«
»

10 Años d’Asturlinux

El 18 d’Abril Asturlinux cumplirá 10 años 😀

Remembravos qu’Asturlinux ye una asociación asturiana puxando por GNU/Linux n’Asturies. Faen charres, conferencies, sofitos  y bon trabayu altruista pol software llibre dende va un bon garrapiellu d’años.

Esti sábadu 18 d’abril n’Uviéu nel Centru Cultural de Caxastur, habrá delles charres perinteresantes a les que puedes asistir:

¡Dende equí, la nuestra felicitación! 😀 ¡Puxa Asturlinux!

Esti artículu espublizóse'l 13 d'Abril de 2009 a les 13 d'Abril de 2009 y ta guardáu en Ensin clasificar. Etiquetes: , , , .
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

3 comentarios al rodiu de “10 Años d’Asturlinux”

  1. Fueya en blanco diz:
    14 de Abril, 2009 - 00:19

    Coime, pensé qu’aquello morriera… ¿Nun tendría sentíu que se xuntaren SoftAstur y AsturLinux ho?

  2. Dangerous Piper diz:
    14 de Abril, 2009 - 01:50

    Home son coses distintes, Asturlinux promueve’l software llibre y especialmente GNU/Linux. Softastur traduz (y promueve) software llibre (linux o non) al asturianu.
    Amás cuido (igual toi equivocáu) qu’Asturlinux ta compuestu principalmente por desendolcadores de software, mientres que Softastur (sacante una escepción) somos usuarios con mayor o menor conocimientos.

    En cuantes a les charres que van facer, prestaríame enforma dir (el trabayu nun me va dexar) anque namás que seya p’amosar apoyu y reconocimientu al llabor que faen dende va 10 años… (como pasa el tiempu). Yo toi soscrito a la so llista de corréu y la verdá ye que saben aconseyar y aidar a resolver problemes… amás la mio primer copia de Debian (5 cds daquella) facilitáronmela ellos, cuando la mio conexón a internet yera por modem a 56’6 kbps…

  3. astur diz:
    14 de Abril, 2009 - 09:33

    Sería bien guapo. De xuru nun hai problema por collaborar xuntos. Pero en Softastur tamos rellenando un güecu que había dende fai tiempu: Software llibre, y en llingua Asturiana. Hai muncha xente que lo demanda.

    Cuido que en Asturlinux ocúpense d’otres coses tamién importantes, y que son bones pa toos en xeneral, pero’l compromisu de Softastur ye pa cola llingua asturiana y la xente qu’entá tien dignidá en plenu sieglu XXI. Y esi compromisu ta perenriba de too.

    Sicasí, contautu sí que hai. Na install de Llangréu hubo xente d’Asturlinux.

    Y tamién, sinceramente, los mios conocimientos son llimitaos y un pocu a base de preba y error. Siéntolo muncho, Fueya en Blanco. Trabayamos muncho, pero yo nun doi pa muncho más 😉

    Ye lo qu’hai

    Saludos