Núcleu del sistema operativu llibre nomáu GNU/Linux

GNU is Not Unix (GNU Nun ye Unix)

INTRODUCCIÓN
La entruga del millón y resumen del trabayu: ¿Existen virus pa GNU/Linux?
La rempuesta al millón: Sí y Non.

Munches vegaes tengo que desplicar ante la incredulidá de la xente, por qué digo que nun hai virus pa Ubuntu. Voi intentar dexalo lo más nidio posible, pa que naide se llame a engañu 😉

¿QUÉ YE UN VIRUS?
La temerosa pallabra asocíanos mentalmente más a la gripe que a un pequeñu programa d’ordenador.
Un virus nun ye ni más ni menos que un programín que:

• Se copia a si mesmu, infectando ficheros
• Suel ser malintencionáu.

¿QUE NON YE UN VIRUS?
Delles vegaes aparez un pesentador de TV escandalizándonos a toos pol peligrosísimu virus que ta desaniciando millones d’ordenadores nel mundiu… wow! Solo falta que salgamos a la cai cómo na radioemisión de La Guerra de los Mundios.
Hai qu’esclariar que NON ye un virus:

• Spyware: El software fechu pa espiar les actividaes nel ordenador y guardar un rexistru o unviales por email.
• Un programa que desanicia too dafechu: Desaniciar el sistema anfitrión nun ye una cualidá del virus. Quedaría ensín reproducise a si mesmu y morrería nes sos primeres execuciones.
• Merucu: Un worm o merucu nun infecta ficheros, sinon ordenadores en rede.

A lo cabero del articulu veremos cómo protexenos d’estes coses.

QUÉ SON LOS ANTIVIRUS
Si un virus ye un programa, tien que tener un códigu. Esi códigu, incluso una mutación d’el, ye l’usáu pol antivirus pa saber que l’ordenador ta infectáu con un virus.
L’antivirus ye un programa que se dedica a lleer tolos ficheros que s’usen nel ordenador buscando cadenes (por eso instalar un antivirus en Windows ralentiza tanto l’ordenador), y cuando atopa una d’eses cadenes que tien na base de datos, avisa con virus atopáu.
La so desinfeción consiste en camudar la cadena conflictiva por otra dientro del ficheru que contien el virus. Digamos que parchea’l ficheru.

¿CUÁL YE UN BON VIRUS?
Un bon virus tien delles cualidaes:

• Se copia perbien, intentando mutar el so códigu pa que l’antivirus nun lu detecte.
• Nun desanicia l’ordenador anfitrión dafechu, esperaría’l tiempu suficiente a replicase.
• Nun ocuparía munchos recursos del sistema, nun faciendo sospechar al usuariu que ta infectáu.

MOTIVOS POLOS QUE NUN HAI VIRUS PA UBUNTU
Recordemos qu’un programador de virus quier facer el mayor dañu posible, y saltase decenes d’arquiteutures en sistemes operativos ye casi qu’imposible.
Con ello:

• La poca difusión de GNU/Linux ye un motivu de que nun heba virus. Los virus de Windows tan fechos pa l’arquiteutura de Windows.
• L’usuariu mediu de GNU/Linux ye muncho más técnicu, indagador y geek que l’usuariu mediu de Windows.
• Les múltiples distribuciones, con su diferente manera de facer les coses, imposibilita infectar a l’arquiteutura entera de GNU/Linux. Un virus podría infectar la distro Debian y derivaes (Ubuntu), y non ser capaz de perxudicar a Slackware.
• Un programa infecta lo que puede, y GNU/Linux tien mui restrinxíos los privilexos del usuariu. Digamos que lo más que podría facer ye desaniciar l’home del usuariu, bastaría entrar cómo root y crear otru usuariu y copiar los documentos d’un usuariu a otru.
• Un usuariu podría criar un programa útil pa dalgo, y anubrir un virus dentro adrede. A los primeros usuarios que-y pasara daríen la voz d’alarma, y naide baxaría esi programa, y…
• La filosofía del software llibre, abriendo’l códigu dificulta ocultar códigu en programes.
• Tamién la rápidez y xestión de bugs n’esti sistema daría una solución n’unos pocos díes con una actualización.

