Yá se sabe’l nomatu en clave pal futuru Ubuntu 11.04: Natty Narwhal 😛 Que tornao sería Narval Elegante.

Y como frikada ehí va un videu dalgo rellacionáu… (cuidáu qu’envicia) 😛

Ayeri (18-agostu-2010) votóse l’aprobación n’Ubuntu ¡¡con tolos votos favoratibles!! La Comunidá Asturiana, ye la tercer comunidá aprobada del Estáu (tres castellanos y catalanes).

Nun ye cosa que se faiga d’un día pa otru. Cuando tamos a piques de cumplir 5 años del nacimientu del equipu de Traducción d’Ubuntu n’ast, lléganos esti regalín. Hai que dicir, que la comunidá d’Ubuntu-ast , tien el cometíu principal d’averar Ubuntu a la xente n’Asturies; pero nun ye esclusivamente p’asturfalantes sinón tamién pa los castellanufalantes d’Asturies.

Sicasí, dende Ubuntu-ast, convídase a toos a participar. La llingua nun ye una escusa. Esto ye Ubuntu y sois toos bienveníos.

Mui pronto nacerá’l meyor restolador web na to llingua… 😀

Ayer nel Xixón 5º40′ abluqué cola calidá de Xera. Yera la primer vegada que los veía en direuto y sólo hai una pallabra: ¡chapó!
Y ye que tresmiten ciñu polo que faen como mui pocos grupos. Ye un preste ver que la so llucha por una música llibre ye ún de los sos ideales cimeros. Una música na que na mio humilde opinión ta adelantada 10 años al so tiempu.
¡Felicidaes Xera! 😀

… escaezseme daqué… ¡OTRES TRES! 😀

PD: Si quies oyilos, na so web http://xera.eu tienes los 2 discos baxo llicencia llibre CC. Nun escaezas collaborar ¿cómo? baxándola, compartiéndola y/o mercándola 🙂

La distro orixe d’Ubuntu cumple güei 17 añinos. Si quies felicita-y el cumpleaños…
Equí mesmo

Edición 14 Setiembre 2010: Firefox ya ta n’asturianu oficialmente pa tolos sistemes operativos 😉 + info.

dalguna vegada t’entrugaste:

“… y eso de la Comunidá del Software llibre, ¿Cómo ye? ¿Cómo funciona? ¿Quién son esa xente?”

Esa xente, son xente como TÚ , hai desendolcadores, traductores, xente que documenta, probadores… y agora tienes oportunidá de ser un probador (betatester). Agora puedes facer daqué POLA TO LLINGUA, porque:

Necesítase tanta xente como se pueda. Vamos demostra-yos que la nuesa llingua tien abonda xente interesao nella. Tanto si uses Windows, como si uses Linux o Mac, NECESITÁMOSTE. Simplemente, PRUÉBALU, INSTÁLANDOLU nel to sistema operativu.

Equí tienes cómo facelo:

• WINDOWS: Descarga esti ficheru, ya instálalu
• UBUNTU: Descarga esti ficheru, descomprímelu, y executa’l ficheru de la carpeta denomáu “firefox“.
• MAC: Descarga esti ficheru, ya instálalu

Nos trés sistemes, dempués d’instalalu o executalu, verás que’l nome nun ye Firefox, sinón Namoroka. Nun t’esmolezas: esi ye’l nome en códigu que s’usa nes versiones avanzaes 3.6.x de Firefox. Esfruta de la esperiencia, y si atopes daqué raro (tornes males, diálogos nos que nun caben los botones o testos…) ponte en contautu con nos equí, pa igüalo de secute. Esa ye la to xera, probalu y atopar posibles fallos, la nuesa xera ye que tengas aína Firefox n’asturianu 😀

Los usuarios de Linux, tenemos munches aplicaciones Torrent pa usar: Ktorrent, Deluge, Transmission, rTorrent, qBitTorrent, Vuze..etc. Vamos, que nun podemos quexanos.

Pues na web de µTorrent, ficieron una encuesta pa que los usuarios aportaren les sos idegues… y aldovinái la ganadora:

“Facéi µTorrent pa Linux“.

