Edición 14 Setiembre 2010: Firefox ya ta n’asturianu oficialmente pa tolos sistemes operativos 😉 + info.

Depués de munchu caciplar di col problema que facía que nun s’amosaran bien los mensaxes d’errores 404 o de certificaos SSL.

Mandé a la llista de corréu de Softastur la esplicación, déxovos equí como instalar el paquete del asturianu que toi acabante de facer. Dicir tamién que ye multiplataforma.Ta probáu en Ubuntu y MacOS X (usuarios d’otres plataformes, por favor comentar), sicasí el problema de Comando + Q de MacOS X nun fui a igualo y tien de zarrase l’aplicación dende’l menú.

La traducción tien dos paquetes, un pa Firefox y otru pa Xulrunner (incluíu en Firefox).

Una vez instalao Firefox (en inglés, castellanu o cualesquier idioma) y dende el propiu Firefox calcai l’enllaz de descarga:

• Firefox 3.0.5 n’asturianu
• Xulrunner 1.9.0.5 n’asturianu

Estos enllaces abrirá una páxina de descarga en sourceforge.net, y vereis un mensaxe que vos entrugará si dais permisu pa instalar, calcar “Allow” (si ta n’inglés)…

y saldrávos entos un ventanu onde (depués d’unos segundinos) vos dexará instalar la traducción…

Cuando acabé de copiar los ficheros vos pedirá reaniciar el restolador pa cargar la traducción…

El procesu ye’l mesmu pa colos dos ficheros, al acabar tendréis Firefox n’asturianu ensin los errores XML… duelme la cabeza 😛

Un exemplu…

Dende The Linux Foundation, convoquen un concursu con un viaxe a Tokio como premiu 😀

Si quies participar tienes que facer un videu de por qué ames Linux ya inspirar a usalu 😉

Equí dexamos el videu que ficimos pa presentar rápidamente a Softastur, nel actu d’entrega del Premiu Andrés Solar, que convoca la Xunta pola defensa de la Llingua.

Alemaña ta acabante aprobar un plan pa espiar los ordenador privaos de los usuarios.

La Cámara Alta del Parlamentu Alemán aprobó poder espiar ordenadores sospechosos de terrorismu, pudiendo instalar spyware nos ordenadores, y atención, ¡dende Internet! ensín intervención in situ del ordenador, y fuera de les sos fronteres ¡!
El BKA podrá facer esa acción ensín pasar pol xuez.

Nun puede discutise la violación de los nuestros drechos básicos d’intimidá baxo la llucha escontra’l terrorismu.

Esto xúnese a la estrecha rellación ente la NSA y Microsoft… que güel fatal…

Almitense apuestes sobre en qué sistema operativu “podrán” facer tal cosa 😉

Una razón más pa usar GNU/Linux 😀

La nueva funcionalidá d’instalar dende USB n’Intrepid ye perbona, ya que nun gastes CDs y ye muncho más rápida que’l CD na instalación.

Esti sabadu, día 20 d’avientu a les 19.30, nel Antiguu Institutu Xovellanos de Xixón va entregase’l premiu Andrés Solar a Softastur. Si vienes una hora anantes podrás ver cómo ye Ubuntu in situ y probalu.

Tamién si traes un USB d’un xiga o más formateáu a FAT32 instalámoste la cabera versión d’instalación d’Ubuntu n’esi llapiz USB

¡Vemonos! 😉

Hai una utilidad bonísima pa grabar l’escritoriu en Ubuntu. Llámase gtk-RecordMyDesktop y como’l so nome conseña, lo que fai ye eso: grabar l’escritoriu. Pa los que nun la conozan, instálase dende synaptic con un par de clicks ;D

Pero Ai!! Esta ferramienta graba en formatu de salida .ogv Pa un usuariu d’Ubuntu eso nun ye mayor problema, pero pal sofríu usuariu de Winbugs, ye preferible otru formatu como por exemplu .avi

Podemos facer 3 coses:

1.-Convencer al nuesu collaciu, que dexe d’usar Winbugs. (Lo más recomendable)

2.-Pasá-y el videu .ogv y que se busque la vida

3.-Tresformar el nuesu .ogv a .avi

Vamos ser bones persones, y vamos facer la 3. Instalamos “memcoder“. Dende la terminal escribimos:

sudo apt-get install mencoder

Y una vegada instaláu, vamos tresformar el formatu del ficheru. Pa ello, tamién dende la terminal, allugámonos na carpeta au ta el ficheru.ogv. Si por exemplu el nuesu ficheru ta na carpeta “Home/nome_usuariu”, na terminal pondremos
cd /home/nome_usuariu
(podemos escribir “ls” pa ver si tamos na carpeta correuta)

y yá agora, convertimos el ficheru
mencoder -idx nomeficheru.ogv -ovc lavc -oac mp3lame -o nomeficheru.avi

nunos minutos, tendremos l’asuntu fechu.
Saludos.

A vegaes nun tenemos en cuenta que al vieyu ordenador arrinconáu ya ente milenta trastos “inservibles”, podemos saca-y muncho xugo gracies a GNU/Linux 😉

• Tornafueos o router
• Sirvidor de datos/Ficheros
• Sirvidor d’imprentación
• Sirvidor de fax
• Sirvidor web o sirvidor ftp
• Filtru anti-puxarra
• Sirvidor proxy
• Thin client
• Voice mail server
• Media server
• Sirvidor de descargues P2P

Si vas animate, equí tienes más información.

Softastur, ta acabante de recibir “El Pegollu” de los Premios Andrés Solar que concede la Xunta pola Defensa de la Llingua Asturiana.

Softastur esmolezse por averar y ufrir software llibre n’asturianu a la comunidá asturfalante.
Componenla persones que col calter altruista y personal tornen Ubuntu y software llibre dende la percenciella Launchpad 🙂

Remembrate que si quies tú tamién puedes poner el to granín tornándo un poquitín d’Ubuntu de manera personal o organizándote en Softastur ¡Dende 1 frase a milenta! ¡Fasta l’infinitu… y más allá! 😉 ¡Animate!

¡Felicidaes Softastur! 😉

Del que ye ensín dulda’l meyor reproductor de música xamás criáu, acaba d’asoleyase la so versión 2 😀

Ente les meyores cabe señalar:

• Interface rediseñada dafechu.
• Meyor integración con Magnatune, Jamendo, MP3tunes, Last.fm y Shoutcast
• Meyor API y sofitu de módulos complementarios.
• Migración de framework KDE 3 a KDE 4, usando les teunoloxíes cómo Solid, Phonon y Plasma.

Sistema operativu coles utilidaes de la FSF y el núcleu de Linux