Güei, restolando al debalu, cayí Nel Pozu la Pita, web agospiada en Geocities dende fae munchos años ya, y quedé señaldosu…

Echando-y un vistazu rápido, vienme a la mente los años nos que los internautes asturianistes reuníamonos nel #asturies-o-trabayes, sorrio remembrando como asturianicé les pantalles d’aniciu de Windows 98 o la primer vegada que ví’l Winamp cola interface n’asturianu 😛 O toles hores qu’eché programando l’aforcáu…

N’esa dómina, tamién ñacía la comunidá de Softastur col so enfotu nel software llibre, asoleyándonos la primer versión d’un restolador na nuestra llingua, demostrándonos que yera viable un ordenador n’asturianu 😉

Podemos dicir que ye la prehistoria de la informática n’asturianu. Veo cuanto avanzamos fasta l’actual sistema dafechu ya integru n’asturianu d’Ubuntu, la cantidá de xente que  collabora na torna y tola xente que vien a les Installs Parties, y llénome d’esperanza ante’l futuru ¡Esto marcha! 😉

Esti artículu espublizóse'l 21 de Mayu de 2009 a les 21 de Mayu de 2009 y ta guardáu en Ensin clasificar. Etiquetes: mozilla, nel pozu la pita, prehistoria.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.