Remanar documentos pdf

Güei preséntovos pdftk, una ferramienta pa remanar documentos en formatu pdf. Como dicen na so web: ‘Si PDF ye’l papel electrónicu, entós pdftk ye’l quitagrapes electrónicu, la perforadora, la encuadernadora, el descodificador secretu y les gafes de rayos X’. Pues emplegalu pa (combinar documentos PDF, dixebrar les páxines d’un PDF nun documentu nuevu, descifrar un documentu, cifrar el documentu resultante como te pete, desfacer un documentu PDF en páxines sueltes, informar de les carauterístiques del PDF, descomprimir y volver a comprimir páxines, reparar un PDF corruptu.

Podéis instalalu dende Synaptic o na terminal con:

sudo apt-get install pdftk

El funcionamientu ye pentemedies de llinia de comandos, tenéis exemplos na so web o podéis ver les instrucciones tecleando na terminal:

man pdftk

(Pa salir de les instrucciones calca ‘q’)

Un exemplu útil, si tienes dos documentos que se llamen 1.pdf y 2.pdf, abre la terminal y vete a la carpeta onde tienes los ficheros, una vez ellí escribi na terminal.

pdftk 1.pdf 2.pdf cat output total.pdf

Esta orde va crear un documentu llamáu total.pdf nel mesmu directoriu que tán 1.pdf y 2.pdf y que contién dambos nesi orde.

Tien munches más opciones como poner marques d’agua a los documentos, etc. Namás tenéis qu’esploralu un poco.

Salú y software llibre.

4 comentarios al rodiu de “Remanar documentos pdf”

  1. astur diz:

    Y de haber conocío yo esto enantes, tendría aforrao de xubir 19 Mb pa pasate un .pdf, cuando namás necesitabes 10 páxines de les 264,

    namái con facer:
    pdftk A=Ubuntu.pdf cat A41-51 output resultáu.pdf
    tendría que xubir namái 2 Mb

    Muy buenu el post. Nun hai versión gráfica GUI? ¡¡¡¡¡Marquinos!!!!!!

  2. Dangerous Piper diz:

    Hai delles GUI pero nenguna compilada pa Ubuntu o Debian… pero probaste PDF Editor… igual te val pa estes coses:
    $ sudo aptitude install pdfeditor (ye qt)

  3. Xandru diz:

    De toes formes si lo único que quies ye sacar unes fueyes del PDF pues facelo cola imprentadora PDF, díces-y que t’imprente namás que’l rangu esi y puntu (ye poco geek pero sirve 😉

  4. Dangerous Piper diz:

    que coses más rares faceis colos pdf… yo namás que los lleo ;P