Tapaponga cumple un añu

Güei fai un añu qu’entamó Ta pa Ponga, un añu con bien de novedaes pa los asturfalantes n’Ubuntu, y nel Software Llibre en xeneral. El 31 de xineru del 2008 dos frikis entamaron esta comunidá pa intentar esparder l’usu d’Ubuntu y aidar a la xente con dubies o problemes… un añu dempués, más d’ún cayó nes redes de GNU/Linux y nel blogue yá escriben cuatro frikis, hubo dos Install Party y la comunidá de Launchpad (proyeutu de traducción) aumento y meyoró enforma, recuperándose l’actividá de Softastur.

Amás l’Academia de la Llingua saco un cartafueyu vital pal trabayu que facemos, y ye d’agradecer tol sofitu que mos presten coles dubies que-yos plantegamos.

Pa rematar, la Xunta pola defensa de la llingua premió a tolos collaboradores de Softastur col Andrés Solar 2008 lo que ye una gran motivación pa siguir siendo geeks n’asturianu… 😛

Esperemos que pal 2009 podamos siguir medrando y meyorando ente toos, porque tamien yes parte 🙂

¡01000111 01110010 01100001 01100011 01101001 01100101 01110011! 😉

6 comentarios al rodiu de “Tapaponga cumple un añu”

  1. Merucu diz:

    Felicidades ohm!

  2. el xanu'l caborniu diz:

    Y que cumpláis…¡milenta!

  3. Ricardo diz:

    Norabona, como dicen los compañeros, felicidaes y que seyan munchos más que ye un gran llabor pa la comunidá lo que facéis. Gracies por too.

  4. astur diz:

    Gracies a toos vosotros. Agora tenemos una bona ferramienta, milenta vegaes meyor que la que pudieren ufrinos otros sistemes privativos, de baldre, y NUESA. Una sociedá con una llingua viva, constrúise d’esta miente, creéime. Usaila y faceila VUESA.

    Ah, nun toi d’alcuerdu colo de Frikie, yo defínome como un NECIU al serviciu de la llingua asturiana.

    ..y por munchos años.

  5. caxigalines diz:

    Norabona, y a pol segundu.

  6. luis diz:

    felicidaes y ánimo. una páxina excelente