¿PUEDE FRAYAR UN VIRUS DE WINDOWS A UBUNTU?

Un virus de Windows nun ye dañinu tando n’Ubuntu, ni siquera executándo con Wine un virus qu’unvie un corréu eletrónicu, ye a facelo.

Un virus de Windows dende Windows puede desaniciar les particiones de tol discu, frayando obviamente la de GNU/Linux.
Un virus de Windows na execución de Windows, pa infectar a Ubuntu dende la partición de Windows tendría qu’usar un métodu pa entrar n’una partición nun soportada por Windows (normalmente ext) y infectar los ficheros de GNU/Linux de tal manera que cuando s’arranque’l sistema per primer vegada, consiga copiase y infectar. Esto ye percomplicao de programar y de llevar a la práctica.

¿POR QUÉ EXISTEN ANTIVIRUS PA UBUNTU?
N’Amestar/Quitar programes dispones d’antivirus cómo’l Clamav. Son útiles si tienes una rede con Windows y GNU/Linux, pa desinfectar los virus de Windows nes particiones de Windows desde les de GNU/Linux.

RESUMEN
Los virus puede dicise qu’existen pa cualisquier plataforma informática. Otra cosa ye la probabilidá real d’infección.
Obviamente tener la fama de ser el primer programador d’un virus pa Ubuntu, ye apetecible pa muncha xente. Y aún asina, nun existen virus (¿Bon indiciu non?).
Aunque en Windows nun valga pa muncho polo débil de la proteición del sistema, en GNU/Linux la meyor defensa ye’l propiu usuariu, que col so xacíu tenga cordura en qué instalar y que non.
Usar sólo los repositorios oficiales pa la instalación de programes ye perbono pa evitar virus, spyware, merucos…, ya que les fontes tan percontrastaes y probaes.

OTROS PUNTOS A TENER EN CUENTA
Tamién ye importante l’open source, permitiendo estudiar qué fae un programa realmente.
Les actualizaciones d’Ubuntu a parte de pa igüar fallos, ye pa meyorar coses. N’otros sistemes privativos les actualizaciones lleguen a cuentagotes y encima hai qu’esperar años, quedando a espenses de los dueños del sistema operativu privativu.
En GNU/Linux cuando hai un fallu críticu tardense unos díes en qu’heba una actualización disponible por parte de los millones de programadores pa GNU/Linux 😀

Que’l sistema seya seguru en cuantes a virus, nun quita que debemos remembrar que la rede Internet ye un gran furacu na seguridá del sistema.
Si l’ordenador ye accesible dende Internet, debemos poner les muries necesaries pa evitar accesos nun deseados.
Remembrar que los sistemes operativos nun suelen tener torgafueos integráu, y que otros cómo GNU/Linux tienen l’imprescindible paquete iptables, que marca qué tráficu puede entrar/salir del ordenador.
Ubuntu da un pasu más, con un frontend pa iptables: ufw que facilita muncho la configuración. Tamién existe Gufw como GUI pa ufw faciendo que protexer el sistema seya mui cenciello.

ENTOS, ¿LINUX YE SEGURU?
Sí, Linux ye perseguru.
Ta pernidio qu’anguaño GNU/Linux ye’l meyor antivirus qu’existe.

RECOMENDACIONES PAL USUARIU

• Actualizar los programes frecuentemente.
• Algamar los programes de fontes fidedignes.
• Non executar tolos que nos llegue per Internet, usando un poco de xacíu.

