Esti xestor entró n’Ubuntu 8.04, y aunque por defectu Ubuntu ta configuráu pal xestor ALSA, ye perfácil camudar dende’l menu Sistema / Preferencies / Soníu al PulseAudio 😉

Con ello faes, que PulseAudio xestione tolos soníos. Ye muncho más potente y avanzáu qu’ALSA, pero convien instalar un paquete pa poder tener tol poder dende l’area d’iconificación.

Dende la terminal:
sudo aptitude install pavucontrol

Reiniciamos, y executamos Aplicaciones / Soníu y Videu / PulseAudio Device Chooser y apareceranos nel area d’iconificación un jack col que podemos facer coses tan interesantes cómo baxar/xubir el volume a delles aplicaciones 😀

PD: Esti xestor entró n’Ubuntu 8.04, y recibió munches crítiques por dar problemes en dalgún hardware. D’hecho sigue siendo ALSA’l xestor por defectu na 9.04. Usa esti artículu con cuidáu y sabiendo lo que faes 😉

Si te lies colos nomes clave d’Ubuntu o nun sabes que versión d’Ubuntu tienes 😉 lo más fácil ye dir al Xestor de recursos, pero si quies información un poco más detallada, executa na Terminal:
lsb_release -a

Llistará la versión tal que:
No LSB modules are available.
Distributor ID:   Ubuntu
Description:   Ubuntu 8.10
Release:    8.10
Codename:    intrepid


¿Tas perdíu con tantos plugins, temes, utilidaes… que tien Firefox?

Mozilla ta acabante de poner en marcha una web onde según les preferencies de los usuarios y el tuyu, dizte cualos son los que más te convezcan 🙂 pa que vayas a tiro fixo.

Pa vela, calca equí 😉

Los mios xuegos preferíos n’Ubuntu

El puntu débil de GNU/Linux ye ensín dulda’l campu de los xuegos. Cómo siempre nun por falta de recursos del sistema, sinon de la dexadez de les grandes empreses que parez nun-yos interesa un res esti mundiu.

Voi davos equí un llista de xuegos que m’enviciaron, y que na mio humilde opinión de xugón empederníu :$ parecenme perbonos 😉 Una bona muestra de les posibilidaes pa los xuegos de GNU/Linux 😀
Toos ellos llibres 😉

 

1. Kxmame
El meyor emulador pa xuegos de varies consoles/recreatives 😀 Nun se-y atraganta na a esti perbon emulador. Con el puedes disfrutar col Pang, Metal Slug, Street Fighter, Outrun, y milenta xuegos más 😀 ¡Una pasada! Puedes baxar ROMs (Xuegos) en páxines cómo ROM World (gueta en Google, hai milenta d’elles).

2. Teeworlds
Un de los xuegos más adictos. Gráficos simples pero trabayaos, soníos perfeutos, de les meyores xugabilidaes que ví… Too esto fae un de los mios xuegos preferíos.

3. X-moto
Demuestra la to pericia manexando una moto con sólo 3 tecles, acelera, llevanta la rueda o báxala. ¡A ver a que nivel llegues! 😉

4. TORCS
Si te gusten los xuegos de coches, nun duldes en probar TORCS 😀

5. OpenArena
Si the gusten los shooter 3D en primer persona (tipu DOOM o Quake), esti ye’l to xuegu 😉

6. Armagetron Advanced
Ponte nel pelleyu del protagonista de Tron, y cuidáu coles esteles de les futuristes motos 😉

7. Frozen-Bubble
Romper boles nunca fue tan entretenido 😀

8. Ibreakout 2
El manexu col mur, en llugar de col tecláu eleva l’adicción d’esti xuegu al másimu 😀 Perfeuta la dificultá, que te enganchará 😉 Nota: Nun atopé una captura de la versión 2 ?:O

9. Neverball
¿Parezte fácil guiar una bola per un pequeñu mapa? Prueba Neverball 😉

10. gBrainy
El xuegu que triunfó pa la Nintendo DS, tien réplica en gBrainy. ¡Exercita’l to cerebru! 😀

11. Gnometris
¿Qué dicir del Tetris? 😉

Va siendo hora de dir camentando que pedi-yos a los reies magos d’Oriente 😛

¿Y que meyor que da-yos un poco de perres al software llibre? 😉 (Pa encima que nos dan el sistema operativu de baldre, non cómo la pila euros que cuesta Window$).

