Na llista de corréu d’Ubuntu n’asturianu dase anuncia del nuevu wiki de Softastur, que pretende ser una ferramienta pa la coordinación de traducciones y estandarización de términos informáticos.

Al tiempu pretende ser una web con documentación y recursos pa los usuarios del software n’asturianu.

Realmente, nun me propongo desaniciar Microsoft. Será un efectu collateral nun intencionáu.

Sólo los débiles faen copies de seguridá en cintes, los homes de verdá suben les sos coses importantes a un ftp y permiten que’l resto del mundiu faiga un mirror

Software ye como sexu. Meyor cuando ye “free” (Free tien los significados gratis y llibre n’inglés).

Un númberu infinitu de monos escribiendo en GNU emacs nunca faríen un bon programa.

Falar ye barato. Enséñame’l códigu.

Los que pueden, faenlo; los que non, sólo saben quéxase.

… Toes elles, frases de Linus Torvalds 😉

Pa quien nun lo sepa los ULPCs son portátiles de baxu coste, nos que’l fabricante (Asus, HP…) ufierta una tecnoloxía un poco antigua (pero de bona calidá) baxando abondo’l preciu y tamañu físicu d’un portátil.

Un exemplu ye qu’un portátil d’Asus (que tovía nun llegó a España) valdría unos 300€, mientres un portátil d’esi tamañu físicu val sobre 1200€.

Pa facer esto’l fabricante, como dicía, pon unos componentes que nun son la última moda. 1/2 Giga de RAM, 4 Gigas de discu duru internu, 800Mhz procesador… etc.

¿Llimitao? ¡Non! Calidá/preciu ye perinteresante. Y tema que nos interesa: Nun suelen ser máquines adecuaes pa correr un Windows XP al que-y Micro$oft ya-y puso fecha de retirada del mercáu por segunda vegada. Pero para un Linux, qu’esprime abondo l’hardware, ye más que de sobra. Encima, ante tan baxos costes, el fabricante ufierta la posibilidá d’escoyer sistema operativu preistaláu, pero claro, si quies Windows pagues la llicencia, que son unos 50€ más respecto a la versión con Linux. Falando de precios tan baxos 50€  jode gastalos 😉

Parez ser qu’esti ye un mercáu prometedor tanto pa los consumidores, los fabricantes, como pa nosotros, los usuarios de Linux.  Los grandes ya tan metiendose de cabeza, y saldrán d’equí a poco abondos portátiles.

Pero claro, Micro$oft nun se duerme, y ta viendo peligrar un mercau n’espansión, y ya movió ficha. Más bien movió 2 fiches:

1.- Quier que los fabricantes aumenten el discu duru y memoria.

2.- Casi regalará Windows XP pa esos portátiles.

A mi nun me parez demasiao mal que Micro$oft espabile, al fin y al cabo, ye una empresa, y tien que mirar los sos intereses.

Pero nun me presten dos coses (respecto a esta noticia):

1.-  Que dende’l so puestu monopolista, siga imponiendonos los sos programes, en base a estorsionar a los cagaines de fabricantes, nel que nengún atrevese seriamente a planta-y cara preistalando Linux de manera formal, a pesar de qu’arrasen cuando lo faen.

2.- Que tanto que llucha escontra la piratería, cobrando siempre a preciu d’oru los programes, agora que se-y escapa un mercáu emerxente, regalalu. Pero a ti, queríu/a llector/a, seguirá cobrandótelu percaru.

Resumiendo, Linux tien un camín perllargu per delantre. Ya nun sólo tien que saltar les zancadilles de Micro$oft, tamién les de los fabricantes por querer siempre llambe-y el culu a Micro$oft, como pol pésimu soporte de drivers.

Llevaba años ensín enganchame a un xuegu d’ordenador.

Remembro los años mozos col Spectrum y sala de máquines col vicíu al Double Dragon, Street Fighter, Pang…, tambíen el 486 de 33 Mhz, con unos xuegos bastante avanzaos pa la tecnoloxía disponible d’aquella.

Dempués llegó a la mio vida otru ordenador, un PC de 800 Mhz que duró fasta fae poco. Esti fizo que los vieyos tiempos enviciáu dexaren d’esistir, llegando a les mios manes xuegos abondo meyores en gráficos, pero… que nun me convencíen na adición y xugabilidá. Tamién ye cierto que la edad va aumentando, y atrayíame dedicame  a otres coses col ordenador, más qué a xugar.

