y Canonical son marques rexistraes de Canonical Ltd.