Pa ello podeís mercar coses tan interesantes cómo estes:

PD: Yo voi pillame un par d’ellos, el problema ye los gastos d’unvíu, si quies mercalo a medies y asina aforrar abondo pagando a medies los gastos d’unvíu, avisa-yme nos comentarios 😉 Fecha tope, 30 Payares 2008.

Si dalguna vegada esborraste ficheros cómo root dende Nautilus, y vas a la papelera de root (sí, cada usuariu tien un directoriu de papelera, siendo root un d’ellos) darate un mensaxe de fallu:

The folder contents could not be displayed.

Onde realmente tan los ficheros esborraos ye en:

/root/.local/share/Trash/files

Ya puestos 😉 si quies desaniciar los ficheros ensín pasar pola papelera, seleicionalos y calca Alt+F2 😉

Por fin llegó a les tiendes el minilaptop de Dell Mini 9 pol que llevo nagüando 6 meses.
Les primeres impresiones nun pueden ser meyores 😀

Les característiques pricipales son: Un pesu de 1 Kg, procesador a 1,6GHz, 8.9″ de pantalla cola resolución de 1024×600, Ubuntu MID 8.04.1 preinstaláu 😉 8 Gb de discu duru SDD, batería de 4 celdes qu’ufierta unes 4 hores con un brillu normal (dicir que’l brillu másimu ye pa la mio opinión demasiau brillu 😉 asina que baxolo)…

Como sorpresa atopo un llanzador d’aplicaciones de Dell que simplifica más tovía si cabe l’usu d’Ubuntu, siendo xenial pa xente mayor, y que puedes camudar fácilmente al escritoriu por defectu d’Ubuntu.
Tamién si calques la tecla de Windows nel tecláu, masimiza l’aplicación qu’heba nesi momentu, quitando-y el decoráu de la ventana y faciendola lo más grande posible pa aprovechar la pequeña pantalla.

Ubuntu arrancando en namás que 31 segundos ¡sí! ¡cómo lo oyes! Ta totalmente operativu en 31 segundos.
Los repositorios propios de Dell, onde atopamos toles aplicaciones, ente los que tener verdaderos pesos pesaos como Virtualbox, Eclipse, poedit, Firefox…
El tecláu perpequeñu pemite bastante velocidá, aunque sigo lliándome un poco cola mayúscula de la drecha y flecha arriba que tan xuntes y son piquiñines 😉 Too será acostumbrase.
3 Puertos USB, Wifi y Bluetooth integraos, y con salida a pantalla esterna.
Tamién tien pa tarxetes SD, MS/Pro, MMC, colo que si vas de viaxe ya sabes onde descargar les semeyes de la cámara 😉
Tamién incluye webcam que tien una resolución perbona (creo que 1,3 Mb).
El modelu ye percompactu, aparentando mui robustu.
Tamién tien pa escoyer la llingua 😉 ente les que se incluye l’asturianu 😀

Dicir que Dell sólo vende na so web (318€+29€ d’unvíu), y qu’atopelu nel Carrefour por 299€ ¡un chollu!

Con esti minilaptop vense perbien les semeyes, los videos de pelis y series, el soníu pol altavoz ye mui bono. La pantalla vese perbien, y Ubuntu queda-y como un guante al poder camudar fácilmente’l tamañu de les lletres dende “Apariencia”, yo xubila de 10 a 12 puntos pa velo meyor tovía con lletres tan grandes como’l sobremesa 😛 Tien toles aplicaciones d’Ubuntu Hardy Heron preinstalaes y dalgunes más que-y amestó Dell dende los repositorios.

