Cuando queremos facer pruebes de velocidá de la conexón a internet, hai sitios web enforma pa facelo. Pero si queremos medir la velocidá de tresmisión de datos ente equipos d’una rede llocal tendremos d’usar una aplicación propia. Y n’Ubuntu esto ye mui fácil, necesitamos Iperf.

Instalamos dende’l centru de software o dende terminal con:

$ sudo apt-get install iperf

Iperf tien un modo sirvidor y otru cliente pa facer les pruebes, nel equipu A (con ip xxx.xxx.xxx.xxx) aniciamos el sirvidor

$ iperf -s

Vamos al equipu B y llanzamos el cliente escontra el sirvidor A indicando la so ip

$ iperf -c xxx.xxx.xxx.xxx

Esperamos un ratín y al ratu nos dará la velocidá de la conexón.

Iperf tien más opciones, pero pa eso ta el manual. Tamién hai versión pa Window$ colo que tamién podeis medir la velocidá en redes insegures.

Esti artículu espublizóse'l 20 d'Avientu de 2012 a les 20 d'Avientu de 2012 y ta guardáu en Tutoriales. Etiquetes: Iperf, lan, network, Redes, velocidá.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.