Güei, xueves 23 de marzu, asoléyase puntualmente Ubuntu 9.04 nomada Jaunty Jackalope 😀

Descárgala de baldre equí

Nueva versión que lleva un bon garrapiellu de novedaes como estes:

• Nuevu sistema de notificaciones.
• Sistema de ficheros ext4: Que meyora munchísimo la velocidá del sistema.
• Nueves aplicaciones como Computer Janitor (pa llimpiar la caché).
• Nuevos temes por defeutu.
• Nuevo Boot Spash y ventana d’entrada.
• Kernel 2.6.28: Meyorada la xestión de memoria y tiempos d’arranque, xunto al mencionáu sistema de ficheros ext4.
• Gnome 2.26: Sofitu del protocolu MAPI de Microsoft pa Evolution, nueva utilidá de configuración de pantalla con soporte multimonitor, asignar comandos a grupos de tecles que’l usuariu quiera.
• Munches más aplicaciones tornaes al asturianu 😀

UBUNTU FÁCIL

Yá ta cerca el llanzamientu de Ubuntu Jaunty Jackalope 9.04. Pa toos aquellos que queráis pasar a la nueva versión, póngovos equí los pasos a siguir. Enantes d’entamar, nun taría de más recordavos que siempre ye aconseyable que tolos documentos importantes que podáis tener, los atroxéis en sitiu seguru. Normalmente, con copiar la nuesa Carpeta Personal y les sos subcarpetes, yá lo tendríemos fecho. Otres coses a facer:

• Compreba que tienes toles actualizaciones descargaes y aplicaes a Ubuntu 8.04 LTS ó 8.10 enantes d’anovar.
• Si tienes una versión d’Ubuntu anterior a Ubuntu 8.04 LTS, por favor, llee Installation/UpgradeFromOldVersion pa saber cómo facelo.

PRIMER MÉTODU: Anovar dende la Rede con 8.04 ó 8.10 (Mou recomendáu)

Afinando xestor de baxada… 😀

UBUNTU FÁCIL

Nesti post vamos ver cómo instalar esti fantásticu addon pal nuesu restolador web, que nos permitirá ver semeyes y videos tanto nel nuesu PC como n’Internet, tan prestosamente 😀

Bien. Lo primero tendremos qu’instalar Adobe Flash Player. Vamos a esta direición y como vemos na semeya, escoyeremos la opción .deb para Ubuntu 8.04 + , y llueu descargamos el ficheru. Ésti ficheru, una vegada descargáu, executámoslu con doble click y instalaráse automáticamente. Fecho esto, yá tendremos flash disponible.

El siguiente pasu ye instalar el addon de Cooliris pa Firefox. Vamos a la  Páxina web de Cooliris: y facemos click en Download Now

Lo siguiente, ye Permitir la descarga nel ventanu d’avisu que nos saldrá, Instalar el addon, y reaniciar Firefox. Estos procesos van guiaos ordenadamente, y son bien intuitivos.

Llisto!! Una vegada reaniciáu Firefox, veremos arriba a mandrecha, el iconu de Cooliris. Faciendo click nél, arrancamos l’aplicación.

Qu’esfrutéis.

P.D: Si nun vos convence y queréis desinstalalu, dende Firefox diremos a Ferramientes–>Complementos–> Estensiones, escoyemos Cooliris, y darémos-y al botón de desinstalar 😉

UBUNTU FÁCIL

Cuando nunos díes, los usuarios d’Ubuntu anoven el so sistema a Jaunty, podrán comprobar que la combinación de tecles CTRL+Alt+Retrocesu que sirvía pa reaniciar sesión, yá nun furrula. Esta función alcuéntrase desactivada de mou predermináu, quien quiera activala namás tien d’abrir el terminal o consola y escribir:

sudo dontzap --disable

y llisto 😉

Vía LoCo Team ast: https://wiki.ubuntu.com/JauntyJackalope/ReleaseNotes/ast

(nun veáis l’enguedeyu que se montó en www.meneame.net por esta piḥada ( http://meneame.net/story/gran-controversia-desactivacion-ctrlaltbackspace-nuevos-ubuntu ). Tampoco ye pa tanto..

Ñaz el LoCo Team d’Asturies 😀

Un LoCo Team (Local Community Team) ye un grupu oficial de Canonical, nel que les sos xeres son sofitar y promover l’usu d’Ubuntu nel ámbitu d’Asturies.

Les sos ferramientes p’algamalo ye la coordinación de los sos miembros per duana de:

• Llista de corréu
• Chat
• Foru
• Xuntances
• Eventos

Collaborará con Softastur intensivamente, siendo los eventos que faigan dambes asociaciones conxuntos.
La diferencia con Softastur, ye que Softastur ye un proyeutu empobináu a la torna al asturianu de software llibre, y el LoCo Team ye un proyeutu empobináu al espardimientu y sofitu d’Ubuntu n’Asturies.
El LoCo Team por supuestu sofita y promueve la torna d’Ubuntu al asturianu (la so llingua oficial), y diríxese a tola comunidá asturiana (asturfalante o non).

P’apuntate simplemente amésteste de baldre al grupu de Launchpad. Pa ser miembru activu hai qu’usar la llista de corréu, el chat #ubuntu-ast, ya intentar tar nes Xuntances (serán por IRC normalmente) ya Eventos 😀

Si tienes más duldes de lo que ye un LoCo Team, visita la FAQ oficial 😉

Menudu bautizu tuviemos esti 14 d’abril… inauguramos la sala #ubuntu-ast na rede Freenode!!

Había ellí más xente que nún striptis de la Pataky. Lo que pue considerase como un éxitu.

Pasa y contauta con nós! Entra a tomar un culín, y echamos unos cancios, (que nun s’entere la SGAE).

¿Cómo puedes facer pa entrar? Si uses Pidgin, o Xchat, namás tienes que escoyer el sirvidor Freenode (irc.freenode.com) y entrar na sala #ubuntu-ast. Calca equí pa tener más información sobre la configuración 😉

Si nun tienes cliente de chat, tamién puedes facelo vía web en Mibbit.

Tenemos estaya de fumadores 😀

UBUNTU FÁCIL

El 18 d’Abril Asturlinux cumplirá 10 años 😀

Remembravos qu’Asturlinux ye una asociación asturiana puxando por GNU/Linux n’Asturies. Faen charres, conferencies, sofitos  y bon trabayu altruista pol software llibre dende va un bon garrapiellu d’años.

Esti sábadu 18 d’abril n’Uviéu nel Centru Cultural de Caxastur, habrá delles charres perinteresantes a les que puedes asistir:

¡Dende equí, la nuestra felicitación! 😀 ¡Puxa Asturlinux!

El concursu del videu I’m Linux de la Linux Foundation que vos anunciamos fae meses ya tien ganador: What Does It Mean to be Free?

Aunque personalmente prestame abondo más el que quedó segundu: The Origin.