Como desventaxes, nun tien Compiz y les lletres Ñ y mayúscules drecha podríen haber sido más grandes.

Equí podeis ver una semeya a tamañu real (dependerá de la vuestra resolución el tamañu na que la veais):

Notase que lo ficieron diseñadores que saben muncho d’ergonomía y lo que quier un usuariu esixente. Y na fabricación mantuvieronlo de manera implecable.
Asina que si tas camentando en mercar un minilaptop, que tan de moda 😉 ya sabes la mio recomendación.

Nota: Dientro unes selmanes saldrá tamién el de HP 2133, tamién con Ubuntu 8.04, siendo estos 2 los únicos que lo llevaran preinstaláu nel mercáu (per agora), pero’l so preciu dispararase unos 100€ más, aunque tamién llevará unos 80Gb de discu duru como ventaxa principal.

El por qué analizo esti minilaptop ye porque Dell ye de los pocos fabricantes que tan dando un guiñu a Ubuntu, preinstalándolu, y parezme qu’eso ye perloable, y pa sofitalo 🙂 Tamién parez que’l dueñu de Dell, Michael Dell usa Ubuntu a nivel personal nel so laptop 😀 Y tamién porque merquelu y igual a dalgún interesa-y esta opinión personal mia 🙂

Cola entrada automática en GNOME, dalgunes aplicaciones requieren les claves que’l sistema tien almacenaes. Polo que según la nuestra configuración, por seguridá puede qu’aplicaciones como Evolution, Xestor de Rede… nos pida la contraseña del Aniellu de contraseñes predeterminaes en cada sesión. Esto ye porque Ubuntu almacena les distintes claves nun depósitu d’un programa, y por seguridá necesita que demostremos que somos los alministradores p’acceder a elles. Cuando entramos cola nuestra cuenta desbloqueamos el depósitu login, que ye onde tan les contraseñes.
Si te molesta que t’entruge la contraseña, crearemos otru depósitu que sustituye el del login, pero ensín que necesite la nuestra autorización.

N’Intrepid Ibex:
Dir a Aplicaciones > Accesorios > Contraseñes y claves de cifráu > Editar > Preferencies
Una vez abierto, calca en login y Desaniciar depósitu, confirmamos el desanicíu.

Agora amestamos-y una nueva, calcando en Amestar un depósitu: Nell ventanu pidiendo un nome pal nuevu depósitu escribimos login, al calcar en Amestar pídenos les contraseñes y calcamos en Aceutar, dexándoles vacíes, y confirmando que les dexaremos ensín encriptar.

Ya non entrugará más peles contraseñes del Aniellu 😀

Pa Hardy, echa un vistazu equí.

Nel artículu de Dangerous Piper pa personalizar Rhythmbox, quedó un poco atapecío cómo escuchar Radiu Sele per esti reproductor.

Asina que remembrovos cómo facelo 🙂

Calcamos col botón derechu onde diz “Radio” nel menú a manzorga, y calcamos “Nueva estación de radio n’internet…”, abriráse entós un ventanu pidiendo la url de la emisora, nesti casu http://bach.serveisweb.com/RA163 y calcamos “Amestar”. Yá sal nel llistáu pero’l nome ye la url, pa camudalo calcamos col botón drechu y escoyemos “Propiedaes” nel ventanu que sal podemos camudar la opción “Titulu”, y llistu. Pa reproducir calcamos dos vegaes en “Radio Sele” (o’l nome que-y punxeras).

La noticia del añu: Gmail incluye videuconferencia…

pero ¿cómo non?…

¡Gracies Google por tenenos en cuenta… cómo siempre (Gtalk, Chrome, Videuconferencia…)! :@