Nel momentu qu’escribo esto, la idega tien 5.027 votos. Y ye más, yá tán trabayando nello

Equí tenéis la páxina de les votaciones

P.D. Por ciertu, que la segunda más votada, ye “Amestar el protocolu Anomos a µTorrent“. Yá vos falaré otru día d’eso. Prometío

Güei toca falar de Banshee.

Banshee, ye un reproductor de soníu y vídeu que vas poder instalar nel to Ubuntu ensin dengún problema. Tamién ta disponible pa Mac OS. Almite toa triba d’estensiones d’audio y puedes reproducir tamién videos *.avi. Pue reproducir ya importar CD’s d’audio, y ye quien a unviar les canciones que se reproducen pa compartir gustos musicales en Last.fm, ansí como la posibilidá d’escuchar la radio d’esti serviciu, y otres emisores, como les que s’ufren dende SHOUTCAST.

Lo primero ye instalalu 😀 , como siempre, dende Aplicaciones–>Centru de Software d’Ubuntu. Fecho eso, abrimos el programa, y calcamos en Multimedia–>Abrir conteníu multimedia. Dicímos-y au tenemos les nueses canciones y/o videos, et voilà, esti ye l’aspeutu qu’amuesa banshee:

El programa amuésanos los grupos de música nuna ventana coles carátules de los discos. D’esti mou, si queremos escuchar un discu en concretu, fáisenos abondo gráfico ya intuitivo la escoyeta. Na semeya, podéis ver que tengo activada la estensión o plugin pa last.fm que va suxiriéndome otros artistes, y los álbumes destacaos del grupu que tamos reproduciendo.

Tamién s’integra na bandexa del sistema:

Podemos ver los nuesos vídeos, y el plugin de Youtube, va faciéndonos otres suxerencies, que podemos reproducir en Banshee o nel Restolador Web qu’usemos

Tamién podemos usar el plugin de Wikipedia, el de les lletres de les canciones, y munchos más…

Tarás entrugándote: ¿Cómo amestar los plugins? Pues eso hai que facelo dende Synaptic. Abrís synaptic, ya instaláis esti complementu: banshee-community-extensions

…y dempués, nes preferencies de Banshee, na tercer llingüeta, alcontráisles:

…nun les probé toes, pero la estensión LiveRadio, inclúi toles emisores qu’ufre SHOUTCAST. O seya: Música ininterrumpío tol día!!!!! 😉

Recomiéndovos que lu probéis. Banshee ye llixeru y nun va dexavos indiferentes. Por dalgo Banshee ye’l reproductor qu’usa MeeGo 😉

Ah! escaecíaseme…..  ta tornáu al asturianu dende la versión 1.5. Ubuntu ufre dende los sos repositorios la versión 1.6.1, asina que nun hai problemes. Pero los complementos que fai la comunidá, tán toos n’inglés, asina que podéis echar un gabitu a ello cuando queráis.

¿Qué son les aplicaciones portables? Pues aplicaciones que puedes llevar nun pendrive, y usales en cualesquier ordenador Linux al que te coneutes, d’esti mou trabayarás siempres coles ferramientes que más te presten.

Si camientes que hai poques aplicaciones portables, equí te dexo una amuesa gráfica de lo que puedes alcontrar nesta web: http://portablelinuxapps.org/

Munches aplicaciones yá tán disponibles n’asturianu, VLC, Inkscape, Liferea, aMule, emesene, Pidgin, OpenOffice, Transmission, X-Chat, GIMP, Arora, Firefox, … pero otres entá non, ¿anímeste? 😉

La páxina sigui y sigui xorreciendo con más aplicaciones…. Gloobus, Blender, Audacity,… etc, esperemos que’l ritmu nun pare 😀

Nokia ya Intel, col sofitu de la Linux Foundation, tán organizando un eventu que puede dar bonos frutos al futuru sistema MeeGo. La MeeGo conference 2010 va facese ente los díes 15 y 17 de Payares nel estadiu Aviva de Dublin (Eire).

Esti eventu va destinase a los desendolcadores y contribuidores del sistema. Les inscripciones tán abiertes, y nel sitiu oficial del eventu, tienen un área de loxística au ye dable obtener información tocante a:

• Transporte aéreu
• Transporte públicu
• Pasaportes y visaos
• Entretenimientu
• Restaurantes
• Hoteles
• Tiempu

Bien pola Linux Foundation!

Más información na páxina del eventu: http://conference2010.meego.com/