N’Ubuntu hai xuegos perbonos (falaré d’ellos nun futuru), pero enviciame, enviciame consiguíolo fae poco Teeworlds. Y el viciu que te crea ye ablucante xD

El xuegu consiste en que yes una bola nun mapa bidimensional, con varies armes coles que matar al restu, tamién tienes un arpón col que puedes esguilar pelos techos. Y puedes xugar un toos contra toos o en modu de 2 equipos CTF, onde robar la bandera al contrariu (Pa mi el meyor).

Tien gráficos correctos, soníos simpáticos, pero la xugabilidá ya adición son grandísimos.
En primer llugar tienes que xugar conectáu, una desventaxa que se convierte en ventaxa, al ser toles bolines del xuegu una persona humana.
Cuestate un bon ratu adaptate a los controles, pero en cuanto lo faes, multiples la to adición.

L’ación ye mui rápida, y les animaciones, soníos que faen les bolines ye pa partise de risa, pa nel intre dir a vengate de quien te mató jajajaja

Si esto fuera poco, nun tien istalación, descargando un archivu comprimíu, que tras descomprimilu, executeslu y ¡carretera! Tamién ye open source.

PD: Alvertencia, anantes de ponete a xugar, prepara una bona cafetera 😉 La nueche puede facese mui llaaaaarga xD

Un de los programes más utiles pa Linux y a la vegada escaecíos (ya abandonaos) ye l’ayalga de qjoypad.
Esti programa permite asignar tecles del tecláu a tecles de un gamepad (un mandu de xuegos pal ordenador) de manera visual y cenciella.

La utilidá ye pergrande, ya que en Linux detecta bien el gamepad, pero pocos xuegos/aplicaciones tan configuraos pal gamepad

Esti programa puede simula-y a cualisquier aplicación eventos dende’l tecláu. Quier dicir: Asignes el botón 1 del gamepad a la tecla A del tecláu, y cada vegada que calques esi botón 1, Ubuntu creyerá que calcaste nel tecláu una A, unviándola a l’aplicación en primer planu.

Exemplos, munchos: Xugar con gamepad al xuegu que más te presta, ponete a ver una película y controlar el volume o avanzar/retroceder dende’l sofa col gamepad, ponete a oyir música y baxar el volume, avanzar canción…

El problema ye que ta un poco escaecíu y el paquete .deb de la web oficial nun istala bien n’Ubuntu, pero creé un paquete .deb dende’l paquete .rpm que se atopa na web oficial (fakeroot alien 😉 pa una cenciella istalación n’Ubuntu.

Puedes algamalu equí:

Pa istalalu (En consola):

sudo dpkg -i qjoypad_3.4-2_i386.deb
cd /usr/local/share/pixmaps/qjoypad/
sudo ln -s gamepad2-24x24.png icon24.png
sudo ln -s gamepad2-64x64.png icon64.png

Pa executalu:
Alt+F2
qjoypad

¡A disfrutalu ;)!

PD: Sobra dicir que’l gamepad tien que tar reconocíu pol sistema ¿non? 😛

Descubro pela web de Altuxa el poder añadir el motor de búsqueda del dicionariu de l’Academia de la Llingua Asturiana a Firefox.

Con ello puedes facer búsquedes perrápides de pallabres asturianes directamente dende’l navegador.

Simplemente calcando na web de Altuxa na opción Diccionariu de la Academia de la Llingua Asturiana, algamamos que na caxa de gueta de la drecha nel navegador Firefox, podamos consultar nel intre pallabres 😀

Creo qu’esto ye too obra de Dangerous Piper, ¡Milenta gracies nin! 😀

Ubuntu ye una distribución de GNU/Linux basada en Debian pa ordenadores d’escritoriu y pa servidores de baldre.
Da-y nome un conceptu africanu que significa lealtá ente les persones, cola creencia nuna conesión ente tolos seres humanos “Humanidá hacia los demás”.

Garró esti principiu pa intentar trasmitir los oxetivos y idegues qu’hai detrás del proyectu, formando el “Manifiestu Ubuntu”, resumiendose en:
1.- Será siempre de baldre, incluso la edición comercial, y toles versiones tendrán la mesma calidá.
2.- Incluyirasen les meyores tornes y opciones d’acesibilidá.
3.- Asoleyarase una versión cada 6 meses. Cada versión tendrá apoyu técnicu polo menos 18 meses.
4.- Comprometíu col desarrollu del software llibre.

Nel branu del 2004, organizose un grupu de desarrolladores de software llibre, que veníen d’otres distros, especialmente Debian, col oxetivu de crear una nueva variante de Debian resolviendo dellos problemes (restriciones polítiques nes nueves versiones, o la burocracia pa camudala).

