Controlando Mac OS X dende Ubuntu

Va tiempu que nun escribo nada en Ta pa Ponga, y güei pongo una forma de configurar rápidamente el manexo d’un equipu con Mac OS X dende Ubuntu usando’l serviciu d’escritoriu remotu.

Un escritoriu remotu nun ye más que un equipu con un servidor que permite manexarse dende otru distintu al travies d’una rede, esto ye útil pa manexar el to equipu cuando nun tas en casa o, el que pa mi ye más interesante, tratar d’iguar problemes de familiares y collacios (serviciu téunicu de baldre dicho d’otra forma) pero esin tener que separtar el culu de la silla, que cansa…

Lo primero que vamos facer ye configurar Mac OS X pa que mos dexe entrar dende’l nuesu equipu, calcamos na mazana del menú y calcamos “Preferencias del Sistema” y equí vamos a “Compartir”, onde inciamos el serviciu “Apple Remote Desktop”.

escritoriu_remotu_1.jpg

 

 Pa poder configurar los permisos d’accesu (un poquitín de seguridá) calcamos en “Privilegios de acceso…”

escritoriu_remotu_2.jpg

 

 Equí marcamos que usuariu queremos que pueda coneutar y que coses puede controlar, marcamos tamién el permisu pa “controlar la pantalla” y ponemos una clave d’accesu pa visores VNC.

Aceptamos too y nos vamos a Ubuntu.

Cola instalación por defeutu nun vamos poder coneutar, pero valnos con instalar el paquete  vncviewr, abrimos una terminal y escribimos:

sudo aptitude install vncviewer

Cuando acabe la instalación vamos a Aplicaciones>>Internet>>Terminal Server Client

escritoriu_remotu_3.jpg

 

 En “Computer” ponemos la IP del Mac OS X, en “Protocol” escoyemos “VNC” en”User Name” el nome del usuariu que activamos nel Macos y calcamos “Connect”, saldranos una ventanina onde pondremos la clave y damos-y a la tecla “enter”. Abrirá entos una ventana col escritoriu del Mac.

Tenéi en cuenta que si quereis acceder dende fuera de la vuesa rede llocal teneis d’abrir el puertu 3283 (UDP) nel router.

Déxovos un video d’exemplu de funcionamientu del escritoriu remotu.

Ver el vídeu en Youtube

2 comentarios al rodiu de “Controlando Mac OS X dende Ubuntu”

  1. marquinos diz:

    Per bona eleción de Terminal Server Client.
    Ubuntu 8.04 lleva Vinagre, que nun me acaba de convercer col agotamientu del anchu de banda (creo que Vinagre sólo val pa LANs).

    Polo demás igual, yo usolo pa lo mismo 😉

  2. Dangerous Piper diz:

    En realidá yo namás que lo probe en lan, por wifi colo que va un pelin llentu, pero per internet tovía nun fice usu…