Bibliografía:
http://www.kriptopolis.org/linux-virus-popularidad
http://www.kriptopolis.org/virus-en-linux-i
http://www.kriptopolis.org/virus-en-linux-y-ii
http://www.kriptopolis.org/mareando-la-perdiz-virus-windows-en-linux
http://www.laconsolablog.com/2008/09/13/seguridad-en-ubuntu-i/
http://www.laconsolablog.com/2008/09/15/seguridad-en-ubuntu-ii-rootkits/
http://www.laconsolablog.com/2008/09/17/seguridad-en-ubuntu-iii-antivirus/
http://www.linuxmint.com/wiki/index.php/Does_Mint_need_antivirus-antimalware-firewall

Ye d’agradecer que Menéame salude al debalu n’asturianu 😀

Pero en llugar de saludanos, parez que se sorprenda de venos xD

Aclaración: Debiera ser ¡Home, Usuariu! Siendo la ho de Home 😉

Si quies debuxo pa camisetes, diseños fechos, imprentala y/o mercala, Mozilla permitelo agora na so web pa la comunidá 😉

Dalgunos exemplos fechos pola comunidá son estos:

Salió n’estos díes dalgunes estadístiques sobre l’usu del 20% de Firefox, pero sinceramente NetApplications non ye la más idonea pa facer estadístiques, tanto pol númberu, cómo destinatarios del so análisis.
Una de les meyores y más fiables webs pa estadístiques mundiales d’usu ye W3Counter, con 46,5 millones de visites contabilizaes d’unes 17.000 webs 😉

Estudiando eses estadístiques podemos concluir delles coses interesantes:

• Internet Explorer usenlu un 59% – Ablucante qu’un restolador tan malu seya tan popular… manda güevos.
• Firefox usenlu el 30% d’usuarios – Gran cuota de mercáu y xubiendo
• Windows baxa per primer vegada na hestoria del 90% d’usu, con un 89,86% sumando toles sos versiones.
• GNU/Linux usaselu un 2,09% – Lo más interesante ye que nel últimu mes ganó un 0,10%, dende fae un añu ganó 0,34%, y un 0,83% dende mayu del 2007.
• Usase más GNU/Linux que Windows 2003, ME ó NT.

Nes series tan geeks cómo The Big Bang Theory y The IT Crowd, vese-yos usar Windows…

…seguimos ensín saber si ye n’asturianu o nel so inglés natal 😉 pero lo que ta nidio ye que ya nun son tan geeks cómo aparenten 😛

Si vimos que Windows ya ta n’asturianu gracies a la subvención de 8 millones d’eurinos por parte del gobiernín, na gueta d’allanar el camín a la oficialidá pretendida y amada por Areces (n’esa retorcida y encubierta imposición d’una llingua artificial inventada), agora’l traidor de Bill Gates reniega del so multimillonariu y excelente sistema operativu Windows, recomendando Ubuntu…

¡Pues yo pienso siguir coles mios Blue Screen of Death ¡ala! y agora nun respiro en 15 minutos ¡ea! ¡¡¡Por favor, queríu Ballmer sacanos d’esti infiernu!!!!

Unviaronme esti powerpoint nun email… ante tal primicia, nun puedo menos que compartilo con vosotros y mexame de la cutredá de la presentación ¡Ḥuas!

¿Prefieres esti montaxe de Windows n’asturianu…?

¿O Ubuntu n’asturianu?

La eleición ta na to mano 😉

Yo escueyo’l meyor sistema operativu d’anguaño, y encima n’asturianu: Ubuntu.

Remembrate que Ubuntu ye GNU/Linux, ufrese de baldre y ensín virus. Instálase perfácil. Tornase al asturianu dende Softastur, y puedes saber más del proyeutu con esti videu:

Cuando instalamos paquetes dende una terminal podemos usar cualesquiera d’estos comandos, pero ¿qué diferencies tienen? simplemente que aptitude buscará les dependencies y apt-get les ignora. Sí tienes razón, si executes

$ sudo apt-get install programina

va instalate los paquetes programina y programina-dependencia, pero cuando quieras desinstalar, al executar

$ sudo apt-get remove programina

va desinstalate programina pero mantiene programina-dependencia, pero si executamos

$ sudo aptitude remove programina

desinstala tanto programina como programina-dependencia siempres que nengúna otra aplicación instalada necesite programina-dependencia.