Nel entamu nomose con gran orixinalidá: No-Name-Yet.com. Equí ye onde aparez Mark Shuttleworth, multimillonariu comprometíu col software llibre, al que-y gustó la idega y financiola, echando un gabitu con 10 millones de dolares, que valieron pa crear Canonical, que ye quien mantien viva la distribución y organización.
Anecdótico ye que www.no-name-yet.com sigue activo 😛 redirecionando a Canonical.

Fué’l 20 d’ochobre del 2004. Esi día too entamó… Mark Shuttleworth anuncia na llista de correu la primer versión pública d’Ubuntu, la númberu 4.10, nomada “The Warty Warthog Release” / “Gochu xabaz verrugosu”.
Esto vien de Debian, que ponía-y nomes a les versiones basándose nos muñecos de Toy Story, y Ubuntu pon-ylu d’animales + un axetivu xD El númberu vien del añu + mes.
4.10 – Warty Warthog 20 d’ochobre de 2004.
5.04 – Hoary Hedgehog 8 d’abril de 2005.
5.10 – Breezy Badger 13 d’ochobre de 2005.
6.06 (LTS) – Dapper Drake 1 de xunu de 2006.
6.10 – Edgy Eft 26 d’ochobre de 2006.
7.04 – Feisty Fawn 19 d’abril de 2007.
7.10 – Gutsy Gibbon 18 d’ochobre de 2007.
8.04 (LTS) – Hardy Heron 24 d’abril de 2008.
LTS significa Long Term Support, que ye un períodu de soporte prolongau.

Significativo ye que en sólo 4 años convirtiose por méritos propios, na distro más popular, respaldada por un gran númberu d’usuarios ya desarrolladores.

Tengo un scanner mui vieyu, tanto que ye d’una casa que lleva años ensin vender scanners. Conseguilu va unos 9 o 10 años al travies de KDJER. La verdá ye que toi contentu, fae el so trabayu y, pa les mis necesidaes, bastante bien.

Esti tipu de equipos, anque detectalos Ubuntu perfeutamente, necesiten un firmware pa funcionar, y pa eso vamos usar los drivers de windows 98. Necesitamos entos el cd orxinal colos drivers, o podemos baxalos dende la web d’Agfa.

Pa poder sacar el firmware necesitamos instalar wine usando Synaptic o escribiendo na terminal:

$ sudo aptitude install wine

Cuando tengamos instalao wine vamos a Aplicaciones>>Wine>>Configure Wine y na opción “Windows version” marcamos “Windows 98” aceptamos y instalamos los drivers en wine, a min valiome con calcar “Aceptar” en tolos pasos.

Agora vamos a Aplicaciones>>Wine>>Browse C:\ Drive y nel direutoriu Program Files/Agfa/ScanWise 2_00 copiamos el firmware, que n’esti casu ye SnapScan 1212U_2.bin, y lo pegamos nun direutoriu accesible por Ubuntu. Nel mio casu metilu nel mio direutoriu personal y renombrelu a .SnapScan_1212U_2.bin (al poner un puntín delantre el ficheru será ocultu).

Agora vamos quitar mierda del discu,  Aplicaciones>>Wine>>Uninstall Wine Software marcamos Agfa ScanWise 2.00 y calcamos Unistall.

Agora ye cuando tenemos que dicir a Sane onde ta’l firmware del nuesu scanner. Sane ye’l software col que vamos scannear n’Ubuntu, y vien instalao por defeutu, si non ye asina:

$ sudo aptitude install xsane

Abrimos una terminal y editamos el ficheru /etc/sane.d/snapscan.conf

$ sudo gedit /etc/sane.d/snapscan.conf

y na quinta llinea, editamos

firmware /home/usuariu/.SnapScan_1212U_2.bin

Guardamos y a scannear…

Recién actualizao Ubuntu de la versión 7.10 a la cabera 8.04, atopo’l problema de que nun furrula’l decorador de ventanes Emerald col Compiz.
Tras surfear un poquitín na web, la solución ye sencilla y rápida 😉

Na Configuración avanzada de los efectos d’escritoriu, nel plugin Window Decoration camudamos l’apartau Command por esta llínea:
/usr/bin/emerald --replace

Pesllamos y reiniciamos.
Ya tenemos Emerald a plenu rendimientu 😀

En prósimos posts, impresiones acerca del furrulamientu de Hardy Heron 😉